ໄຂກອງປະຊຸມສາກົນ ກ່ຽວກັບ HIV/AIDS ຄັ້ງທີ 19
ການເຄື່ອນໄຫວຮຽກຮ້ອງໃຫ້ປ້ອງກັນ, ຕ້ານ HIV/AIDS ຢູ່ ວໍຊິງຕັນ
(ພາບ: AFP/ສຳນັກຂ່າວສານຫວຽດນາມ)
(vovworld) - ກອງປະຊຸມສາກົນກ່ຽວກັບ HIV/AIDS ຖືກໄຂຂຶ້ນໃນວັນທີ 22/7 ຢູ່ນະຄອນຫຼວງ ວໍຊິງຕັນ ແຫ່ງສະຫະລັດ ອາເມລິກາ ດ້ວຍຫົວຂໍ້ວ່າ “ພ້ອມກັນປ່ຽນແປງທ່າອ່ຽງ” ເພື່ອແນໃສ່ຮຽກຮ້ອງໃຫ້ໂລກ ພ້ອມກັນຮັບມືກັບພະຍາດອັນຕະລາຍຂອງສະຕະວັດນີ້ໂດຍໄວ. ກອງປະຊຸມຖືກດຳເນີນໃນ 6 ວັນເຊິ່ງໄດ້ດຶງດູດການເຂົ້າຮ່ວມຂອງຜູ້ແທນ 25.000 ຄົນ, ເຊິ່ງລວມມີບັນດານັກການເມືອງ, ນັກຄົ້ນຄ້ວາ ແລະ ນັກເຄື່ອນໄຫວສັງຄົມ. ທີ່ພິທີໄຂ, ທ່ານ Anthony Fauci, ຜູ້ອຳນວຍການສະຖາບັນຄົ້ນຄ້ວາບັນດາພະຍາດ ແລະ ຕິດແປດ ແຫ່ງຊາດ ອາເມລິກາ ຮຽກຮ້ອງໃຫ້ບັນດາລັດຖະບານ, ອົງການຈັດຕັ້ງ ແລະ ສ່ວນບຸກຄົນຢູ່ບັນດາປະເທດໃນໂລກຄວນຕັດສິນໃຈເສີມຂະຫຍາຍບັນດາການຄົ້ນຄ້ວາ ແລະ ຜົນງານດ້ານວິທະຍາສາດໃນການຕ້ານພະຍາດ HIV/AIDS ຢ່າງມີປະສິດທິຜົນກ່ວາອີກ. ໃນຊຸມວັນເຮັດວຽກຈະມາເຖິງ, ກອງປະຊຸມຈະສຸມໃສ່ປຶກສາຫາລື ກ່ຽວກັບບັນດາເນື້ອໃນຕົ້ນຕໍ່, ເຊິ່ງລວມມີບັນດາຄວາມມານະພະຍາຍາມຊອກຫາວິທີການປິ່ນປົວ HIV ໃໝ່ ກໍຄືການໜູນຊ່ວຍຂອງບັນດາປະເທດ ແລະ ປະຊາຄົມໂລກໃນການປ້ອງກັນ, ຕ້ານເຊື້ອ HIV/AIDS.