(vovworld) - ແຂວງ Trento ຂອງອີຕາລີປາດຖະໜາຢາກເພີ່ມທະວີການຮ່ວມມືກັບແຂວງຟຸ໋ທໍ້ ຂອງຫວຽດນາມ. ນີ້ແມ່ນຄຳຢືນຢັນຂອງບັນດາການນຳແຂວງ ແລະ ນະຄອນ Trento ຢູ່ພາກເໜືອອີຕາລີ ໃນບັນດາການເຮັດວຽກກັບທ່ານເອກອັກຄະລັດຖະທູດຫວຽດນາມ ປະຈຳອີຕາລີ ກາວຈິ໋ງທ້ຽນ, ເນື່ອງໃນໂອກາດການຢ້ຽມຢາມ ແລະ ເຮັດວຽກຂອງທ່ານເອກອັກຄະລັດຖະທູດຢູ່ Trento ໃນລະຫວ່າງວັນທີ 15 – 17/12. ໃນການເຮັດວຽກເມື່ອວັນທີ 16/12, 2 ຝ່າຍໄດ້ແລກປ່ຽນກ່ຽວກັບສະພາບການພົວພັນລະຫວ່າງຫວຽດນາມ - ອີຕາລີ ແລະ ເປັນເອກະພາບນຳກັນວ່າ ການພົວພັນ 2 ຝ່າຍພວມດີງາມນັບທັງທາງດ້ານການເມືອງ, ເສດຖະກິດ ແລະ ການແລກປ່ຽນວັດທະນະທຳ, ການສຶກສາ. ນີ້ແມ່ນພື້ນຖານສະດວກທີ່ສຸດເພື່ອຊຸກຍູ້ການຮ່ວມມື, ເປັນແຮກສ່ຽວລະຫວ່າງທ້ອງຖິ່ນຕ່າງໆຂອງອີຕາລີ ແລະ ຫວຽດນາມ. ປະທານສະພານິຕິບັດຍັດແຂວງ Trento ທ່ານ Bruno Dorigatti ຕີລາຄາສູງຂໍ້ສະເໜີຂອງທ່ານເອກອັກຄະລັດຖະທູດ ກາວຈິ໋ງທ້ຽນ ກ່ຽວກັບເລື່ອງເປັນແຮກສ່ຽງລະຫວ່າງແຂວງ Trento ແລະ ແຂວງຟຸ໋ທໍ້ຂອງຫວຽດນາມ. ແລະ ຢືນຢັນວ່າ, ຈະເຮັດວຽກກັບບັນດາອົງການທີ່ກ່ຽວຂ້ອງຂອງແຂວງ ແລະ ເຂດ ເພື່ອປະຕິບັດຂໍ້ສະເໜີສ້າງເປັນແຮກສ່ຽວລະຫວ່າງແຂວງ ຟຸ໋ທໍ້ ແລະ Trento ໃຫ້ປະກົດຜົນເປັນຈິງ ແນໃສ່ຍົກສູງການພົວພັນ ແລະ ຄຸນນະພາບການຮ່ວມມືລະຫວ່າງ 2 ຝ່າຍ.