ເພີ່ມທະວີການຮ້ວມມືລະຫວ່າງມະຫາວິທະຍາໄລຫວຽດນາມແລະສະຖາບັນພາສານຳໃຊ້ເຢຍລະມັນ
ມະຫາວິທະຍາໄລແຫ່ງຊາດຮ່າໂນ້ຍ
(ພາບປະກອບ)
(vovworld) - ວັນທີ 05/08, ຢູ່ຮ່າໂນ້ຍ, ມະຫາວິທະຍາໄລເສດຖະກິດ - ມະຫາວິທະຍາໄລແຫ່ງຊາດຮ່າໂນ້ຍ ໄດ້ຈັດພິທີລົງນາມໃນຂໍ້ຕົກລົງຮ່ວມມືກັບສະຖາບັນພາສານຳໃຊ້ເຢຍລະມັນ. ກ່າວຄຳເຫັນທີ່ພິທີລົງນາມ, ທ່ານ ສາດສະດາຈານ, ດຣ ຫງວຽນຮົ່ງເຊີນ, ອະທິການບໍດີມະຫາວິທະຍາໄລເສດຖະກິດ - ມະຫາວິທະຍາໄລແຫ່ງຊາດຮ່າໂນ້ຍ ໃຫ້ຮູ້ວ່າ, ເລື່ອງລົງນາມໃນຂໍ້ຕົກລົງຄັ້ງນີ້ແມ່ນການເຄື່ອນໄຫວທີ່ມີຄວາມໝາຍ, ໄດ້ພິສູດໃຫ້ເຫັນການພົວພັນລະຫວ່າງມະຫາວິທະຍາໄລເສດຖະກິດ - ມະຫາວິທະຍາໄລແຫ່ງຊາດຮ່າໂນ້ຍ ແລະ ສະຖາບັນພາສານຳໃຊ້ເຢຍລະມັນ, ເນື່ອງໃນໂອກາດສະເຫຼີມສະຫຼອງ 40 ປິແຫ່ງວັນສ້າງການພົວພັນທາງການທູດລະຫວ່າງຫວຽດນາມ - ເຢຍລະມັນ. ນີ້ຈະແມ່ນພື້ນຖານສຳຄັນໃຫ້ການຮ່ວມມືຂອງຝ່າຍຕ່າງໆໃນໄລຍະຈະມາເຖິງ. ເນື້ອໃນການຮ່ວມມືລວມມີ: ການແລກປ່ຽນວິທີຄົ້ນຄວ້າ ແລະ ສິດສອນ; ສ້າງເອກະສານຄົ້ນຄວ້າລວມ; ແລກປ່ຽນຄູສອນ, ນັກສຶກສາ ກໍຄືບັນດາການເຄື່ອນໄຫວບຳລຸງສ້າງອື່ນໆ.