(vovworld) – ວັນທີ 08/08, ຢູ່ Nay Pyi Taw, ປະເທດມຽນມາ, ເນື່ອງໃນໂອກາດເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 47 (AMM 47) ແລະ ບັນດາກອງປະຊຸມທີ່ກ້ຽວຂ້ອງ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິງມິງ ໄດ້ມີການພົບປະກັນທ່ານລັດຖະມົນຕີການຕ່າງປະເທດຈີນ ອ໋ວາງອີ. ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ແບ່ງປັນຄວາມເສົ້າສະລົດໃຈຕໍ່ຄວາມເສຍຫາຍຂອງປະຊາຊົນຈີນ ຍ້ອມເຫດແຜ່ນດິນໄຫວຢູ່ແຂວງ ຢິນໜານ. ທ່ານຮອງນາຍົກລັດຖະມົນຕີ ຟ້າມບິ່ງມິງ ເນັ້ນໜັກວ່າ ຍາມໃດຫວຽດນາມກໍ່ຖືການພົວພັນຖານບ້ານໃກ້ເຮືອນຄຽງ, ຮ່ວມມືຍຸດທະສາດຮອບດ້ານກັນຈີນເປັນສຳຄັນ. ທ່ານຮອງນາຍົກລັດຖະມົນຕີ ຟ້າມບິ່ງມິງ ຢືນຢັນຄືນຫຼັກໝັ້ນຂອງຫວຽດນາມ ຕໍ່ບັນຫາທະເລ, ທ່ານຮອງນາຍົກລັດຖະມົນຕີ ຖືວ່າ ສິ່ງສຳຄັນທີ່ສຸດໃນປະຈຸບັນແມ່ນ 2 ຝ່າຍຕ້ອງພ້ອມກັນມານະພະຍາຍາມຮັກສາສັນຕິພາບ, ສະຖຽນລະພາບ, ແກ້ໄຂຄວາມບໍ່ລົງລອຍກັນຢູ່ທະເລຕາເວັນອອກໂດຍສັນຕິ ບົນພື້ນຖານເຄົາລົບກົດໝາຍສາກົນ. ທ່ານຮອງນາຍົກລັດຖະມົນຕີ ຢືນຢັນວ່າ ຕໍ່ໜ້າສະພາບສັບສົນ, ເຄັ່ງຕຶ່ງຢູ່ທະເລຕາເວັນອອກຄືປະຈຸບັນ ໄດ້ຊີ້ໃຫ້ເຫັນຄວາມຈຳເປັນຕ້ອງປະຕິບັດ DOC ຢ່າງເຂັ້ມງວດ ແລະ ສ້າງປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ໂດຍໄວ. ທ່ານຮອງນາຍົກລັດຖະມົນຕີ ກໍ່ສະເໜີໃຫ້ຝ່າຍຈີນ ຕັ້ງໜ້າຊຸກຍູ້ການເຈລະຈາ COC ເພື່ອບັນລຸໄດ້ໝາກຜົນແທດຈິ່ງໂດຍໄວ, ຢືນຢັນຍາມໃດ ຫວຽດນາມ ກໍ່ຖືເປັນສຳຄັນ, ເຂົ້າຮ່ວມບົນຈິດໃຈສ້າງສາ ແລະ ຈະເຮັດຈົດສຸກຄວາມສາມາດຂອງຕົນເພື່ອຊຸກຍູ້, ເພີ່ມທະວີຄວາມເຂົ້ນອົກເຂົ້າໃຈລະຫວ່າງອາຊຽນ - ຈີນ.
ທ່ານລັດຖະມົນຕີການຕ່າງປະເທດຈີນ ອ໋ວາງອີ ໄດ້ຂອບໃຈລັດຖະບານຫວຽດນາມ ທີ່ໄດ້ສົ່ງໂທລະເລກຢື້ຢາມຖາມຂ່າວເຖິງປະຊາຊົນຢູ່ເຂດເກີດເຫດແຜ່ນດິນໄຫວ ແລະ ສະແດງຄວາມຈຳເປັນຕ້ອງເພີ່ມທະວີການຮ່ວມມື, ພ້ອມກັບພັດທະນາ, ແກ້ໄຂບັນດາບັນຫາຫຍຸ້ງຍາກໃນການພົວພັນລະຫວ່າງ 2 ປະເທດຢ່າງສົມເຫດສົມພົນ, ໃນນັ້ນມີບັນຫາທະເລຕາເວັນອອກ.