ເຫວ້ - ດ່າໜັງ: ຕ້ອນຮັບເຮືອທ່ອງທ່ຽວ 2 ລຳດ້ວຍຈຳນວນແຂກທ່ອງທ່ຽວ 1200 ຄົນ
(VOVWORLD) - ໃນລະຫວ່າງວັນທີ 18 – 19 ກຸມພາ, ເຮືອທ່ອງທ່ຽວຂະໜາດນ້ອຍ 2 ລຳແມ່ນ Crystai Symphony ແລະ Silvar Spirit ສັນຊາດ Bahamas ໄດ້ເຂົ້າທຽບທ່າກ່ຳປັ່ນ ຕຽນຊາ, ນະຄອນ ດ່າໜັງ ແລະ ທ່າກ່ຳປັ່ນ ເຈິນໄມ, ແຂວງ ເທື່ອທຽນເຫວ້ ຂົນສົ່ງແຂກທ່ອງທ່ຽວກ່ວາ 1200 ຄົນມາຈາກບັນດາປະເທດ ເອີຣົບເໜືອ, ອາເມລິກາເໜືອ, ອົດສະຕາລີ ພ້ອມກັບລູກເຮືອມາຢ້ຽມຢາມ 2 ນະຄອນທ່ອງທ່ຽວດັ່ງກ່າວ.
ພາຍຫລັງເຮືອທ່ອງທ່ຽວ 2 ລຳເຂົ້າທຽບທ່າກ່ຳປັ່ນ ຕຽນຊາ ແລະ ເຈິນໄມ, ແພດໝໍຂອງບັນດາທ້ອງຖິ່ນໄດ້ຂຶ້ນເຮືອ, ດຳເນີນການກວດພະຍາດໃຫ້ແຂກທ່ອງທ່ຽວທັງໝົດ ແລະ ລູກເຮືອທີ່ມີຄວາມຕ້ອງການເຂົ້າທຽບທ່າ. ໃນການກວດ ບໍ່ພົບເຫັນກໍລະນີໃດທີ່ມີອາການເບື້ອງຕົ້ນຂອງໄວຣັດ Covid-19.