ຮຸງກາຣີ ຖືກປັບໄໝຈຳນວນເງິນ 200 ລ້ານເອີໂຣ ຍ້ອນບໍ່ປະຕິບັດຕາມຂໍ້ກຳນົດຂອງ EU ກ່ຽວກັບການລີ້ໄພ
(VOVWORLD) - ວັນທີ 13 ມິຖຸນາ, ສານຍຸຕິທຳເອີຣົບ (ECJ) ໄດ້ຮຽກຮ້ອງໃຫ້ ຮຸງກາຣີ ຕ້ອງຈ່າຍເງິນຈຳນວນ 200 ລ້ານເອີໂຣ (216 ລ້ານ USD) ຍ້ອນບໍ່ປະຕິບັດຕາມຂໍ້ກຳນົດກ່ຽວກັບການລີ້ໄພຂອງກຸ່ມ ແລະ ປັບໄໝຕື່ມອີກ 1 ລ້ານ ເອີໂຣຕໍ່ວັນ (1,08 ລ້ານ USD ຕໍ່ວັນ) ຍ້ອນຈ່າຍເງິນຊ້າ.
 ຮຸງກາຣີ ສ້າງກຳແພງຊາຍແດນ ຕ້ານຊາວລີ້ໄພ (ພາບ: TTXVN) |
ກ່ອນໜ້ານັ້ນ, ໃນເດືອນທັນວາ 2020, ສານໄດ້ອອກຄຳພິພາກສາວ່າ ຮຸງກາຣີ ບໍ່ປະຕິບັດຕາມນະໂຍບາຍຂອງກຸ່ມກ່ຽວກັບການມອບສິດປົກປ້ອງສາກົນເມື່ອສ້າງກຳແພງຊາຍແດນ ແລະ ມອບສົ່ງຜູ້ອົບພະຍົບແບບຜິດກົດໝາຍ. ຄະນະກຳມະການເອີຣົບ (EC) ໄດ້ຟ້ອງຂຶ້ນສານ ເພື່ອແນໃສ່ຊອກຫາບັນດາມາດຕະການລົງໂທດດ້ານການເງິນ.
ຖະແຫຼງການຂອງ ECJ ໄດ້ຊີ້ແຈ້ງວ່າ ຮຸງກາຣີ ບໍ່ປະຕິບັດບັນດາມາດຕະການຈຳເປັນເພື່ອປະຕິບັດຄຳພິພາກສາໃນປີ 2020, ຕັ້ງໃຈຫຼີກລ້ຽງການປະຕິບັດນະໂຍບາຍລວມຂອງສະຫະພາບເອີຣົບ (EU) ເວົ້າລວມ, ລະເມີດຂໍ້ກຳນົດກົດໝາຍຂອງກຸ່ມຢ່າງຮ້າຍແຮງ. ໂຄສົກຂອງສານໃຫ້ຮູ້ວ່າ ຈຳນວນເງິນປັບໄໝເພີ່ມເຕີມ 1 ລ້ານເອີໂຣ/ວັນ ຈະເລີ່ມປະຕິບັດນັບແຕ່ວັນທີ 13 ມິຖຸນາ.