ທ່ານ ນາຍົກລັດຖະມົນຕີ ຫງວຽນເຕີ້ນຢູງກ່າວຄຳປາໄສທີ່ກອງປະຊຸມ
ສຳມະນາ
ພາບ: TTXVN
|
(vovworld) - “ ຫວຽດນາມ ບົ້ນເສັ້ນທາງເຊື່ອມໂຍງ ແລະ ພັດທະນາແບບຍືນຍົງ” ແມ່ນຫົວຂໍ້ຂອງ ກອງປະຊຸມສຳມະນາສາກົນ ຫວຽດນາມວິທະຍາຄັ້ງທີ 4 ຖືກໄຂຂຶ້ນໃນຕອນເຊົ້າວັນທີ 25/11 ທີ່ ສູນກອງປະຊຸມແຫ່ງຊາດ ຢູ່ນະຄອນຫລວງ ຮ່າໂນ້ຍ. ກອງ ປະຊຸມສຳມະນາດັ່ງກ່າວໂດຍແມ່ນສະຖາບັນວິທະຍາສາດ ສັງຄົມ ຫວຽດນາມ ສົມທົບກັບ ມະຫາວິທະຍາໄລແຫ່ງຊາດ ຮ່າໂນ້ຍ ຈັດຕັ້ງຂຶ້ນ. ກ່າວຄຳປາໄສໄຂກອງປະຊຸມສຳມະນາ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢູງ ໄດ້ທົບທວນຄືນບັນດາຜົນງານອັນພົ້ນເດັ່ນຂອງ ຫວຽດນາມ ພາຍຫລັງ 25 ປີ ແຫ່ງການປະຕິບັດແນວທາງປ່ຽນແປງໃຫມ່ ພາຍໃຕ້ການນຳພາຂອງພັກກອມມູນິດ ຫວຽດນາມ ພ້ອມທັງຍົກໃຫ້ເຫັນແນວທາງ, ວິທີການເພື່ອໃຫ້ ຫວຽດນາມ ພັດທະນາແບບຍືນຍົງ. ທ່ານ ນາຍົກລັດຖະມົນຕີ ຫງວຽນເຕີ້ນຢູງ ເວົ້າວ່າ:
“ ເລື່ອງຍູ້ແຮງການເຊ່ືອມໂຍງເຂົ້າກັບສາກົນກ່ຽວກັບວິທະຍາສາດ ແລະ ເຕັກໂນໂລຊີເວົ້າລວມ, ວິທະຍາສາດສັງຄົມ ແລະ ວັດທະນະທຳມະນຸດເວົ້າສະເພາະ ແມ່ນເນື້ອໃນສຳຄັນໃນຍຸດທະສາດເຊື່ອມໂຍງເຂົ້າກັບສາກົນຂອງ ຫວຽດນາມ. ກອງປະຊຸມສຳ ມະນາກ່ຽວກັບ ຫວຽດນາມ ວິທະຍາ ແມ່ນການເຄື່ອນໄຫວມີຄວາມໝາຍສຳຄັນທີ່ສຸດ, ປະກອບສ່ວນຍູ້ແຮງການເຊື່ອມໂຍງວິທະຍາສາດເຕັກໂນໂລຊີ ເຂົ້າກັບສາກົນ. ນີ້ແມ່ນໂອກາດເພື່ອໃຫ້ບັນດານັກວິທະຍາສາດເວົ້າລວມ ແລະ ລັດຖະບານ ຫວຽດນາມ ເວົ້າສະເພາະ ແບ່ງປັນໝາກຜົນແຫ່ງການຄົ້ນຄ້ວາ, ບົດຮຽນພັດທະນາ, ບັນດາພູມປັນຍາໃຫມ່ກ່ຽວກັບປະເທດ ຫວຽດນາມ ໄດ້ຮັບການພັດທະນາຢ່າງບໍ່ຢຸດຢັ້ງ ໂດຍອີງໃສ່ບົດບາດທີ່ຕັ້ງ ແລະ ແຫລ່ງກຳລັງໃຫມ່; ປະກອບສ່ວນເຮັດໃຫ້ໂລກຮູ້ຈັກເຖິງປະເທດ ຫວຽດນາມ ບໍ່ພຽງແຕ່ແມ່ນແບບຢ່າງກ່ຽວກັບການຕໍ່ສູ້ອັນພິລະອາດຫານເພື່ອຍາດເອົາເອກະລາດມາໃຫ້ປະເທດຊາດ, ໂຮມປະເທດເປັນເອກະພາບ, ມີພື້ນຖານວັດທະນະທຳກ້າວຫນ້າ ແລະ ເຂັ້ມຂົ້ນໄປດ້ວຍສີສັນຊາດເທົ່ານັ້ນ ຫາກຍັງແມ່ນປະເທດເຊື່ອມໂຍງ ແລະ ພັດທະນາສຳເລັດຜົນອີກດ້ວຍ.”