(vovworld) – ໜັງສືພິມສຳຄັນຫຼາຍສະບັບຂອງ ເຢຍລະມັນ ໄດ້ລົງຂ່າວ, ບົດສະແດງຄວາມຄັດຄ້ານຕໍ່ການກະທຳເກາະຜິດຂອງ ຈີນ, ດຣ Gerhard Will, ຜູ້ຊ່ຽວຊານກ່ຽວກັບອາຊີຕາເວັນອອກສ່ຽງໃຕ້ສັງກັດສະຖາບັນວິທະຍາສາດ ແລະ ການເມືອງ ເຢຍລະມັນ ຊີ້ແຈ້ງວ່າ “ການກະທຳຂອງ ຈີນ ແມ່ນລະເມີດບັນດາຂໍ້ກຳນົດໃນສົນທິສັນຍາສາກົນກ່ຽກັບກົດໝາຍວ່າດ້ວຍທະເລ 1982(UNCLOS) ຢ່າງຈະແຈ້ງ”. ທ່ານ Gerhard Will ຢືນຢັນວ່າການກະທຳຂອງ ຈີນ ບໍ່ແມ່ນແນໃສ່ສຳຫຼວດ ຫຼື ຂຸດຄົ້ນນ້ຳມັນ, ຫາກເພື່ອຮຽກສິດຖະແຫຼງອະທິປະໄຕທີ່ບໍ່ມີຫຼັກຖານສຳລັບເຂດທະເລຂອງ ຫວຽດນາມ, ສະແດງນະໂຍບາຍນຳໃຊ້ກຳລັງແຮງຂອງຕົນຜ່ານການກະທຳຕ່າງໆຄືຢືດຄອງໝູ່ເກາະ, ເພີ່ມທະວີການເຄື່ອນໄຫວດ້ານການທະຫານ….
ໃນວັນດຽວກັນ, ໜັງສືພິມ ອີຢິບ ກໍ່ອອກສຽງຕຳນິຕິຕຽນເລື່ອງ ຈີນ ລະເມີດອະທິປະໄຕຂອງ ຫວຽດນາມ ຢູ່ທະເລຕາເວັນອອກ. ໜ້າເວັບພາສາ ອາຫຼັບ ຂອງຊ່ອງໂທລະພາບ Aljazeera, ກໍ່ໃຫ້ຂ່າວກ່ຽວກັບຄວາມເຄັ່ງຕຶງພວມເພີ່ມຂຶ້ນຢູ່ທະເລຕາເວັນອອກພາຍຫຼັງຈີນຕັ້ງຮ້ານເຈາະນຳ້ມັນ ໄຮຢາງ 981. ແຫຼ່ງຂ່າວຖືວ່າເລື່ອງຕັ້ງຮ້ານເຈາະນ້ຳມັນຂອງ ຈີນ ແມ່ນການກະທຳເກາະຜິດ, ບໍ່ມີຜົນປະໂຫຍດໃຫ້ແກ່ຄວາມສະຫງົບຢູ່ພາກພື້ນ, ພ້ອມທັງຮຽກຮ້ອງໃຫ້ທຸກຝ່າຍລະງັບໃຈ.