ແຂວງດັກນົງຍູ້ແຮງການປັບປຸງສະພາບແວດລ້ອມແຫ່ງການລົງທຶນ
(ກອງປະຊຸມໃຫຍ່ອົງຄະນະພັກແຂວງ ດັກນົງ)
(vovworld) – ແກ້ໄຂ, ປັບປຸງສະພາບແວດລ້ອມແຫ່ງການລົງທຶນ, ເພື່ອສ້າງບາດກ້າວບຸກທະລຸໃນບັນດາຂົງເຂດເສດຖະກິດສຳຄັນ ແມ່ນເນື້ອໃນຈຸດສຸມຂອງກອງປະຊຸມໃຫຍ່ອົງຄະນະພັກແຂວງ ດັກນົງ, ເຊິ່ງດຳເນີນໄປໃນວັນທີ 25/09 ຢູ່ແຂວງ. ຕາມທິດທາງ, ໜ້າທີ່ທີ່ໄດ້ວາງອອກໃຫ້ອະຍຸການຈະມາເຖິງ, ເພື່ອສ້າງການພັດທະນາດ້ານເສດຖະກິດຢ່າງແຮງ, ນຳແຂວງດັກນົງ ຫຼຸດພົ້ນອອກຈາກແຂວງທຸກຍາກ, ບໍ່ທັນພັດທະນາ, ແຂວງໄດ້ສຸມໃສ່ເຂົ້າໃນ 3 ທິດທາງຕົ້ນຕໍ່ນັ້ນແມ່ນອຸດສາຫະກຳ ໂບສິດ - ອານູມີນຽມ - ເຫຼັກກ້າ, ກະສິກຳນຳໃຊ້ເຕັກໂນໂລຊີສູງ ແລະ ການບໍລິການ - ທ່ອງທ່ຽວ. ທີ່ກອງປະຊຸມ, ທ່ານ ຫງວຽນບົ໋ນ, ຮອງປະທານຄະນະກຳມະການປະຊາຊົນແຂວງດັກນົງ ໃຫ້ຮູ້ວ່າ.
“ພາຍຫຼັງກອງປະຊຸມໃຫຍ່ຄັ້ງນີ້, ພວກຂ້າພະເຈົ້າຈະຈັດຕັ້ງກອງປະຊຸມສົ່ງເສີມການລົງທຶນ ດ້ວຍວິສາຫະກິດ 100 ແຫ່ງທີ່ມາຈາກຮ່າໂນ້ຍ ແລະ ນະຄອນໂຮ່ຈິມິນ. ແລະຈະຈັດກອງປະຊຸມສົ່ງເສີມການລົງທຶນ FDI ດ້ວຍຄາດໝາຍແນໃສ່ດຶງດູດການລົງທຶນໃຫ້ຫຼາຍກວ່າອີກ. ໃນໄລຍະຈະມາເຖິງພວກຂ້າພະເຈົ້າຈະຕີລາຄາຄືນ, ສຳຫຼວດກວດຄືນເພື່ອສ້າງໂຄງການລະອຽດ ເພື່ອປົວແປງການລົງທຶນ, ສ້າງເງື່ອນໄຂສະດວກໃຫ້ວິສາຫະກິດ, ນັກລົງທຶນທີ່ມາລົງທຶນຢູ່ແຂວງດັກນົງ ກວ່າອີກ”.