(vovworld) - ວັນທີ 24/12, ຝ່າຍແຫ່ຂະບວນປະທ້ວງຕ້ານລັດຖະບານຢູ່ໄທ ໄດ້ຢຸດຕິການກີດຂວາງບັນດາຜູ້ອອກສະໝັກຮັບເລືອກຕັ້ງຈົດທະບຽນເຂົ້າຮ່ວມການອອກສະໝັກຮັບເລືອກຕັ້ງໃນວັນທີ 02/02/2014. ແຕ່ເຂົາເຈົ້າໄດ້ຖະແຫຼງວ່າ ຈະສືບຕໍ່ຄັດຄ້ານທ່ານນາງນາຍົກລັດຖະມົນຕີ ຍິງຣັກ ສິນນະວັດ ແລະ ກໍ່ຄວາມກີດຂວາງໃຫ້ແກ່ການເລືອກຕັ້ງ ເຊິ່ງການນຳຍິງຜູ້ນີ້ໄດ້ຮັບຖືວ່າຈະຍາດໄດ້ໄຊຊະນະ.
ຄວາມສັບສົນໃນການຫາສຽງເລືອກຕັ້ງໄດ້ແກ່ຍາວເປັນເວລາຫຼາຍມື້ ພາຍຫຼັງທີ່ເຂດຈົດທະບຽນອອກສະໝັກຮັບເລືອກຕັ້ງໄດ້ເປີດປະຕູຢູ່ສະໜາມກິລາຢູ່ນະຄອນຫຼວງບາງກອກ ໃນວັນທີ 23/12. ຜູ້ແຫ່ຂະບວນປະທ້ວງໄດ້ປິດລ້ອມສະຖານທີ່ດັ່ງກ່າວ, ກີດຂວາງຜູ້ອອກສະໝັກຮັບເລືອກຕັ້ງຈົດທະບຽນ. ຕາມຂໍ້ກຳນົດແລ້ວ, ພາຍຫຼັງຮັບບັນຊີລາຍຊື່ຜູ້ອອກສະໝັກຮັບເລືອກຕັ້ງ, ຄະນະກຳມະການເລືອກຕັ້ງຈະກວດກາ ແລະ ຈັດຕັ້ງການຈົກບັດສະໝັກຮັບເລືອກຕັ້ງ. ນີ້ແມ່ນບັນດາລະບຽບການຕົ້ນຕໍ່ ບັງຄັບໃຫ້ທຸກພັກຝ່າຍຈົດທະບຽນຕ້ອງມີໜ້າ. ແຕ່ເກີດບັນຫາແມ່ນ ເຂົາເຈົ້າບໍ່ສາມາດເຂົ້າເຂດດຳເນີນການຈົກບັດສະໝັກຮັບເລືອກຕັ້ງ ເພື່ອສຳເລັດລະບຽບການນີ້ ຍ້ອນຜູ້ແຫ່ຂະບວນປະທ້ວງໄດ້ປິດລ້ອມເຂດຈົດທະບຽນສະໝັກຮັບເລືອກຕັ້ງ.