ຮອງປະທານສະພາແຫ່ງຊາດຮິ່ງງອກເຊີນຕ້ອນຮັບຜູ້ມີອິດທິພົນຊື່ ສຽງຂອງຊາວເຜົ່າເວີນກ່ຽວ,ປາໂກ,ແຂວງກວາງຈີ້ (ພາບ: An Đăng/TTXVN)

(vovworld) – ທີ່​ການ​ຕ້ອນ​ຮັບ​ໃນ​ຕອນ​ບ່າຍ​ວັນ​ທີ 13/5, ທ່ານ​ຮອງ​ປະ​ທານ​ສະ​ພາ​ແຫ່ງ​ຊາດ ຮິ່ງງອກ​ເຊີນ ສະ​ແດງ​ຄວາມ​ປິ​ຕິ​ຊົມ​ຊື່ນ​ເມື່ອ​ໄດ້​ຕ້ອນ​ຮັບ​ຄະ​ນະ​ຜູ້​ແທນ​ຊາວ ເວີນ​ກ່ຽວ, ປາ​ໂກ ທີ່ມີ​ອິດ​ທິ​ພົນ​ຊື່​ສ​ຽງ​​. ເມື່ອ​ທົບ​ທວນ​ຄືນ​ມູນ​ເຊື້ອ​ທີ່​ສະ​ຫງ່າ​ລາ​ສີ​ຂອງ​ແຂວງ ກວາງ​ຈີ້, ທ່ານ​ຮອງ​ປະ​ທານ​ສະ​ພາ​ແຫ່ງ​ຊາດ ຮິ່ງງອກ​ເຊີນ ເນັ້ນ​ໜັກ​ວ່າ: ນີ້​ແມ່ນ​ເຂດ​ດິນ​ແດນ​ມີ​ມູນ​ເຊື້ອ​ການ​ປະ​ຕິ​ວັດ​ທີ່​ອົງ​ອາດ​ກ້າ​ຫານ, ບ່​ອນ​ທີ່​ໄດ້​ຜ່ານ​ຜ່າ​ຊຸມ​​ເດືອນປີ​​ແຫ່ງສົງ​ຄາມ​ທີ່​ລຳ​ບາກ​ກາກ​ກຳ, ແຕ່​ພໍ່​ແມ່​ປະ​ຊາ​ຊົນ​ບັນ​ດາ​ເຜົ່າ​ແຂວງ ກວາງ​ຈີ້, ໃນ​ນັ້ນ​ພົ້ນ​ເດັ່ນ​ແມ່ນ​ພໍ່​ແມ່​ປະ​ຊາ​ຊົນ​ຊາວ​ເຜົ່າ ເວີນ​ກ່ຽວ ແລະ ປາ​ໂກ ຍາມ​ໃດ​ກໍ່​ຈົ່ງ​ຮັກ​ພັກ​ດ​ີ, ​ໄປຕາມ​ພັກ, ຕາມ​ລຸງ​ໂຮ່. ທ່ານ​ຮອງ​ປະ​ທານ​ສະ​ພາ​ແຫ່ງ​ຊາ​ດ ຮິ່ງງອກ​ເຊີນ ເນັ້ນ​ໜັກ​ວ່າ: ພັກ ແລະ ລັດ ມີຫຼາຍ​ແຜນ​ນະ​ໂຍ​ບາຍ, ນະ​ໂຍ​ບາຍ​ເພື່ອ​ຍົກ​ສູງ​ຊີ​ວິດ​ທາງ​ດ້ານ​ວັດ​ຖຸ ແລະ ຈິດ​ໃຈ, ກໍ່​ສ້າງ ແລະ ປັບ​ປຸງ​ກຸ່ມ​ກ້ອນ​ສາ​ມັກ​ຄີ​ໃນ​​ໝູ່​ປະ​ຊາ​ຊົນ​ຊາວ​ເຜົ່າ​ສ່ວນ​ໜ້ອຍ. ທ່ານ​ຮອງ​ປະ​ທານ​ສະ​ພາ​ແຫ່ງ​ຊາ​ດ ຮິ່ງງອກ​ເຊີນ ຫວັງ​ວ່າ: ​​ພໍ່​ແມ່​ປະ​ຊາ​ຊົນ​ຊາວ ເວີນ​ກ່ຽວ, ປາ​ໂກ ຜູ້​ມີ​ອິ​ດ​ທິ​ພົນ​ຊື່​ສຽງດ້ວຍ​ອິດ​ທິ​ພົນ​ຊື່​ສຽງ ແລະ ວຽກ​ງານ​ຂອງ​ຕົນ, ຈະຕັ້ງ​ໜ້າ​ນຳ​ແຜນ​ນະ​ໂຍ​ບາຍ, ນະ​ໂຍ​ບາຍ​ຂອງ​ພັກ, ກົດ​ໝາຍ​ຂອງ​ລັດ​ກ້າວ​ເຂົ້າ​ສູ່​ຊີ​ວິດ, ເປັນ​ແບບ​ຢ່າງ​ນຳ​ໜ້າ​ໃນ​ຂະ​ບ​ວນ​ການ​ປົກ​ປ​ັກ​ຮັກ​ສາ​ຄວາມ​ສະ​ຫງົບ​ປອດ​ໄພ, ຄວາມ​ເປັນ​ລະ​ບຽບ​ຮຽບ​ຮ້ອຍ, ຂົນ​ຂວາຍ​ພໍ່​ແມ່​ປະ​ຊາ​ຊົນ​ຮັກ​ສາ​ຄວາມ​ສາ​ມັກ​ຄີ​ລະ​ຫວ່າງ​ບັນ​ດາ​ເຜົ່າ ແລະ ຄວາມ​ສາ​ມັກ​ຄື​ໃນ​ວົງ​ຄະ​ນະ​ຍາດ​ບ້ານ, ວົງ​ຕະ​ກຸນ…