ຮອບເຈລະຈາ 6 ຝ່າຍຢູ່ Istanbul
(ພາບປະກອບ:vtc.vn)
(TTX)- ວັນທີ 27/9, ຢູ່ນະຄອນທ່າກຳປັ່ນຕາລຽນ ທາງພາກເໜືອຂອງຈີນ, ບັນດານັກການທູດຈີນ, ຍີ່ປຸ່ນ ແລະ ປະເທດອື່ນໆໄດ້ເຂົ້າຮ່ວມການເຈລະຈາ 6 ຝ່າຍກ່ຽວກັບການປອດອາວຸດນິວເຄຼຍໃນແຫຼມເກົາຫຼີ ໄດ້ມີການພົບປະທີ່ເວທີປາໄສຄົ້ນຄ້ວາສາກົນກ່ຽວກັບອາຊີຕາເວັນອອກສ່ຽງເໜືອ. ເວທີປາໄສດັ່ງກ່າວຖືກຈັດຂຶ້ນປະຈຳປີໃນສະຖານທີ່ແຕກຕ່າງກັນ ແມ່ນໂອກາດເພື່ອໃຫ້ປະເທດຕ່າງໆເຂົ້າຮ່ວມການເຈລະຈາ 6 ຝ່າຍພ້ອມກັນພົບປະເພື່ອປຶກສາຫາລື ແຕ່ບໍ່ມີສັນຍານໃຫ້ເຫັນວ່າຈະສາມາດບັນລຸໄດ້ບາດກ້າວບຸກທະລຸໃນວິວັດທະນາການແຫ່ງການປອດອາວຸດນິວເຄຼຍໃນແຫຼມເກົາຫຼີ ພາຍຫຼັງການເຈລະຈາຄັ້ງຕ່າງໆຖືກຢຸດສະງັກນັບແຕ່ເດືອນ 12/2008. ນີ້ແມ່ນຄັ້ງທຳອິດໃນຮອບເວລາ 3 ປີຜ່ານມາ, ສປປ ເກົາຫຼີ ໄດ້ສົ່ງນັກການທູດຂັ້ນສູງ 2 ທ່ານເຂົ້າຮ່ວມເວທີປາໄສນີ້ ຊື່ງຈັດຂຶ້ນໃນເວລາ 2 ວັນດ້ວຍການຊ່ວຍໜູນຈາກກຸ່ມຜູ້ຊ່ຽວຊານທີ່ປຶກສາອາເມລິກາ.