ພາບປະກອບ: internet
|
(vovworld) - ຕອນເຊົ້າວັນທີ 3/4 ຢູ່ ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ສົມທົບກັບກະຊວງສາທາລະນະສຸກ ຈັດຕັ້ງກອງປະຊຸມແຫ່ງຊາດກ່ຽວກັບການປ້ອງກັນ ແລະ ຄວບຄຸມພະຍາດຕິດແປດຈາກສັດສູ່ຄົນ. ກ່າວຄຳເຫັນທີ່ກອງປະຊຸມ, ຜູ້ຕາງຫນ້າບັນດາອົງການຈັດຕັ້ງສາກົນຄື: ອົງການອະນາໄມໂລກ, ອົງການສັດຕະວະແພດໂລກ, ສະຖານທູດ ອາເມລິກາປະຈຳຫວຽດນາມ ພ້ອມກັບບັນດາຄູ່ຮ່ວມມື, ອົງການບໍ່ຂຶ້ນກັບລັດຖະບານ ຢູ່ ຫວຽດນາມ ໄດ້ຕີລາຄາສູງບັນດາໝາກຜົນຊື່ງຫວຽດນາມບັນລຸໄດ້ໃນວຽກງານປ້ອງກັນ ແລະ ຄວບຄຸມໂລກລະບາດຈາກສັດສູ່ຄົນ. ພິເສດ ຫວຽດນາມ ໄດ້ປະສົບຜົນສຳເລັດໃນວຽກງານປ້ອງກັນ ແລະຄວບຄຸມໂລກລະບາດ SARS, ສະກັດກັ້ນໂລກໄຂ້ຫວັດສັດປີກ ແລະ HIV/AIDS. ເມື່ອເວົ້າເຖິງວຽກງານປ້ອງກັນ ແລະ ຄວບຄຸມພະຍາດຕິດແປດຈາກສັດໄປສູ່ຄົນ, ທ່ານ David B Shear, ເອກອັກຄະລັດຖະທູດ ອາເມລິກາ ປະຈຳຫວຽດນາມ ຍົກຄຳເຫັນວ່າ:
“ພວກເຮົາພ້ອມກັນຮັບຮູ້ ແລະ ຊຸກຍູ້ສາຍກ່ຽວພັນລະຫວ່າງບັນດາຂົງເຂດຕ່າງກັນເພື່ອແກ້ໄຂໄພຂົມຂູ່ຂອງໂລກລະບາດຈາກສັດສູ່ຄົນຢ່າງມີປະສິດທິຜົນ, ສ້າງການຮ່ວມມືລວມກ່ຽວກັບດ້ານວິຊາສະເພາະ. ໄປຄຽງຄູ່ກັນນັ້ນ ຕ້ອງສ້າງລະບົບຫນຶ່ງໃນນັ້ນ ເນັ້ນຫນັກເຖິງການປ້ອງກັນຫລາຍກວ່າການຮັບມື, ກຳນົດໄດ້ການຂົມຂູ່ຕ່າງໆຂອງໂລກລະບາດທີ່ຫາກໍເກີດຂຶ້ນ ກ່ອນທີ່ແຜ່ລາມອອກຢ່າງກວ້າງຂວາງ, ຈາກນັ້ນຈຶ່ງປະຢັດໄດ້ເວລາ, ແຫລ່ງກຳລັງປ້ອງກັນ, ຄວບຄຸມໂລກລະບາດ ແລະ ປົກປ້ອງມະນຸດໄດ້.”