ພາບປະກອບ: IndustryWeek

ວັນທີ 9 ກັນຍາ, ອາເມລິກາ ຈັດວາງບັນດາມາດຕະການລົງໂທດສຳລັບ ກະຊວງສືບລາຊະການລັບ ແລະປ້ອງກັນຄວາມສະຫງົບ ອີຣານ ພ້ອມກັບຫົວຫນ້າຂອງກະຊວງນີ້ ແລະ ຖືວ່າ ອົງການນີ້ ມີສ່ວນກ່ຽວຂ້ອງເຖິງເຫດບຸກໂຈມຕີເພື່ອເລັ່ງໃສ່ Albania ກ່ອນນີ້ 2 ເດືອນ ພ້ອມກັບບັນດາການເຄື່ອນໄຫວຕ້ານ ອາເມລິກາ ແລະ ບັນດາປະເທດພັນທະມິດ ທາງເຄືອຂ່າຍອິນເຕີ້ເນັດ.

ຂໍ້ຕົກລົງຂອງ ອາເມລິກາ ໄດ້ຍົກອອກມາ ໃນສະພາບວັນທີ 7 ກັນຍາ,  Albania ຖະແຫລງຢຸດຕິການພົວພັນທາງການທູດກັບ ເຕເຮຣານ ພາຍຫລັງວົງການເຈົ້າຫນ້າທີ່ປະເທດ ເອີລົບຕາເວັນອອກສ່ຽງໃຕ້ ຖືວ່າ ເຕເຮຣານ ໄດ້ປະຕິບັດເຫດບຸກໂຈມຕີທາງເຄືອຂ່າຍອິນເຕີເນັດເພື່ອເລັ່ງໃສ່ ຫນ້າເວັບຂອງລັດຖະບານ Albania ໃນວັນທີ 15 ກໍລະກົດ ຜ່ານມາ. Albania ກໍ່ຮຽກຮ້ອງບັນດາລັດຖະກອນການທູດ ຢູ່ ສະຖານທູດ ອີຣານ ຕ້ອງອອກຈາກປະເທດນີ້.

ໃນວັນດຽວກັນ, ກະຊວງການຕ່າງປະເທດ ອີຣານ ໄດ້ອອກຖະແຫລງການ “ຄັດຄ້ານຢ່າງແຮງ” ຕໍ່ຂໍ້ຕົກລົງຂອງ Albania ກ່ຽວກັບເລື່ອງຢຸດຕິການພົວພັນທາງການທູດ ກັບເຕເຮຣານ ພ້ອມທັງຢັ້ງຢືນວ່າ ສາຍເຫດ ຊື່ງ Tirana ຍົກອອກມາແມ່ນເພື່ອອະທິບາຍໃຫ້ການກະທຳນີ້ ແມ່ນ “ໄຮ້ຫລັກຖານ”.