(ພາບ:stylephuyen.vicongdong.vn)
(vovworld)- ຕອນເຊົ້າວັນທີ 24/4, ຢູ່ຮ່າໂນ້ຍ, ກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ ສົມທົບກັບກອງທຶນເຍົາວະຊົນ ສປຊ ຈັດກອງປະຊຸມສຳມະນາຜັນຂະຫຍາຍຄຳສັ່ງຂອງກົມການເມືອງກ່ຽວກັບການເພີ່ມທະວີການນຳພາຂອງພັກຕໍ່ວຽກງານເອົາໃຈໃສ່ເບິ່ງແຍງ, ສຶກສາອົບຮົມ ແລະ ປົກປ້ອງເດັກນ້ອຍໃນສະພາບການໃໝ່. ກ່າວຄຳເຫັນນະທີ່ນີ້, ທ່ານຢວານເມົ້າຢຽບ, ຮອງລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມຫວຽດນາມ ໃຫ້ຮູ້ວ່າ: ພາຍຫຼັງໄດ້ປະຕິບັດຄຳສັ່ງຂອງກົມການເມືອງກ່ຽວກັບວຽກງານເອົາໃຈໃສ່ເບິ່ງແຍງ, ສຶກສາອົບຮົມ ແລະ ປົກປ້ອງເດັກນ້ອຍມາເປັນເວລາ 10 ກ່ວາປີ, ໄດ້ສ້າງໃຫ້ມີການຫັນປ່ຽນຢ່າງຕັ້ງໜ້າ ແລະ ບັນລຸໄດ້ໝາກຜົນສຳຄັນຈຳນວນໜຶ່ງ. ລະບົບກົດໝາຍ, ວຽກງານເອົາໃຈໃສ່ເບິ່ງແຍງ, ສຶກສາອົບຮົມ ແລະ ປົກປ້ອງເດັກນ້ອຍໄດ້ປະຕິບັດສຳເລັດເທື່ອລະກ້າວ. ວຽກງານຄຸ້ມຄອງແຫ່ງລັດກ່ຽວກັບການເອົາໃຈໃສ່ເບິ່ງແຍງ, ສຶກສາອົບຮົມ ແລະ ປົກປ້ອງເດັກນ້ອຍໄດ້ຮັບການເພີ່ມທະວີ. ທີ່ກອງປະຊຸມ, ບັນດາແຂວງບັກຢາງ, ເຊີນລາ, ກວາງນາມ ແລະ ຈ່າວິງ…ແບ່ງປັນບັນດາບົດຮຽນໃນວຽກງານຊີ້ນຳບໍລິຫານ ແລະ ຈັດຕັ້ງປະຕິບັດຄຳສັ່ງຂອງກົມການເມືອງ.