ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຢູ່ຍີ່ປຸ່ນ
(ພາບປະກອບ: chinhphu.vn)
(vovworld) - ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ຍີ່ປຸ່ນ, ທີ່ໂຕກຽວ, ໜັງສືພິມ Nikkei ໄດ້ສົມທົບກັບສະຖານທູດຫວຽດນາມ ແລະ ບາງອົງການຂອງຍີ່ປຸ່ນ ຈັດຕັ້ງຕັ້ງເວທີປາໄສພິເສດກ່ຽວກັບການຮ່ວມມືດ້ານສຶກສາຫວຽດນາມ - ຍີ່ປຸ່ນ. ກ່າວຄຳເຫັນໄຂກອງປະຊຸມ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ໃຫ້ຮູ້ວ່າ, ການພົວພັນລະຫວ່າງຫວຽດນາມ ແລະ ຍີ່ປຸ່ນ ພວມພັດທະນາຢ່າງດີງາມ, ຍີ່ປຸ່ນ ແມ່ນນັກອຸປະຖຳ, ນັກລົງທຶນອັນດັບໜຶ່ງຢູ່ຫວຽດນາມ, ປະຈຸບັນມີປະມານ 1.900 ໂຄງການລົງທຶນໂດຍກົງເຂົ້າຫວຽດນາມ ດ້ວຍຍອດຈຳນວນທຶນເກືອບ 32 ລ້ານ USD, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ໃຫ້ຮູ້ວ່າ ລັດຖະບານຫວຽດນາມ ຕົກລົງນຳພາສາຍີ່ປຸ່ນ ເຂົ້າໃນຫຼັກສູດຮຽນສາມັນ , ຮ່ວມມືກັບຍີ່ປຸ່ນ ຍົກລະດັບບາງມະຫາວິທະຍາໄລຂອງ ຫວຽດນາມ ແລະ ມີແຜນການເປີດມະຫາວິທະບາໄລຂອງຍີ່ປຸ່ນຢູ່ຫວຽດນາມ ເພື່ອບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ. 2 ປະເທດກໍຕົກລົງຮ່ວມມືໃນບັນດາຂົງເຂດເຕັກໂນໂລຊີສູງ. ທ່ານຮອງນາຍົກລັດຖະມົນຕີ ຖືວ່າ ການຮ່ວມມືໃນຂົງເຂດສຶກສາ, ບຳລຸງສ້າງລະຫວ່າງຫວຽດນາມ - ຍີ່ປຸ່ນ ຈະປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດທີ່ໄວ້ເນື້ອເຊື່ອໃຈລະຫວ່າງ 2 ປະເທດກວ່າອີກ.
ແລະກໍຢູ່ເວທີປາໄສ, ຜູ້ຕາງໜ້າບັນດາກະຊວງ, ຂະແໜງການ, ບັນດາມະຫາວິທະຍາໄລຂອງຫວຽດນາມ ແລະ ຍີ່ປຸ່ນ ໄດ້ສະເໜີບົດປະກອບຄຳເຫັນກ່ຽວກັບມາດຕະການເພີ່ມທະວີການຮ່ວມມືລະຫວ່າງຫວຽດນາມ - ຍີ່ປຸ່ນ ໃນຂົງເຂດສຶກສາ, ບຳລຸງສ້າງ, ວິທະຍາສາດເຕັກໂນໂລຊີ.