(ພາບ: tuyengiao.vn)

 (vovworld)-​​​​ ​ໃນຂອບ​ເຂດ​ການ​ໄປ​ປະຕິບັດ​ງານ​ຢູ່​ອັງກິດ, ຕອນ​ບ່າຍ​ວັນ​ທີ 1/11, ຄະນະ​ຜູ້​ແທນ​ຄະນະ​ໂຄສະນາ​ສຶກສາ​ສູນ​ກາງ ​ໂດຍ​ທ່ານຫວູ້ຫງອກ​ຮ່ວາງ ຮອງ​ຫົວໜ້າ​ຄະນະ​ປະຈຳ ຄະນະ​ໂຄສະນາ​ສຶກສາ​ສູນ​ກາງ ນຳ​ໜ້າ​ໄດ້​ດຳ​ເນີນ​ການ​ໂອ້​ລົມ​ຢູ່​ສະຖານ​ທູດຫວຽດນາມ ປະຈຳ​ອັງກິດ ​ເພື່ອ​ລາຍ​ງານ​ໝາກຜົນ​ກອງ​ປະຊຸມ​ສູນ​ກາງ​ພັກ​ຄັ້ງທີ 8 ຊຸດ​ທີ 11 ດ້ວຍ​ບັນດາ​ເນື້ອ​ໃນ​ພື້ນຖານ​ຄື: ສະຫລຸບ 10 ປີ​ແຫ່ງ​ການ​ປະຕິບັດ​ຍຸດ​ທະ​ສາດ​ປົກ​ປັກ​ຮັກສາ​ປະ​ເທດ​ຊາດ​ໃນ​ສະພາບ​ການ​ໃໝ່, ຮ່າງ​ລັດຖະທຳ​ມະນູນ​ປີ 1992 ສະບັບ​ປັບປຸງ, ສະພາບ​ເສດຖະກິດ​ສັງຄົມ 3 ປີຜ່ານມາ ​ແລະ ຈຸດໝາຍ​ພັດທະນາ​ເສດຖະກິດ​ສັງຄົມ​ໃນ 2 ປີ​ຂ້າງໜ້າ… ທ່ານຫວູ້ຫງອກ​ຮ່ວາງ ຢືນຢັນ​ວ່າ: ນີ້​ແມ່ນ​ບັນດາ​ມະຕິ, ຂໍ້​ສະຫລຸບ​ສຳຄັນ​ທີ່​ມີ​ຜົນ​ສະທ້ອນ​ອັນ​ໃຫ່ຍຫຼວງ​ຕໍ່ ການ​ປະຕິບັດ​ໜ້າ​ທີ່​ພັດທະນ​າ​ເສດຖະກິດ​ສັງຄົມ, ປ່ຽນ​​ໃໝ່​ການ​ສຶກສາ, ສ້າງສາ ​ແລະ ປົກ​ປັກ​ຮັກສາ​ປະ​ເທດ​ຊາດ. ສ່ວນ​ທ່ານຫວູ້ກວາງ​ມິ​ງ ​ເອກ​ອັກຄະ​ລັດຖະທູດ​ຫວຽດນາມ ປະຈຳ​ອັງກິດ ​ໄດ້​ຍົກ​ອອກ​ຄວາມ​ຕັດສິນ​ໃຈ​ຂອງ​ສະມາຊິກພັກ​ແຕ່ລະຄົນ​ເພື່ອ​ສືບ​ຕໍ່​ຮັກສາ​ຫຼັກໝັ້ນການ​ເມືອງ, ຮ່ຳຮຽນຕາມ​ແບບຢ່າງ​ຄຸນສົມບັດ​ປະທານ​ໂຮ່ຈິ​ມິນ​ດ້ວຍ​ບັນດາ​ການ​ກະທຳ​ອັນ​ແທດ​ຈິງ ​ແລະ ມີ​ການ​ຂະຫຍາຍ​ອອກ​ສູ່​ລວງ​ກ້ວາງ, ດຶງ​ດູດ​ໃຈ​ລຸ່ນໜຸ່ມ, ພິ​ເສດ​ແມ່ນ​ປະຊາ​ຄົມ​ນັກ​ສຶກສາ​ພວມ​ຮ່ຳຮຽນ​ຢູ່​ອັງກິດ ນັບ​ພັນໆ ​ຄົນ. ທ່ານເອກ​ອັກຄະ​ລັດຖະທູດຫວູ້ກວາງ​ມິ​ງ ​ສະ​ແດງ​​ໃຫ້​ເຫັນ​ຄວາມ​ເຊື່ອໝັ້ນວ່າ: ກຳລັງ​ໜຸ່ມ​ເອງ, ຜູ້​ທີ່​ມີ​ພູມ​ປັນຍາ ​ແລະ ນ້ຳໃຈຮັກສາຈະ​ແມ່ນ​​ແຫຼ່ງກຳລັງ ປະກອບສ່ວນ​ສ້າງສາ ​ແລະ ​ປົກ​ປັກ​ຮັກສາ​ປະ​ເທດ​ຊາດ, ພັດທະນາ​ເສດຖະກິດ​ສັງ​ຄົມ ​ແລະ ຍົກ​ສູງ​ລະດັບ​ຄວາມ​ຮູ້​ຂອງ ປຊຊ.