ທ່ານຮອງນາຍົກລັດຖະມົນຕີຫວູວັນນິງ
(ພາບ:baodientu.chinhphu.vn)
(vovworld) - ໃນວັນທີ 3-4/3, ທ່ານຮອງນາຍົກລັດຖະມົນຕີຫວູວັນນິງ ຢ້ຽມຢາມ ແລະ ເຮັດວຽກຢູ່ແຂວງດັກລັກ ກ່ຽວກັບສະພາບການປະຕິບັດໂຄງການຈຸດໝາຍແຫ່ງຊາດກໍ່ສ້າງຊົນນະບົດໃໝ່, ຊັບຊ້ອນ, ປ່ຽນໃໝ່ບັນດາລັດນິຄົມກະເສດ, ນິຄົມປ່າໄມ້ໃນບໍລິເວນແຂວງ. ທ່ານຮອງນາຍົກລັດຖະມົນຕີຫວູວັນນິງ ສະເໜີໃຫ້ແຂວງດັກລັກ ຕ້ອງເສີມຂະຫຍາຍບົດບາດຂອງບັນດາວິສາຫະກິດກ່ວາອີກ, ຮ່ວມສຳພັນກັບບັນດາຕາແສງ, ບ້ານ, ນຳຄວາມກ້າວໜ້າວິທະຍາສາດ, ລົງທຶນກໍ່ສ້າງບັນດາພື້ນຖານໂຄງລ່າງ, ເກັບຊື້, ຈຳໜ່າຍຜະລິດຕະພັນ, ຊ່ວຍປະຊາຊົນຍົກສູງຊີວິດການເປັນຢູ່, ໂດຍສະເພາະແມ່ນໃນບໍລະເວນເຂດຫ່າງໄກສອກຫລີກ. ທ່ານຮອງນາຍົກລັດຖະມົນຕີຫວູວັນນິງ ຊີ້ນຳໃຫ້ແຂວງດັກລັກ ຕ້ອງກວດກາ, ສ້າງວິທີການຊັບຊ້ອນວິສາຫະກິດກະສິກຳ, ປ່າໄມ້ໄລຍະ 2013-2015 ເພື່ອໃຫ້ບັນດາວິສາຫະກິດທຳການຜະລິດດຳເນີນທຸລະກິດຢ່າງມີປະສິດທິຜົນ, ພ້ອມທັງຮັບປະກັນບັນດາໜ້າທີ່ກ່ຽວຂ້ອງເຖິງຊີວິດການເປັນຢູ່ຂອງປະຊາຊົນ, ຮັບປະກັນຊີວິດສັງຄົມ, ການປ້ອງກັນຊາດປ້ອງກັນຄວາມສະຫງົບ… ທ່ານຮອງນາຍົກລັດຖະມົນຕີຫວູວັນນິງ ໄດ້ໄປຢ້ຽມຢາມຮູບແບບພັດທະນາກາເຟແບບຍືນຍົງຂອງບໍລິສັດກາເຟ Ea Tul ຈຳກັດຜູ້ດຽວ ແລະ ຕາແສງດີເດັ່ນຈຳນວນໜຶ່ງກ່ຽວກັບການກໍ່ສ້າງຊົນນະບົດໃໝ່.