(VOVWORLD) - ກ່າວຄຳເຫັນທີ່ວາລະໄຂກອງປະຊຸມ, ທ່ານ Antonio Guterres, ເລຂາທິການໃຫຍ່ ສປຊ ແລະ ການນຳປະເທດຕ່າງໆເນັ້ນໜັກວ່າ ປະຊາຄົມສາກົນຄວນມານະພະຍາຍາມກ່ວາອີກເພື່ອແກ້ໄຂບັນດາສິ່ງທ້າທາຍສຳລັບສິດທິມະນຸດ
 ທ່ານເອກອັກຄະລັດຖະທູດ ເຢືອງຈີ໋ຢຸ້ງ |
ກອງປະຊຸມຊຸດທີ 37 ຂອງສະພາສິດທິມະນຸດ ສປຊ ໄດ້ໄຂຂຶ້ນທີ່ສຳນັກງານ ສະຫະປະຊາຊາດຢູ່ ເຊີແນວ, ປະເທດ ສະວິດ. ຄະນະຜູ້ແທນ ຫວຽດນາມ ໂດຍທ່ານເອກອັກຄະລັດຖະທູດ ເຢືອງຈີ໋ຢຸ້ງ, ຫົວໜ້າຄະນະຜູ້ແທນ ຫວຽດນາມ ປະຈຳ ສປຊ, ອົງການການຄ້າໂລກ (WTO) ແລະ ບັນດາອົງການສາກົນອື່ນໆປະຈຳເຊີນແນວ, ເປັນຫົວໜ້າຄະນະ. ກ່າວຄຳເຫັນທີ່ວາລະໄຂກອງປະຊຸມ, ທ່ານ Antonio Guterres, ເລຂາທິການໃຫຍ່ ສປຊ ແລະ ການນຳປະເທດຕ່າງໆເນັ້ນໜັກວ່າ ປະຊາຄົມສາກົນຄວນມານະພະຍາຍາມກ່ວາອີກເພື່ອແກ້ໄຂບັນດາສິ່ງທ້າທາຍສຳລັບສິດທິມະນຸດ ແລະ ຄວນເພີ່ມທະວີການຮ່ວມມືໃນການຜັນຂະຫຍາຍບັນດາຄຳໝັ້ນສັນຍາໃນທົ່ວໂລກ, ພິເສດແມ່ນໂຄງການດຳເນີນງານປີ 2030 ກ່ຽວກັບການພັດທະນາແບບຍືນຍົງ. ທ່ານເລຂາທິການໃຫຍ່ Guterres ແລະ ບັນດາເຈົ້າໜ້າທີ່ ສປຊ ຍົກໃຫ້ເຫັນຄວາມວິຕົກວັງວົນກ່ຽວກັບການເພີ່ມທະວີຂອງລັດທິກໍ່ການຮ້າຍ, ຫົວຮຸນແຮງ, ສະພາບການຈຳແນກການປະພຶດ, ປະຕິເສດຊາວຕ່າແດນ, ກະແສຟອງອົບພະຍົບ…
ຄະນະຜູ້ແທນ ຫວຽດນາມ ຈະເຂົ້າຮ່ວມປາໃສ, ປຶກສາຫາລືໃນຫຼາຍຫົວເລື່ອງທີ່ກອງປະຊຸມຄັ້ງທີ 37 ນີ້, ພ້ອມທັງຕັ້ງໜ້າປະກອບສ່ວນເຂົ້າໃນວິວັດການເຈລະຈາການສ້າງບັນດາເອກະສານຂອງສະພາສິດທິມະນຸດ. ຢູ່ນອກກອງປະຊຸມ, ຫວຽດນາມ ຈະຈັດຕັ້ງການໂອ້ລົມສົນທະນາສາກົນດ້ວຍຫົວຂໍ້ “ບົດບາດຂອງເຕັກໂນໂລຊີຂໍ້ມູນຂ່າວສານ ແລະ ໂທລະຄົມ ໃນການຊຸກຍູ້ບັນດາສິດທິດ້ານເສດຖະກິດ, ວັດທະນະທຳ, ສັງຄົມ ແລະ ຫລຸດຜ່ອນການຂາດຄວາມສະເໝີພາບ” ໃນວັນທີ 27 ກຸມພາ.