(ພາບປະກອບ)
(vovworld) - ໃນຄໍລຳປະຊາຊົນຖາມ ລັດຖະມົນຕີວ່າການຕອບ, ທ່ານລັດຖະມົນຕີວ່າການກະຊວງກໍ່ສ້າງ ຈິງດິ່ງຢຸງ, ໃຫ້ຮູ້ວ່າ: ໜຶ່ງໃນບັນດາທັດສະນະສຳຄັນທີ່ສຸດ ແລະ ຕັດສິນການຟື້ນຕົວຂອງຕະຫຼາດອະສັງຫະລິມະຊັບນັ້ນແມ່ນທັດສະນະແກ້ໄຂຄວາມຫຍຸ້ງຍາກໃຫ້ຕະຫຼາດອະສັງຫະລິມະຊັບ ຕິດພັນກັບການປະຕິບັດຍຸດທະສາດກ່ຽວກັບເຮືອນຢູ່ແຫ່ງຊາດ. ທ່ານລັດຖະມົນຕີວ່າການ ຈິງດິ່ງຢຸງ, ໃຫ້ຮູ້ວ່າ:
“ປະຈຸບັນ, ຄວາມຕ້ອງການດ້ານເຮືອນຢູ່ສັງຄົມແມ່ນຫຼາຍທີ່ສຸດ. ເພື່ອຍູ້ແຮງການພັດທະນາເຮືອນຢູ່ສັງຄົມກວ່າອີກ, ໃນໄລຍະຈະມາເຖິງ, ກ່ອນອື່ນໝົດແມ່ນຕ້ອງສືບຕໍ່ປັບປຸງກົດໝາຍທີ່ກ່ຽວຂ້ອງເຖິງການພັດທະນາເຮືອນຢູ່ ເພື່ອສ້າງສະພາບແວດລ້ອມ ລະດົມບັນດາແຫຼ່ງກຳລັງໃຫ້ແກ່ການພັດທະນາ. ທີສອງແມ່ນ, ບັນດາທ້ອງຖີ່ນຕ້ອງສືບຕໍ່ກໍ່ສ້າງລາຍການພັດທະນາເຮືອນຢູ່, ພິເສດແມ່ນເຮືອນຢູ່ສັງຄົມ. ທີສາມແມ່ນຕ້ອງສຸມໃສ່ສ້າງກອງທຶນທີ່ດິນພັດທະນາເຮືອນຢູ່ສັງຄົມ. ສ້າງເງື່ອນໄຂດີທີ່ສຸດເພື່ອໃຫ້ບັນດາວິສາຫະກິດລົງທຶນເຂົ້າຮ່ວມການພັດທະນາເຮືອນຢູ່ສັງຄົມ“.
ແລະກໍ່ຕາມທ່ານລັດຖະມົນຕີວ່າການກະຊວງກໍ່ສ້າງ ຈິງດິ່ງຢຸງ ແລ້ວ, ຕະຫຼາດອະສັງຫະລິມະຊັບ ພວມໄດ້ຮັບການຟື້ນຕົວ, ແຫຼ່ງສະໜອງເຮືອນຢູ່ນັບມື້ນັບຫຼາຍ, ລາຄາເຮືອນຢູ່ກໍ່ເປັນປົກກະຕິກວ່າ. ດັ່ງນັ້ນນີ້ແມ່ນໂອກາດເພື່ອຫັນຄວາມໄຝຝັນມີເຮືອນຢູ່ຂອງປະຊາຊົນປະກົດຜົນເປັນຈິງ.