(vovworld) - ວັນທີ 17/02, ກອນທີ່ອີຣານ ແລະ ກຸ່ມ P5+1 (ເຊິ່ງລວມມີອັງກິດ, ຝລັ່ງ, ອາເມລິກາ, ລັດເຊຍ, ຈີນ ແລະ ເຢຍລະມັນ) ດຳເນີນການເຈລະຈາທາງການຄັ້ງທຳອິດຢູ່ວຽນ (ໂອຕາຣິດ), ເປັນເວລາ 1 ວັນ, ເຈົ້າໜ້າທີ່ຂັ້ນສູງອາເມລິກາ ທ່ານໜຶ່ງ ຍອມຮັບວ່າ, ວິວັດການຊອກຫາຂໍ້ຕົກລົງຍາວນານ ເພື່ອແນໃສ່ສະກັດກັ້ນໂຄງການນິວເຄຼຍ ທີ່ກໍ່ຄວາມໂຕ້ຖຽງກັນທີ່ແກ່ຍາວເປັນເວລາຫຼາຍທົດສະວັດຜ່ານມາຂອງອີຣານ ນັ້ນບໍ່ແມ່ນເລື່ອງງ່າຍ. ກ່າວຄຳເຫັນຕໍ່ວົງການນັກຂ່າວຢູ່ວຽນ, ເຈົ້າໜ້າທີ່ທຳນຽບຂາວທ່ານໜຶ່ງ ຍອມຮັບວ່າ, ການເຈລະຈາຂັ້ນສູງເຊິ່ງດຳເນີນໃນອາທິດນີ້ລະຫວ່າງກຸ່ມ P5+1 ກັບອີຣານ ແມ່ນການເລີ່ມຕົ້ນໃຫ້ແກ່ວິວັດການທີ່ “ສັບສົນ, ຍາວນານ, ຫຍຸ້ງຍາກ ແລະ ບໍ່ຮັບປະກັນວ່າຈະໄດ້ຮັບໄຊຊະນະ”. ອາເມລິກາ ບໍ່ຕັ້ງຄວາມຫວັງວ່າ ຮອບເຈລະຈາເປັນທາງການຄັ້ງທຳອິດນີ້ ຈະບັນລຸໄດ້ໝາກຜົນຢ່າງວ່ອງໄວ, ຊ້ຳບໍ່ໜຳໃນເວລາໜຶ່ງເດືອນ.