(ທ່ານ ບູຍແທງເຊີນ ລັດຖະມົນຕີຊ່ວຍວ່າການ
ກະຊວງການຕ່າງປະເທດ ຫວຽດນາມ )
(vovworld) – ໂດຍໄດ້ຮັບຄຳເຊີນຂອງທ່ານປະທານາທິບໍດີ ຟີລິບປິນ Benigno Aquino III, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ແລະ ພັນລະຍາ ຈະເຂົ້າຮ່ວມກອງປະຊຸມບັນດາການນຳເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ຄັ້ງທີ 23 ເຊິ່ງຈັດຕັ້ງຢູ່ນະຄອນຫລວງ Manila ປະເທດ ຟີລິບປິນ ໃນລະຫວ່າງວັນທີ 17 – 19/11/2015. ເນື່ອງໃນໂອກາດນີ້, ທ່ານ ບູຍແທງເຊີນ ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ຕອບສຳພາດຕໍ່ນັກຂ່າວໂດຍໃຫ້ຮູ້ວ່າ: ຟີລິບປິນ ເລືອກເຟັ້ນຫົວຂໍ້ໃຫ້ປີ APEC 2015 ແມ່ນ “ພັດທະນາເສດຖະກິດຢ່າງສະໝ່ຳສະເໝີ, ສ້າງໂລກໃຫ້ດີງາມກ່ວາ” ດ້ວຍ 4 ບຸລິມະສິດຕົ້ນຕໍລວມມີ: ຍູ້ແຮງການເຊື່ອມຕໍ່ເສດຖະກິດພາກພື້ນ, ເພີ່ມທະວີການເຂົ້າຮ່ວມຂອງບັນດາວິສາຫະກິດຂະໜາດກາງ, ຂະໜາດໜ້ອຍ ແລະ ຂະໜາດນ້ອຍທີ່ສຸດ(MSMEs), ລົງທຶນພັດທະນາແຫຼ່ງຊັບພະຍາກອນມະນຸດ ແລະ ສ້າງປະຊາຄົມໃຫ້ໝັ້ນຄົງ ແລະ ສ້າງຄວາມເຂັ້ມແຂງດ້ວຍຕົນເອງ. ຫົວຂໍ້ ແລະ ບັນດາບຸລິມະສິດຮ່ວມມືຂອງປີ APEC 2015 ໄດ້ຮັບການສະໜັບສະໜູນຢ່າງຕັ້ງໜ້າຈາກບັນດາພື້ນຖານເສດຖະກິດສະມາຊິກ. ຕາມທ່ານ ບູຍແທງເຊີນ ແລ້ວ ນີ້ກໍແມ່ນບົດຮຽນທີ່ຄວນຖອດຖອນ ເພື່ອໃຫ້ ຫວຽດນາມ ກະກຽມໃຫ້ປີ APEC ຫວຽດນາມ 2017 ເປັນຢ່າງດີ. ທ່ານ ບູຍແທງເຊີນ ໃຫ້ຮູ້ວ່າ: ເລື່ອງເປັນເຈົ້າພາບຈັດຕັ້ງປີ APEC 2017 ແມ່ນຈຸດສຸມຂອງການພົວພັນຕ່າງປະເທດຂອງ ຫວຽດນາມ ເຖິງປີ 2025.