ອາເມລິກາໜູນຊ່ວຍຫວຽດນາມປົກປັກຮັກສາສຸຂະພາບຂອງມະນຸດແລະປ້ອງກັນ,ຕ້ານພະຍາດຢູ່ສັດ
(ພາບປະກອບ)
(vovworld) – ຕອນບ່າຍວັນທີ 16/09, ຢູ່ຮ່າໂນ້ຍ, ທ່ານລັດຖະມົນຕີຊ່ວຍວ່າການກະຊວງກະສິກຳ ແລະ ພັດທະນາຊົນນະບົດ ຫວູວັນຕາມ ແລະ ທ່ານ Jongha Bae, ຫົວໜ້າຜູ້ຕ່າງໜ້າອົງການອາຫານ ແລະ ກະເສດສະຫະປະຊາຊາດ ປະຈຳຫວຽດນາມ ໄດ້ລົງນາມໂຄງການ “ຫຼຸດຜ່ອນຄວາມສ່ຽງ ແລະ ຄຸ້ມຄອງບັນດາໄພນາບຂູ່ເຖິງສຸຂະພາບຂອງມະນຸດ ຕາມຄຸນຄ່າສັດ”. ໂຄງການມີມູນຄ່າ 2 ລ້ານ 1 ແສນ USD, ໂດຍອົງການພັດທະນາສາກົນອາເມລິກາອຸປະຖຳ.
ກ່າວຄຳເຫັນທີ່ພິທີລົງນາມ, ທ່ານ ຫວູວັນຕາມ ໄດ້ຕີລາຄາສູງການຊ່ວຍເຫຼືອຂອງອົງການພັດທະນາສາກົນອາເມລິກາ ໃນໄລຍະຜ່ານມາ. ຜ່ານອົງການອາຫານ ແລະ ກະເສດສະຫະປະຊາຊາດ ແລະ ບັນດາຄູ່ຮ່ວມມືອື່ນໆ, ອົງການນີ້ ໄດ້ຕັ້ງໜ້າໜູນຊ່ວຍຫວຽດນາມ ໃນການປ້ອນກັນ, ຕ້ານໄຂຫວັດສັດປີກ ໃນຂອບເຂດ “ໂຄງການໄຂຫວັດສັດປີກ” ແລະ “ໂຄງການບັນດາໄພນາບຂູ່ຈາກໂລກລະບາດທີ່ຫາກໍເກີດຂຶ້ນ”. ການໜູນຊ່ວຍນີ້ໄດ້ປະກອບສ່ວນສຳຄັນເຂົ້າໃນຜົນສຳເລັດຂອງຫວຽດນາມ ໃນການປ້ອງກັນຕ້ານໄຂຫວັດສັດປີກ.