(ພາບ: vov)
(vovworld)- ໃນຂອບເຂດງານມະໂຫລານກະຈາຍສຽງທົ່ວປະເທດຄັ້ງທີ 11 ຢູ່ນະຄອນດ່າລາດ-ແຂວງເລີມດົ່ງ, ວັນທີ 25/4, ໄດ້ຈັດກອງປະຊຸມສຳມະນາ “ເຕັກໂນໂລຊີໃໝ່ໃນສັງກາດກະຈາຍສຽງ Digital“ ແລະ “ຈັດຕັ້ງບັນນາທິການໃນອົງການສື່ມວນຊົນຫຼາຍປະເພດ“. ຜູ້ແທນກ່ວາ 500 ຄົນແມ່ນພະນັກງານ, ບັນນາທິການ, ນັກຂ່າວ, ນັກເຕັກນິກຂອງກ່ວາ 60 ຫົວໜ່ວຍກະຈາຍສຽງ-ໂທລະພາບໃນທົ່ວປະເທດໄດ້ເຂົ້າຮ່ວມ. ກ່າວຄຳເຫັນທີ່ກອງປະຊຸມສຳມະນາ “ຈັດຕັ້ງບັນນາທິການໃນອົງການສື່ມວນຊົນຫຼາຍປະເພດ“, ທ່ານຫວູ້ຫາຍ, ຮອງຜູ້ອຳນວຍການໃຫ່ຍວິທະຍຸກະຈາຍສຽງຫວຽດນາມ ເນັ້ນໜັກວ່າ:
“ບັນດາອົງການສື່ສານໄດ້ ແລະ ພວມແບ່ງປັນຂໍ້ມູນຂ່າວສານຢ່າງສຸດຂີດເພື່ອຕອບສະໜອງຄວາມຮຽກຮ້ອງຕ້ອງການຂໍ້ມູນຂ່າວສານທີ່ມີຫຼາຍຮູບຫຼາຍແບບຂອງມະຫາຊົນໃນສັງຄົມ. ໃນເງື່ອນໄຂນັ້ນ, ການພັດທະນາບັນດາທັກສະຂອງນັກຂ່າວແມ່ນຄວາມຕ້ອງການພັດທະນາໃນການແກ່ງແຍ້ງ. ສະນັ້ນ, ຂ້າພະເຈົ້າເຊື່ອໝັ້ນວ່າ, ໃນກອງປະຊຸມສຳມະນາຄັ້ງນີ້, ດ້ວຍເນື້ອໃນສຸມໃສ່ການແລກປ່ຽນບົດຮຽນໃນການເຮັດວຽກໃນອົງການສື່ສານຫຼາຍປະເພດ, ວິທີສ້າງ ແລະ ຄຸ້ມຄອງເນື້ອໃນນະນຳມາເຊິ່ງຫຼາຍຂໍ້ມູນຂ່າວສານ ແລະ ບົດຮຽນທີ່ມີຄ່າໃຫ້ແກ່ບັນດານັກຂ່າວໃນທົ່ວປະເທດ“.
(ພາບ: vov)
ກ່ອນໜ້ານັ້ນ, ໃນຕອນຄ່ຳຂອງວັນທີ 24/4, ງານມະໂຫລານກະຈາຍສຽງທົ່ວປະເທດຄັ້ງທີ 11 ປີ 2014 ໂດຍວິທະຍຸກະຈາຍສຽງຫວຽດນາມ ແລະ ສະຖານີວິທະຍຸກະຈາຍສຽງ-ໂທລະພາບແຂວງເລີມດົ່ງ ສົມທົບກັນຈັດຕັ້ງຂຶ້ນຢູ່ນະຄອນດ່າລາດ-ແຂວງເລີມດົ່ງ. ກ່າວຄຳເຫັນນະທີ່ນີ້, ທ່ານຫວູ້ຫາຍ, ຮອງຜູ້ອຳນວຍການໃຫ່ຍວິທະຍຸກະຈາຍສຽງຫວຽດນາມ, ຫົວໜ້າຄະນະຈັດຕັ້ງງານມະໂຫລານເນັ້ນໜັກວ່າ:
“ພວກເຮົາຕ້ອງສືບຕໍ່ປຶກສາຫາລືເພື່ອເຮັດແຈ້ງບັນດາສິ່ງທ້າທາຍພວມວາງອອກສຳລັບຂະແໜງກະຈາຍສຽງຫວຽດນາມ ແລະ ການປ່ຽນແປງເພື່ອຮັບມືກັບສິ່ງທ້າທາຍນັ້ນ. ພວກເຮົາຈະສ້າງບັນດາການປ່ຽນແປງເພື່ອຢືນຢັນວ່າ, ກະຈາຍສຽງຍາມໃດກໍ່ແມ່ນພາຫະນະສື່ສານແຫຼມໂຄມ, ມີຄວາມໄວ້ເນື້ອເຊື່ອໃຈ ແລະ ສຳຄັນອັນດັບໜຶ່ງໃນການກຳນົດທິດຫາງສຽງ, ສະໜອງຂໍ້ມູນຂ່າວສານ, ຕອບສະໜອງຄວາມຮຽກຮ້ອງຕ້ອງການດ້ານບັນເທິງໃຫ້ແກ່ມະຫາຊົນໃນໄລຍະ ເຕັກໂນໂລຊີ Digital ແລະ ອິນເຕີແນັດທີ່ທັນສະໄໝ, ຊື່ງແມ່ນໄລຍະທີ່ການກະຈາຍສຽງ Digital ແມ່ນທ່າອ່ຽງທີ່ຕ້ອງເປັນໄປສຳລັບການພັດທະນາຂອງຂະແໜງກະຈາຍສຽງຫວຽດນາມ“./.