(vovworld) – ວັນທີ 8/6, ຢູ່ນະຄອນ Kyoto, ປະເທດ ຍີ່ປຸ່ນ, 16 ປະເທດ ອາຊີ-ປາຊີຟິກ ໄດ້ເລີ່ມຕົ້ນຮອບເຈລະຈາຄັ້ງທີ 8 ກ່ຽວກັບສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ເພື່ອແນໃສ່ຮັດແຄບຄວາມແຕກຕ່າງກັນ ແລະ ມຸ່ງໄປເຖິງເລື່ອງບັນລຸໄດ້ຂໍ້ຕົກລົງກ້ວາງຂວາງກ່ວາໃນທ້າຍປີ 2015. ໃນ 6 ວັນດຳເນີນການເຈລະຈາ, ເຈົ້າໜ້າທີ່ 10 ປະເທດສະມາຊິກຂອງສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ (ASEAN) ແລະ 6 ປະເທດອື່ນໃນນັ້ນມີ ຈີນ, ຍີ່ປຸ່ນ ແລະ ອິນເດຍ ຈະມານະພະຍາຍາມບັນລຸໄດ້ຄາດໝາຍຍົກເລີກຮົ້ວພາສີ ກ່ອນທີ່ດຳເນີນຮອບເຈລະຈາລະອຽດກ່ວາ. ເຖິງວ່າບໍ່ທັນແນ່ນອນກ່ຽວກັບແງ່ຫວັງຂອງຄາດໝາຍດັ່ງກ່າວໃນອະນາຄົດກໍຕາມ, ແຕ່ 16 ປະເທດເຂົ້າຮ່ວມ RCEP ຍັງຄົງມີຄວາມບໍ່ລົງລອຍກັນ ກ່ຽວກັບຄວາມຫວັງຂອງຄາດໝາຍນີ້. ຍີ່ປຸ່ນ ແລະ ບັນດາປະເທດສະມາຊິກ ASEAN ໄດ້ສະເໜີຍົກເລີກພາສີສຳລັບ 80% ຜະລິດຕະພັນສົ່ງອອກຊະນິດຕ່າງໆ, ໃນຂະນະນັ້ນ ຈີນ, ອິນເດຍ ແລະ ສ.ເກົາຫຼີ ພັດຢາກ ຍົກເລີກພາສີໃນລະດັບ 40% ເພື່ອຮັກສາບັນດາຂະແໜງອຸດສາຫະກຳພາຍໃນປະເທດ. ຄາດວ່າບັນດາສະມາຊິກເຂົ້າຮ່ວມ RCEP ພວມວາງແຜນການຈັດຕັ້ງການປະຊຸມຂັ້ນລັດຖະມົນຕີຕ່າງໆໃນ 2 ເດືອນຈະມາເຖິງ ເພື່ອແນໃສ່ຍູ້ໄວວິວັດການເຈລະຈາ.