ເພີ່ມທະວີການໂຄສະນາວັດທະນະທຳຖະແຫຼງຂ່າວຢູ່ເຂດຊາຍແດນ, ທະເລເກາະ
ທ່ານຮອງນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມ
(vovworld) - ເພີ່ມທະວີການໂຄສະນາວັດທະນະທຳຖະແຫຼງຂ່າວຢູ່ເຂດຊາຍແດນ, ທະເລເກາະ. ນັ້ນແມ່ນຄຳສັ່ງຊີ້ນຳຂອງທ່ານຮອງນາຍົກລັດຖະມົນຕີ ຫງວຽນຊວນຟຸກ ທີ່ກອງປະຊຸມສະຫຼຸບ 20 ປີ ແຫ່ງການປະຕິບັດໂຄງການສົມທົບກັນ ”ຍູ້ແຮງ ແລະ ຍົກສູງຄຸນນະພາບ, ປະສິດທິຜົນການເຄື່ອນໄຫວວັດທະນະທຳ ຖະແຫຼງຂ່າວຢູ່ເຂດຊາຍແດນ, ຝັ່ງທະເລ” ລະຫວ່າງກະຊວງວັດທະນະທຳ ກິລາ ແລະ ທ່ອງທ່ຽວ ແລະ ກອງບັນຊາການທະຫານປ້ອງກັນຊາຍແດນ ເຊິ່ງຈັດຕັ້ງໃນຕອນເຊົ້າວັນທີ 31/3 ຢູ່ຮ່າໂນ້ຍ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຖືວ່າ, ເລື່ອງເບິ່ງແຍງດູແລທາງດ້ານວັດທະນະທຳ ແລະ ຈິດໃຈໃຫ້ແກ່ປະຊາຊົນບັນດາເຜົ່າຢູ່ເຂດຊາຍແດນ, ໝູ່ເກາະ ໄດ້ປະກອບສ່ວນເຮັດໃຫ້ກົນອຸບາຍແບ່ງແຍກກຸ່ມກ້ອນມະຫາສາມັກຄີຂອງບັນດາອິດທິກຳລັງທີ່ເປັນປໍລະປັກປະລາໄຊ. ປັບປຸງທ່າຮົບທົ່ວປວງຊົນປ້ອງກັນຊາດ, ປະຊາຊົນປ້ອງກັນຄວາມສະຫງົບ, ຍົກສູງຄຸນນະພາບຊີວິດການເປັນຢູ່ຂອງປະຊາຊົນ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ຂະແໜງວັດທະນະທຳ, ກິລາ ແລະ ທ່ອງທ່ຽວ ແລະ ທະຫານປ້ອງກັນຊາຍແດນ ຄວນສືບຕໍ່ປ່ຽນໃໝ່ວິທີໂຄສະນາ, ວິທີສຳພັດ, ມີຄວາມໃກ້ຊິດຕິດແທດກັບປະຊາຊົນ, ນຳໃຊ້ພາສາຂອງຊາວທ້ອງຖີ່ນ, ເພີ່ມທະວີການພົວພັນແລກປ່ຽນດ້ານວັດທະນະທຳລະຫວ່າງບັນດາເຜົ່າ.