ເຮືອນຖືກກໍ່ດ້ວຍເຄື່ອງປັ້ນດິນເຜົາແດງ

    ລຸງ ບວຍ ປີນີ້ມີອາຍຸ 60 ປີປາຍແລ້ວ, ລຸງໄດ້ກຳເນີດຂຶ້ນຢູ່ບ້ານ ກ໊າຍແກ໋ ຕາແສງ ໝີ້ເຟືອກ ເມືອງ ມາງທິດ. ເຮືອນທີ່ເຮັດດ້ວຍເຄື່ອງປັ້ນດິນເຜົ່າແດງທັງໝົດໄດ້ປະຕິບັດນັບແຕ່ປີ 2005 ກໍ່ແມ່ນຫຼັກຖານຢັ້ງຢືນເລືອງບວຍ ໄດ້ຟື້ນຟູໝູ່ບ້ານເຮັດເຄື່ອງປັ້ນດິນເຜົາແດງ ຫວິງລອງຢູ່ແຄມແມ່ນ້ຳ ໂກ໋ຈຽນ. ລຸງ ບວຍເວົ້າວ່າ:

      “ເຮົາໄດ້ເຕີບໃຫຍ່ຂຶ້ນຢູ່ບ້ານປະກອບອາຊີບເຮັດເຄື່ອງປັ້ນດິນເຜົາເຄືອບ ຫວິງລອງ, ໃນນັ້ນກໍ່ເຫັນວ່າ ດິນເຜົາຢູ່ເຂດນີ້ກໍ່ສາມາດສ້າງບັນດາຜະລິດຕະພັນທີ່ມີສິດຜູກຂາດ ເຊິ່ງຢູ່ແຫ່ງອື່ນບໍ່ສາມາດເຮັດໄດ້. ຈາກນັ້ນເຮົາກໍ່ມີຄວາມຄິດກໍ່ສ້າງເຮືອນເຮັດດ້ວຍເຄື່ອງປັ້ນດິນເຜົາທັງໝົດ, ເພື່ອຮັກສາວິນຍານໃຫ້ແກ່ດິນແດນແຫ່ງນີ້. ເຮືອນຫຼັງນີ້ໄດ້ຄົງຕົວຜ່ານ 200 ປີ ຈາກນັ້ນກໍ່ໄດ້ຖ່າຍທອດໃຫ້ລູກຫຼານຮູ້ຈັກວ່າ ເຮືອນຫຼັງນີ້ຖືກປຸກສ້າງຢູ່ດິນແດນປະກອບອາຊີບເຄື່ອງປັ້ນດິນເຜົາຢູ່ ຫວິງລອງ”.

    ເຮືອນຫຼັງນີ້ຖືກອົງການສະຖີຕິ ຫວຽດນາມ - ຫວຽດກິງ ຢັ້ງຢືນແມ່ນເຮືອນເຮັດດ້ວຍເຄື່ອງປັ້ນດິນເຜົາແດງ ຫວິງລອງ ໃຫຍ່ກວ່າໝູ່ຢູ່ ຫວຽດນາມ. ສະເພາະລະບົບເສົາຄານຖືກເຮັດດ້ວຍແຫຼ່ງບັນດານໃຈຈາກລວດລາຍຢູ່ໜ້າຄ້ອງບັ້ງ ດົງເຊີນ. ມາຢ້ຽມຊົມເຮືອນປະເພນີຂອງລຸງ ບວຍ, ນາງ ແກວັກຕວຽດຮວາ ແຂກທ່ອງທ່ຽວມາຈາກແຂວງ ນິງບິງ ກໍ່ສະແດງຄວາມນິຍົມນັບຖືກຕໍ່ຄວາມເກັ່ງກ້າສາມາດຂອງເຈົ້າຂອງເຮືອນ. ນາງ ຮວາ ກ່າວວ່າ:

      “ເປັນຄັ້ງທຳອິດທີ່ຂ້າພະເຈົ້າໄດ້ມາຢ້ຽມຊົມເຮືອນຫຼັງນີ້, ໄດ້ຍິນວ່າ  ວັດສະດຸກໍ່ສ້າງດ້ວຍເຄື່ອງປັ້ນດິນເຜົາທັງໝົດເພື່ອກໍ່ສ້າງເຮືອນຫຼັງນີ້ ກໍ່ລ້ວນແຕ່ໂດຍແມ່ນເຈົ້າຂອງເຮືອນຜະລິດເອງ. ຂ້າພະເຈົ້າມີຄວາມປະທັບໃຈທີ່ສຸດຕໍ່ຄວາມເກັ່ງກ້າສາມາດຂອງລຸງ ບວຍ”.

     ພ້ອມກັບເຮືອນບູຮານ, ລຸງ ບວຍ ພວມໃຫ້ກໍ່ສ້າງເຂດວາງສະແດງຜະລິດຕະພັນ, ເຄື່ອງມື້ຮັບໃຊ້ການຜະລິດດິນຈີ່ ເຄື່ອງປັ້ນດິນເຜົາຢູ່ບ້ານ ກ໊າຍແກ໋ ຕາແສງ ຫວິງເຟືອກ ເມືອງ ມາງທິດ. ແຂກທ່ອທ່ຽວມານີ້ອາດຈະຄົ້ນຫາອາຊີບເຮັດເຄື່ອງປັ້ນດິນເຜົາແຕ່ປາງກ່ອນ. ໃນຂະນະທີີ່ມີຮາກຖານເຄື່ອງປັ້ນດິນເຜົາສິລະປະກຳຫຼາຍແຫ່ງທີ່ມີມານັບ 100 ປີໃນແຂວງ ຫວິງລອງ ໄດ້ປິດປະຕູຢຸດເຄື່ອນໄຫວນັ້ນ, ຮາກຖານຜະລິດເຄື່ອງປັ້ນດິນເຜົາຢູ່ບ້ານ ກ໊າຍແກ໋ຕາແສງ ຫວິງເຟືອກ ເມືອງ ມາງທິດ ຂອງລຸງ ບວຍ ຍັງຄົງເຄື່ອນໄຫວຜະລິດເຄື່ອງປັ້ນດິນເຜົາ 20 ຢ່າງຮັບໃຊ້ການກໍ່ສ້າງ ຄື ເສົາ, ຄານ, ໂຖດອກໄມ້, ດິນຈີ່, ດິນຂໍ… ລຸງ ບວຍ ກໍ່ຍັງກໍ່ສ້າງເຮືອນສອງຫຼັງທີ່ເຮັດດ້ວຍເຄື່ອງປັ້ນດິນເຜົາແດງໃຫ້ລູກຄ້າໃນແຂວງ ຈ໋າວິງ . ພ້ອມກັນນັ້ນລຸງກໍ່ສະໜອງ ເສົາ, ຄານ ເຮັດດ້ວຍເຄື່ອງປັ້ນດິນເຜົາໃຫ້ແກ່ບັນດາເຮືອນວິນລາໃນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ທ່ານ ຟານວັນເຢົາ ຫົວໜ້າພະແນກວັດທະນະທຳ ກິລາ ແລະ ທ່ອງທ່ຽວ ແຂວງ ຫວິງລອງ ໃຫ້ຮູ້ວ່າ:

      “ມີແຂກທ່ອງທ່ຽວຫຼາຍຄະນະໄດ້ມາຢ້ຽມຊົມເຮືອນເຮັດດ້ວຍເຄື່ອງປັ້ນດິນເຜົາແດງຂອງລຸງ ບວຍ ເຂົາເຈົ້າກໍ່ມີຄວາມຕົກສະເງິ ແລະ ປະທັບໃຈທີ່ສຸດ. ຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຍັງບໍ່ທັນມີແຫ່ງໃດສາມາດຜະລິດເຄື່ອງປັ້ນດິນເຜົາແດງ ເພື່ອປຸກສ້າງເຮືອນ, ເຄື່ອງປັ້ນດິນເຜົາແດງສາມາດຮັກສາສີຢ່າງທົນທານ ດັ່ງນັ້ນກໍ່ສາມາດສ້າງຄວາມງາມເປັນເອກະລັກສະເພາະໃຫ້ແກ່ແຂວງ ຫວິງລອງ”.

       ຄວາມສຸມຈິດສຸມໃຈຂອງລຸງ ບວຍ ແມ່ນເຮັດເຄື່ອງປັ້ນດິນເຜົາໃຊ້ໃນເຮືອນ. ລຸງໄດ້ສ້າງລະບົບທ່ອງທ່ຽວ “ໝູ່ບ້ານເຮັດເຄື່ອງປັ້ນດິນເຜົາລຸງ ບວຍ” ຄາດວ່າຈະເປີດເຄື່ອນໄຫວໃນປີ 2025 ເພື່ອຕອບສະໜອງຕາມຄວາມຮັກເຄື່ອງປັ້ນດິນເຜົາແດງ. ລຸງ ບວຍ ໃຫ້ຮູ້ຕື່ມອີກວ່າ :

     “ຢູ່ເຂດຜະລິດເຄື່ອງປັ້ນດິນເຜົາ ຫວິງລອງ ໄດ້ຜ່ານສີ່ລຸ້ນຄົນແລ້ວ. ແຕ່ໃນປັດຈຸບັນວັດສະດຸກໍ່ຄ່ອຍໆໝົດໄປ ດັ່ງນັ້ນເຮົາກໍ່ຫັນໄປສູ່ທິດອື່ນ. ຂ້າພະເຈົ້າຫວັງວ່າ ຈະເຮັດຜະລິດຕະພັນຫຼາຍທົບສິບເທົ່າ ແລະ ເຮືອນເຮັດດ້ວຍເຄື່ອງປັ້ນດິນເຜົາ ແມ່ນຜະລິດຕະພັນທີ່ຂ້າພະເຈົ້າໄດ້ຝັກໄຝ່ມາແຕ່ດົນແລ້ວ”.

        ອາຊີບເຮັດເຄື່ອງປັ້ນດິນເຜົາໃນແຂວງ ຫວິງລອງ ໄດ້ມີມາແຕ່ຊຸມປີ 1980 ແລະ ມາເຖິງຊຸມປີ 1990 ແມ່ນໄລຍະພັດທະນາຢ່າງຮຸ່ງເຮືອງທີ່ສຸດ. ເຄື່ອງປັ້ນດິນເຜົາສິລະປະກຳໃນແຂວງ ຫວິງລອງ ມີຮູບແບບສິນຄ້ານັບພັນໆຢ່າງທີ່ແຕກຕ່າງກັນ ແລະ ຖືກສົ່ງອອກຂາຍໃຫ້ຫຼາຍປະເທດໃນໂລກ. ມາຮອດປັດຈຸບັນບັນລຸໄດ້ໝາກຜົນດັ່ງກ່າວແມ່ນມີການປະກອບສ່ວນບໍ່ໜ້ວຍຂອງລຸງ ບວຍ ຜູ້ຮັກສາວິຍານເຄື່ອງປັ້ນດິນເຜົາໃນແຂວງ ຫວິງລອງ.