ທ່ານຮອງນາຍົກລັດຖະມົນຕີ ຮ່ວາງຈູງຫາຍ
(ພາບ: tinmoitruong.vn)
(vovworld) – “ແຕ່ລະທ້ອງຖິ່ນ, ໝູ່ຄະນະ, ສ່ວນບຸກຄົນເສີມຂະຫຍາຍຂໍ້ລິເລີ່ມເພື່ອແນໃສ່ຮັບປະກັນຄວາມໝັ້ນຄົງແຫຼ່ງນ້ຳ” ນີ້ແມ່ນຄຳເຫັນຊີ້ນຳຂອງທ່ານຮອງນາຍົກລັດຖະມົນຕີ ຮ່ວາງຈູງຫາຍ ທີ່ກອງປະຊຸມສຳມະນາ ແລະ ງານວາງສະແດງສາກົນຄັ້ງທີ 4 “ຄວາມໝັ້ນຄົງແຫຼ່ງນ້ຳໃນສະຫັດສະວັດແຫ່ງການຜັນແປ” (VACI 2015) ດຳເນີນໃນຕອນເຊົ້າວັນທີ 19/10 ຢູ່ຮ່າໂນ້ຍ. ທ່ານຮອງນາຍົກລັດຖະມົນຕີ ຢືນຢັນວ່າ: ເພື່ອບັນລຸໄດ້ເປົ້າໝາຍຮັບປະກັນຄວາມໝັ້ໜຄົງແຫຼ່ງນ້ຳໃນສະຫັດສະວັດແຫ່ງການຜັນແປ, ລັດຖະບານ ຫວຽດນາມ ພວມມານະພະຍາຍາມສຸມໃສ່ປັບປຸງນະໂຍບາຍ, ກົດໝາຍ, ຍຸດທະສາດ ກ່ຽວກັບຊັບພະຍາກອນນ້ຳ ເພື່ອແນໃສ່ຍົກສູງຜົນສັກສິດ, ປະສິດທິຜົນວຽກງານຄຸ້ມຄອງ, ປົກປັກຮັກສາ, ຂຸດຄົ້ນ, ນຳໃຊ້ນ້ຳໃຫ້ເໝາະສົມ ແລະ ປ້ອງກັນຕ້ານຜົນຮ້າຍຈາກແຫຼ່ງນ້ຳ; ເພີ່ມທະວີການຮ່ວມມືກັບສາກົນ, ພິເສດແມ່ນຮ່ວມມືກັບບັນດາປະເທດຢູ່ເຂດເໜືອແມ່ນ້ຳ ເພື່ອພ້ອມກັນປົກປັກຮັກສາ, ຂຸດຄົ້ນຢ່າງຍຸຕິທຳ, ມີປະສິດທິຜົນແຫຼ່ງຊັບພະຍາກອນນ້ຳ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ກໍເນັ້ນໜັກເປັນພິເສດ ເຖິງການເພີ່ມທະວີບົດບາດຂອງວິທະຍາສາດ - ເຕັກໂນໂລຢີ ແລະ ການຮ່ວມມືສາກົນໃນການຮັບປະກັນຄວາມໝັ້ນຄົງແຫຼ່ງນ້ຳ, ຄຸ້ມຄອງຢ່າງມີປະສິດທິຜົນ…