ການຍິງບັງໄຟດອກຢູ່ຂົວ Harbour, Sydney
(ພາບ: Reuters)
(vovworld) – ປະຊາຊົນໃນທົ່ວໂລກມີຄວາມເບີກບານມ່ວນຊື່ນຕ້ອນຮັບປີໃໝ່ 2014 ດ້ວຍຄຳອວຍພອນໃຫ້ປີໃໝ່ມີຫຼາຍສິ່ງຫຼາຍຢ່າງທີ່ດີງາມ, ສະຫງົບສຸກກ່ວາ. ໄດ້ຕ້ອນຮັບປີໃໝ່ທຳອິດແມ່ນປະຊາຊົນໃນເກາະ Kiritimati ຢູ່ກາງມະຫາສະໝຸດປາຊີຟິກ. ແຕ່ການຕ້ອນຮັບປີໃໝ່ 2014 ໄດ້ເລີ່ມຂຶ້ນດ້ວຍການຍິງບັ້ງໄຟດອກງາມຕາຢູ່ ນິວຢີແລນ ແລະ ອົດສະຕາລີ.
ຢູ່ເຢຍລະມັນ, ຕອນຄຳ່ວັນທີ 31/12, ມີປະຊາຊົນປະມານ 1 ລ້ານຄົນທີ່ມາຈາກທຸກແທບຖີ່ນໄດ້ພາກັນມາບໍລິເວນປະຕູກຳແພງ Brandenburg ຢູ່ Berlin ເພື່ອຕ້ອນຮັບປີໃໝ່ 2014. ນີ້ໄດ້ຮັບຖືວ່າແມ່ນງານບຸນຕ້ອນຮັບປີໃໝ່ຢູ່ກາງແຈ້ງໃຫຍ່ສຸດຢູ່ ເອີລົບ ແລະ ກໍ່ແມ່ນໜຶ່ງໃນບັນດາງານບຸນຕ້ອນຮັບປີໃໝ່ໃຫຍ່ສຸດຢູ່ໃນໂລກ. ຢູ່ລັດເຊຍ, ປະຊາຊົນນັບໝື່ນຄົນໄດ້ເຕົ້າໂຮມກັນຢູ່ຈະຕຸລັດແດງ ເພື່ອຕ້ອນຮັບປີໃໝ່, ດ້ວຍຄວາມຫວັງປີ 2014 ຈະນາມາເຊິ່ງສິ່ງດີງາມ.
ຢູ່ອາເມລິກາ, ບັນຍາກາດຕ້ອນຮັບປີໃໝ່ ໄດ້ຮັບການກະກຽມຢ່າງລອບຄອບ ຖີ່ຖ້ວນ.
ສ່ວນປະຊາຊົນ ອາບຟຣີກາໃຕ້ ໃນທົ່ວປະເທດໄດ້ຕ້ອນຮັບປີໃໝ່ 2014 ດ້ວຍການເຄື່ອນໄຫວມີຄວາມໝາຍຕ່າງໆ, ໃນນັ້ນມີພິທີອາໄລຫາເຖິງທ່ານປະທານາທິບໍດີ Nelson Mandela.
ຢູ່ປະເທດຈີນ, ນະຄອນເກືອບທັງໝົດຂອງປະເທດນີ້ລ້ວນແຕ່ຕ້ອນຮັບປີໃໝ່ດ້ວຍການຍິງບັ້ງໄຟດອກ...