ໂອ້ລົມສົນທະນາ“ກາລະໂອກາດດຳເນີນທຸລະກິດ,ລົງທຶນຢູ່ຫວຽດນາມ”ຈັດຕັ້ງຢູ່ຮົ່ງກົງ,ຈີນ
(ໂອ້ລົມສົນທະນາ“ກາລະໂອກາດດຳເນີນທຸລະກິດ,
ລົງທຶນຢູ່ຫວຽດນາມ”ຈັດຕັ້ງຢູ່ຮົ່ງກົງ,ຈີນ)
(vovworld) - ຕອນບ່າຍວັນທີ 06/04, ຢູ່ສະຫະສະມາຄົມການຄ້າ ຈີນ ທີ່ເກາະ ຮົ່ງກົງ, ເຂດບໍລິການພິເສດ ຮົ່ງກົງ, ຈີນ ດຳເນີນການໂອ້ລົມສົນທະນະ “ກາລະໂອກາດດຳເນີນທຸລະກິດ, ການລົງທຶນຢູ່ ຫວຽດນາມ”. ກ່າວຄຳເຫັນທີ່ການໂອ້ລົມສົນທະນາ, ທ່ານ ດັ້ງມີງ ຄອຍ ເອກອັກຄະລັດຖະທູດ ຫວຽດນາມ ປະຈຳ ຈີນ ຍົກອອກນະໂຍບາຍດຶງດູດການລົງທຶນຂອງ ຫວຽດນາມ. ທ່ານເອກອັກຄະລັດຖະທູດ ດັ້ງມີງຄອຍ ຢືນຢັນວ່າ: ຮົ່ງກົງ ຍາມໃດກໍ່ມີບົດບາດສຳຄັນສຳລັບພື້ນຖານເສດຖະກິດ ຫວຽດນາມ, ທັງແມ່ນໜຶ່ງໃນບັນດາປະຕູເພື່ອໃຫ້ເສດຖະກິດ ຫວຽດນາມ ອອກສູ່ໂລກ ແລະ ພາກພື້ນ. ພິເສດ ພ້ອມກັບເລື່ອງເຂົ້າຮ່ວມບັນດາສັນຍາການຄ້າເສລີພາກພື້ນ, ເສດຖະກິດ ຫວຽດນາມ ນັບມື້ນັບເຊື່ອມໂຍງເຂົ້າກັບເສດຖະກິດໂລກ ແລະ ພາກພື້ນຢ່າງເລິກເຊິ່ງກ້ວາງຂວາງ. ສິ່ງດັ່ງກ່າວ ສ້າງກາລະໂອກາດໃຫຍ່ໃຫ້ບັນດານັກລົງທຶນຕ່າງປະເທດ, ພິເສດແມ່ນບັນດານັກລົງທຶນຢູ່ ຮົ່ງກົງ ຊອກຫາ ແລະ ກຳແໜ້ນກາລະໂອກາດດຳເນີນທຸລະກິດ, ລົງທຶນຢູ່ ຫວຽດນາມ. ປະຈຸບັນ, ລັດຖະບານ 2 ປະເທດ ຫວຽດນາມ - ຈີນ ໄດ້ສ້າງຕັ້ງຫລາຍກົນໄກຮ່ວມມືລະອຽດກ່ວາ, ສິ່ງນີ້ ຈະນຳມາເຊິ່ງກາລະໂອກາດໃໝ່ຫລາຍຢ່າງໃຫ້ປະຊາຄົມວິສາຫະກິດ 2 ປະເທດ. ທີ່ການໂອ້ລົມສົນທະນາ, ຜູ້ຕາງໜ້າກະຊວງແຜນການ ແລະ ການລົງທຶນ ເນັ້ນໜັກວ່າ: ໃນຂົງເຂດການລົງທຶນ ຫວຽດນາມ ປາດຖະໜາວ່າ ບັນດາບໍລິສັດ, ກຸ່ມບໍລິສັດໃຫຍ່ຂອງ ຈີນ, ເຂດພິເສດ ຮົ່ງກົງ ແລະ ເຂດພິເສດ ມາເກົາ ມາ ຫວຽດນາມ ຊອກຮູ້ກ່ຽວກັບສະພາບແວດລ້ອມແຫ່ງການລົງທຶນດຳເນີນທຸລະກິດ ແລະ ຊອກຫາກາລະໂອກາດ ລົງທຶນ, ຄູ່ຮ່ວມມືຮ່ວມມື ຫວຽດນາມ, ປະກອບສ່ວນຊຸກຍູ້ການພົວພັນຮ່ວມມືດ້ານເສດຖະກິດ, ການລົງທຶນລະຫວ່າງ 2 ປະເທດໃຫ້ນັບມື້ນັບພັດທະນາກ່ວາອີກ.