ທ່ານພົນເອກ ເຈີ່ນດ້າຍກວາງ ຕ້ອນຮັບ
ທ່ານ Mayerfas ເອກອັກຄະລັດຖະທູດອິນໂດເນເຊຍ
(ພາບ: cand.com.vn)
(vovworld) - ວັນທີ 19/01, ຢູ່ຮ່າໂນ້ຍ, ທີ່ການຕ້ອນຮັບທ່ານ Mayerfas ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ອິນໂດເນເຊຍ ປະຈຳ ຫວຽດນາມ, ເນື່ອງໃນໂອກາດສິ້ນສຸດການປະຕິບັດໜ້າທີ່ທາງການທູດຢູ່ ຫວຽດນາມ, ທ່ານພົນເອກ ເຈີ່ນດ້າຍກວາງ ລັດຖະມົນຕີວ່າການກະຊວງຕຳຫລວດ ຫວຽດນາມ ໄດ້ສະແດງຄວາມປິຕິຊົມຊື່ນ ເມື່ອເຫັນວ່າໃນຊຸມປີຜ່ານມາ, ການພົວພັນຮ່ວມມືລະຫວ່າງ ຫວຽດນາມ ແລະ ອິນໂດເນເຊຍ ນັບມື້ນັບພັດທະນາໃນທຸກຂົງເຂດ. ຜ່ານນັ້ນ, ປະກອບສ່ວນເຂົ້າໃນການພັດທະນາ 2 ປະເທດເວົ້າສະເພາະ ແລະ ພາກພື້ນເວົ້າລວມຢ່າງເປັນປົກກະຕິ ແລະ ໝັ້ນຄົງ.
ສ່ວນທ່ານເອກອັກຄະລັດຖະທູດ Mayerfas ຢືນຢັນວ່າ: ໃນຖານະຕຳແໜງໃໝ່, ທ່ານເອກອັກຄະລັດຖະທູດຈະສືບຕໍ່ມານະພະຍາຍາມນຳການພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດໃຫ້ນັບມື້ນັບພັດທະນາຢ່າງແໜ້ນແຟ້ນ ແລະ ຮອບດ້ານກ່ວາອີກ.