(vovworld) - ໂດຍໄດ້ຮັບຄຳເຊີນຂອງທ່ານຮອງນາຍົກລັດຖະມົນຕີ ອູແກຼນ Sergay Tigypko, ທ່ານຮອງນາຍົກລັດຖະມົນຕີຫວຽດນາມ ຮ່ວາງຈຸງຫາຍ ໄດ້ມີການຢ້ຽມຢາມແລະ ເຮັດວຽກຢູ່ ອູແກຼນ ແຕ່ວັນທີ 1 – 4/12. ໃນຂອບເຂດການຢ້ຽມຢາມ, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ໄດ້ມີການພົບປະເຈລະຈາກັບທ່ານນາຍົກລັດຖະມົນຕີ ອູແກຼນ Nikolai Azarov, ເຈລະຈາກັບທ່ານຮອງນາຍົກລັດຖະມົນຕີ Sergey Tigypko. ທີ່ບັນດາການເຮັດວຽກກັບການນຳ ອູແກຼນ, ສອງຝ່າຍໄດ້ເນັ້ນໜັກເຖິງຄວາມໝາຍຂອງການເຈລະຈາ ແລະ ລົງນາມໃນສັນຍາການຄ້າເສລີລະຫວ່າງຫວຽດນາມ - ອູແກຼນ, ຕົກລົງດຳເນີນການເຈລະຈາໃນເດືອນ 1/2013, ຖືນີ້ແມ່ນມາດຕະການກະໂດດຂັ້ນ ເພື່ອແນໃສ່ເພີ່ມທະວີການແລກປ່ຽນດ້ານການຄ້າສອງຝ່າຍໃນໄລຍະຈະມາເຖິງ. ສອງຝ່າຍເຫັນດີເປັນເອກະສັນນຳກັນຍູ້ແຮງການຮ່ວມມືໃນບັນດາຂົງເຂດທີ່ມີທ່າແຮງຄື; ພະລັງງານ, ຜະລິດກົນຈັກ, ການບິນ, ມອບໂອນເຕັກໂນໂລຊີ, ເພີ່ມທະວີການຮ່ວມມືລະຫວ່າງບັນດາທ້ອງຖິ່ນຂອງສອງປະເທດຢ່າງມີປະສິດທິຜົນ. ທີ່ການພົບປະກັບຜູ້ຕາງໜ້າວົງການນັກທຸລະກິດ ອູແກຼນ, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ຢືນຢັນວ່າ ຍາມໃດລັດ, ລັດຖະບານຫວຽດນາມ ກໍສະໜັບສະໜູນ ແລະ ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດຕ່າງປະເທດເວົ້າລວມ ແລະ ວິສາຫະກິດອູແກຼນເວົ້າສະເພາະມາຫວຽດນາມ ຮ່ວມມືທຳມະຫາກິນ, ປາດຖະໜາວ່າ ວົງການນັກທຸລະກິດສອງປະເທດ ຕັ້ງໜ້າຊອກຫາທິດທາງຮ່ວມມືຢ່າງມີປະສິດທິຜົນ ເພື່ອປະກອບສ່ວນຍົກສູງວົງເງິນການຄ້າຂອງສອງປະເທດ.