ເວທີ​ປາ​ໄສ​ການທ່ອງ​ທ່ຽວອາ​ຊຽນ ຄັ້ງທີ 32

(ພາບ: langvietonline.vn)

(vovworld)- ​ເວທີ​ປາ​ໄສ​ການທ່ອງ​ທ່ຽວອາ​ຊຽນ ຄັ້ງທີ 32 ​ໄດ້​ໄຂ​ຂຶ້ນຢ່າງ​ເປັນ​ທາງ​ການ​ໃນ​ຕອນ​ຄ່ຳວັນ​ທີ 20/1 ຢູ່​ນະຄອນຫຼວງ​ວຽງ​ຈັນ-​ລາວ ​ໂດຍ​ມີ​ການ​ເຂົ້າຮ່ວມຂອງ​ຜູ້​ແທນ​ກ່ວາ 1800 ທ່ານຊື່​ງລວມມີ​ບັນດາ​ເຈົ້າໜ້າ​ທີ່ ​ແລະ ນັກທຸລະກິດ​ທ່ອງ​ທ່ຽວທີ່​ມາ​ຈາກ​ບັນດາ​ປະ​ເທດ​ອາ​ຊຽນ ​ແລະ ບັນດາ​ປະ​ເທດ​ຄູ່​ເຈລະຈາ​ຄື: ຈີນ, ຍີ່ປຸ່ນ, ສ​ເກົາຫຼີ, ອິ​ເດຍ ​ແລະ ລັດ​ເຊຍ. ກ່າວ​ຄຳ​ເຫັນ​ທີ່​ພິທີ​ໄຂ, ທ່ານ​ນາຍົກລັດຖະມົນຕີລາວ ທອງ​ສິງ ທຳ​ມະ​ວົງ ຖື​ວ່າ: ​ເຫດການ​ນີ້​ມີ​ຄວາມ​ໝາຍ​ປະຫວັດສາດ​ສຳລັບ​ອາ​ຊຽນ ​ແລະ ລາວ, ​ແມ່ນ​ປະຖົມ​ປັດ​ໄຈ ​ແລະ ​ແມ່ນ​ບາດກ້າວກະກຽມ​​ໃຫ້​ແກ່​ການສ້າງ​ປະຊາ​ຄົມ​ອາ​ຊຽນ ​ໃນ​ປີ 2015. ທ່ານ​ນາຍົກລັດຖະມົນຕີລາວ ທອງ​ສິງ ທຳ​ມະ​ວົງ ​ໃຫ້​ຮູ້​ວ່າ: ​ໃນ​ປີ 2011, ຈຳນວນ​ແຂກ​ສາກົນ​ມາ​ທ່ອງ​ທ່ຽວ​ພາກ​ພື້ນ​ອາຊຽນ ​ໄດ້​​ເພິ່ມຂຶ້ນ​ເຖິງ 81 ລ້ານ​ເທື່ອ​ຄົນ, ປະກອບສ່ວນ​ເຂົ້າ​ໃນ​ການ​ພັດທະນາລວມຂອງ​ພື້ນຖານ​ເສດຖະກິດ-​ສັງຄົມ​ບັນດາ​ປະ​ເທດ​ສະມາຊິກ, ສ້າງ​ວຽກ​ເຮັດ​ງານ​ທຳ, ລົບ​ລ້າງ​ຄວາມ​ອຶດຫິວ ຫລຸດຜ່ອນ​ຄວາມທຸກ​ຍາກ ​ແລະ ຊ່ວຍ​ຮັດ​ແຄບ​ຊ່ອງ​ຫວ່າງ​ການ​ພັດທະນາ​ດ້ານ​ເສດຖະກິດ​ລະ​ຫວ່າງ​ບັນດາ​ປະ​ເທດສະມາຊິກ​ອາ​ຊຽນ, ສ້າງ​ທ່າ​ພັດທະນາ​ເສດຖະກິດໝັ້ນຄົງ​ໃຫ້​ພາກ​ພື້ນ.

   ຢູ່​ນອກ​ເວທີ​ປາ​ໄສ​ການທ່ອງທ່ຽວ​ອາ​ຊຽນ, ລາວ​ ຍັງ​ຈັດ​ຕັ້ງງານ​ຕະຫຼາດນັດດ້ວຍ​ຮ້ານ​ວາງສະ​ແດງ​ສິນຄ້າ​ເກືອບ 500 ຮ້ານ​ຂອງ 10 ປະ​ເທດສະມາຊິກ​ອາ​ຊຽນ.