ປະຊາຊົນຝະລັ່ງ ໄປປ່ອນບັດເລືອກຕັ້ງ
(ພາບ:vnexpress.net)
( vovworld )- ພັກສັງຄົມ ແລະ ບັນດາພັກຝ່າຍພັນທະມິດຂອງປະທານາທິບໍດີຝະລັ່ງ Francois Holllande ຫາກໍ່ຍາດໄດ້ໄຊຊະນະໃນຮອບທີ 1 ຂອງການເລືອກຕັ້ງສະພາແຫ່ງຊາດຈັດຂຶ້ນເມື່ອວັນທີ 10/6 ທີ່ຜ່ານມາ. ແຕ່ເຖິງຢ່າງໃດກໍ່ຕາມ, ອັດຕາສ່ວນຜູ້ມີສິດເລືອກຕັ້ງບໍ່ໄປປ່ອນບັດສູງ ຊື່ງເຮັດໃຫ້ຜູ້ຄົນທັງຫຼາຍຍາກທີ່ຈະຄາດຄະເນໝາກຜົນການເລືອກຕັ້ງຮອບທີ 2 ໄດ້. ອັດຕາສ່ວນບັດສະໜັບສະໜູນພັກສັງຄົມ ໄດ້ຜ່ອນຄາຍຄວາມວິຕົກກັງວົນສ່ວນໃດສ່ວນ 1 ກ່ຽວກັບເລື່ອງທີ່ຝ່າຍ ຂອງປະທານາທິບໍດີ ຈະບໍ່ມີສິດອຳນາດໃນສະພາແຫ່ງຊາດ. ແຕ່ເຖິງຢ່າງໃດກໍ່ຕາມ, ຜູ້ມີສິດເລືອກຕັ້ງຝະລັ່ງ ກໍ່ຈະບໍ່ໃຫ້ປະທານາທິບໍດີຄົນໃໝ່ມີສິດຕັດສິນວຽກງານທັງໝົດ. ໄປຝືນກັບຄວາມມຸ້ງຫວັງ, ແນວໂຮມຝ່າຍຊ້າຍບໍ່ບັນລຸໄດ້ໝາກຜົນສູງໃນການເລືອກຕັ້ງຄັ້ງນີ້. ອັດຕາສ່ວນຜູ້ໄປປ່ອນບັດເລືອກຕັ້ງບໍ່ຫຼາຍ ພ້ອມດ້ວຍໝາກຜົນການເລືອກຕັ້ງສະພາແຫ່ງຊາດຝະລັ່ງ ຮອບທີ 1 ໄດ້ສະແດງໃຫ້ເຫັນວ່າ ສະພາບການໃນຕໍ່ໜ້າ ຍາກທີ່ຈະຄາດຄະເນໄດ້, ທຸກໆກໍລະນີອາດຈະເກີດຂຶ້ນໄດ້. ທ່ານນາຍົກລັດຖະມົນຕີ Jean Marc Ayrault ໄດ້ຮຽກຮ້ອງໃຫ້ຜູ້ມີສິດເລືອກຕັ້ງໄປປ່ອນບັດໃນຮອບທີ 2 ໃນວັນທີ 17/6 ທີ່ຈະມາເຖິງ.