(ພາບປະກອບ: radiovietnam.vn)

(vovworld)- ​ໃນ​ບົດ​ລາຍ​ງານ​ລະດູບານ​ໃໝ່​ປະກາດ​ເມື່ອ​ວັນ​ທີ 3/5, ຄະນະ​ກຳມະການ​ເອີ​ລົບ (EC) ຄາດ​ຄະ​ເນ​ວ່າ: ​ພາກ​ພື້ນ​ໃຊ້​ສະກຸນ​ເງິນ​ເອີ​ໂຣ (Eurozone) ຈະສືບ​ຕໍ່​ມີ​ການ​ຊຸດ​ໂຊມ​ໃນ​ຊຸມ​ເດືອນ​ທີ່​ຍັງ​ເຫຼືອ​ຂອງ​ປີ 2013 ​ແລະ ອັດຕາ​ສ່ວນ​ຜູ້​ຫວ່າງ​ງານຍັງ​ຢູ່​ໃນ​ລະດັບ​ສູງ​ສະຖິຕີ​ຄື: 12%. ຕາມ​ບົດ​ລາຍ​ງານ​ດັ່ງກ່າວ​ແລ້ວ, GDP ຂອງ 17 ປະ​ເທດ​ສະມາຊິກ​ພາກ​ພື້ນ​ໃຊ້​ສະກຸນ​ເງິນ​ເອີ​ໂຣ ຈະ​ສືບ​ຕໍ່​ຫລຸດ​ລົງ 0,4% ​ໃນ​ປີ​ນີ້. ​ແຕ່​ເຖິງ​ແນວ​ນັ້ນກໍ່ຕາມ, ອັດຕາ​ສ່ວນ​ຜູ້​ຫວ່າງ​ງານຍັງມີ​ຄວາມ​ພິດ​ໂຕນ​ລະຫວ່າງ​ບັນດາ​ປະ​ເທດ​ສະມາຊິກ​ຮັ່ງມີ​ຢູ່​ພາກ​ເໜືອ ​ແລະ ປະ​ເທດ​ຕ່າງໆ​ທີ່​ທຸກ​ຍາກ​ກ່ວາ​ຢູ່​ພາກ​ໃຕ້. ຄະນະ​ກຳມະການ​ເອີ​ລົບ (EC) ຄາດ​ຄະ​ເນ​ວ່າ: ອັດຕາ​ສ່ວນ​ຜູ້​ຫວ່າງ​ງານຢູ່ພາກ​ພື້ນ​ໃຊ້​ສະກຸນ​ເງິນ​ເອີ​ໂຣ (Eurozone) ຈະ​ສືບ​ຕໍ່​ເພີ່ມ​ຂຶ້ນ​ໃນ​ລະດັບ​ສະຖິຕິ​ຄື 12% ​ໃນ​ປີ​ນີ້ ​ແລະ ​ໃນ​ທົ່ວ​ສະຫະພາບ​ເອີ​ລົບ (EU).