ທ່ານ Michael Roth ລັດຖະມົນຕີຮັບຜິດຊອບບັນດາບັນຫາເອີລົບຂອງເຢຍລະມັນ (ພາບ: AFP/TTXVN)

ທ່ານ Michael Roth ລັດຖະມົນຕີຮັບຜິດຊອບບັນດາບັນຫາເອີລົບຂອງເຢຍລະມັນໄດ້ຍົກອອກຂໍ້ສັງເກດໃນການຕອບຄຳສຳພາດຕໍ່ນັກຂ່າວຂອງສຳນັກຂ່າວສານ AFP ໃນວັນທີ 6 ສິງຫາ.

ໃນການຕອບຄຳສຳພາດນີ້, ທ່ານ Roth ໄດ້ສະແດງຄວາມຜິດຫວັງຢ່າງເລິກເຊິ່ງ ຕໍ່ການເຈລະຈາທີ່ບໍ່ມີທາງອອກກ່ຽວກັບການພົວພັນໃນອະນາຄົດລະຫວ່າງ ອັງກິດ ແລະ EU. ທ່ານກໍ່ສະແດງຄວາມປະຫຼາດໃຈເມື່ອລອນດອນ ເບິ່ງຄືວ່າບໍ່ມີຄວາມສົນໃຈຕໍ່ບັນດາການປຶກສາຫາລືກ່ຽວກັບບັນຫາທາງການທູດ ແລະ ຄວາມໝັ້ນຄົງກັບ EU. ທ່ານຖືວ່າ ລອນດອນພວມຫ່າງເຫີນກັບຖະແຫຼງການດ້ານການເມືອງທີ່ໄດ້ຕົກລົງກັນລະຫວ່າງສອງຝ່າຍ, ໂດຍໄດ້ຖືວ່າແມ່ນພື້ນຖານຄວາມໄວ້ເນື້ອເຊື່ອໃຈໃຫ້ແກ່ບັນດາການເຈລະຈາ.