(vovworld) - ຕອນບ່າຍວັນທີ 17/03, ຢູ່ຮ່າໂນ້ຍ, ພົນໂທ ໂດ້ບ໋າຕິ, ຫົວໜ້າເສນາທິການໃຫຍ່, ຮອງລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບ ພົນເອກ Herbertj Carlisle, ຜູ້ບັນຊາການເຫຼົ່າທັບອາກາດປາຊີຝີກອາເມລິກາ, ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ຫວຽດນາມ. ພົນໂທ ໂດ້ບ໋າຕິ ເນັ້ນໜັກວ່າ: ກະຊວງປ້ອງກັນປະເທດຫວຽດນາມ ຮັບຮູ້ການໜູນຊ່ວຍຂອງກະຊວງປ້ອງກັນປະເທດອາເມລິກາ ໃນການບຳລຸງສ້າງພາສາອັງກິດ; ຮ່ວມມືດ້ານເສນາຮັກ, ຊອກຫາກູ້ໄພກູ້ຊີບ, ໜູນຊ່ວຍມະນຸດສະທຳ ແລະ ຫຼຸດຜ່ອນໄພພິບັດ, ແກ້ໄຂຜົນຮ້າຍຫຼັງສົງຄາມ ແລະ ຊອກຫາທະຫານຫາຍສາບສູນ ເຊິ່ງໄດ້ຮັບການປະຕິບັດເປັນປະຈຳ ແລະ ບັນລຸຜົນງານທີ່ດີ. ພົນເອກ Herbertj Carlisle ຖືວ່າ, ໃນໄລຍະຈະມາເຖິງ, 2 ຝ່າຍຄວນສືບຕໍ່ແບ່ງປັນບັນດາຂໍ້ມູນທີ່ຕ່າງຝ່າຍຕ່າງມີຄວາມສົນໃຈ. ຝ່າຍເຫຼົ່າທັບອາກາດປາຊີຝີກ ອາເມລິກາ ຈະສົມທົບກັນກັບເຫຼົ່າທັບປ້ອງກັນອາກາດ ຫວຽດນາມ ຢ່າງແໜ້ນແຟ້ນເພື່ອບຳລຸງສ້າງພະນັກງານ, ຮ່ວມມືດ້ານການແພດການບິນ, ຊ່ວຍເຫຼືອກູ້ໄພກູ້ສິບ, ທາງການບິນ ແລະ ຮັບປະກັນຄວາມປອດໄພທາງການບິນ.