ໝາກຜົນການຢ້ຽມຢາມ ແລະ ເຮັດວຽກຂອງອົງມົງກຸດລາຊະກຸມມານແບນຊິກ
ມີສັນຍາ ແລະ ຂໍ້ຕົກລົງ 37 ສະບັບ
ໄດ້ຮັບການລົງນາມ
(ພາບ: gdt.gov.vn)
|
(vovworld) – ຕອນເຊົ້າວັນທີ 17/3, ຢູ່ນະຄອນໂຮ່ຈີມິນ, ສະຖານທູດແບນຊິກປະຈຳຫວຽດນາມ ແລະ ສະຖານກົງສູນໃຫຍ່ ແບນຊິກປະຈຳນະຄອນ ໄດ້ຈັດຕັ້ງການປະຊຸມຂ່າວ ປະກາດບັນດາໝາກຜົນທີ່ບັນລຸໄດ້ພາຍຫຼັງການຢ້ຽມຢາມ ແລະ ເຮັດວຽກຂອງອົງມົງກຸດລາຊະກຸມມານແບນຊິກແລະ ຄະນະການຄ້າຂັ້ນສູງຢູ່ຫວຽດນາມແຕ່ວັນທີ 11 -16/3 ຢ່າງເປັນທາງການ. ມີສັນຍາ ແລະ ຂໍ້ຕົກລົງ 37 ສະບັບໄດ້ຮັບການລົງນາມຢູ່ນະຄອນຫຼວງຮ່າໂນ້ຍ ແລະ ນະຄອນ ໂຮ່ຈີມິນ. ໃນນັ້ນ, ມີ ສັນຍາຮ່ວມມືລະດັບຊາດ 4 ສະບັບໃນບັນດາຂົງເຂດຄື: ຫຼີກລ້ຽງເກັບພາສີຊ້ອນ, ການເງິນແຫ່ງລັດ, ໜູນຊ່ວຍດ້ານການເງິນໃຫ້ແກ່ລັດຖະບານຫວຽດນາມໃນການຊື້ດາວທຽມນ້ອຍຈາກ ແບນຊິກ, ແລະການຮ່ວມມືວິທະຍາສາດໃນຂົງເຂດເທັກໂນໂລຢີອາວະກາດ. ມີຂໍ້ຕົກລົງສະບັບໜຶ່ງໃນການພົວພັນຄູ່ຮ່ວມມືພາກລັດ - ເອກະຊົນຢູ່ຂົງເຂດຂຸດລອກ ແລະ ພັດທະນາທ່າກ່ຳປັນ. ຄຽງຂ້າງນັ້ນ, ຍັງມີບັນດາສັນຍາການຄ້າລະຫວ່າງບັນດາບໍລິສັດຂອງແບນຊິກ ແລະ ຫວຽດນາມ ໃນຂົງເຂດ: ກໍ່ສ້າງໂຮງໝໍແຫ່ງໜຶ່ງ, ພັດທະນາພື້ນຖານໂຄງລ່າງທ່າກ່ຳປັນ ແລະ ໂຄງການຮ່ວມມືມະຫາວິທະຍາໄລ... ທີ່ການປະຊຸມຂ່າວ, ທ່ານ Bruno Angelet, ເອກອັກຄະລັດຖະທູດລາຊາອະນາຈັກ ແບນຊິກ ປະຈຳຫວຽດນາມ ເນັ້ນໜັກວ່າ: ບັນດາສັນຍາ ແລະ ຂໍ້ຕົກລົງໄດ້ຮັບການລົງນາມສະແດງໃຫ້ເຫັນຄຳໝັ້ນສັນຍາຢ່າງແຂງແຮງ ເພື່ອແນໃສ່ຊຸກຍູ້ ແລະ ເພີ່ມທະວີສາຍພົວພັນຮ່ວມມືໃກ້ສິຊິດສະໜິດສະໜົມລະຫວ່າງຫວຽດນາມ ແລະ ແບນຊິກໃນອະນາຄົດກ່ວາອີກ.