ຊາວອົບພະຍົບ ຊີຣີ ມອບດອກໄມ້ໃຫ້ຊາວເຢຍລະມັນ
(ພາບ: AFP/TTXVN)
|
(vovworld) – ວັນທີ 3/2, ຄະນະລັດຖະບານ ເຢຍລະມັນ ໄດ້ຮັບຮອງເອົາບ້ວງມາດຕະການທີ 2 ເພື່ອແນໃສ່ແກ້ໄຂວິກິດການຊາວອົບພະຍົບທີ່ພວມສ້າງຄວາມສົນໃຈຈາກຫາງສຽງ ເຢຍລະມັນ ໃນໄລຍະຜ່ານມາ, ເຊິ່ງໃນນັ້ນສຸມໃສ່ຮັດແໜ້ນການຄຸ້ມຄອງ, ຊັບຊ້ອນ ແລະ ເນລະເທດຊາວອົບພະຍົບ. ຂໍ້ກຳນົດໃໝ່ສຳຄັນທີ່ສຸດຂອງບ້ວງມາດຕະການນີ້ແມ່ນສ້າງຕັ້ງບັນດາສະຖານທີ່ຮັບເອົາຊາວອົບພະຍົບ, ຢູ່ທີ່ນີ້, ໃບຄຳຮ້ອງຂອງເຂົາເຈົ້າຈະໄດ້ຮັບການພິຈາລະນາຢ່າງໄວທີ່ສຸດ.
ຄະນະລັດຖະບານປະເທດນີ້ກໍ່ຖືວ່າ: ຄວນຖືບັນດາປະເທດ ອານເຊຣີ, ມາຣົກ ແລະ ຕຸຍນີຊີ ແມ່ນບັນດາ “ປະເທດປອດໄພ”, ໝາຍຄວາມວ່າແມ່ນຊາວອົບພະຍົບຈາກບັນດາປະເທດດັ່ງກ່າວເຂົ້າ ເຢຍລະມັນ ເກືອບຄືວ່າບໍ່ມີໂອກາດຢູ່ຄືນ ເຢຍລະມັນ ແລະ ເວລາພິຈາລະນາສຳເນົາເນລະເທດເຂົາເຈົ້າຈະຫລຸດລົງ. ລັດຖະບານ ເຢຍລະມັນ ກໍເຫັນດີອະນຸຍາດໃຫ້ຊາວອົບພະຍົບທີ່ຮຽນຈົບອາຊີບຕ່າງໆເປັນຢ່າງດີໄດ້ເຮັດວຽກຢູ່ເຢຍລະມັນຢ່າງໜ້ອຍສຸດແມ່ນ 2 ປີ.