(vovworld)- ທະເລ ແລະ ໝູ່ເກາະ ແມ່ນຫົວເລື່ອງທີ່ບໍ່ມີວັນສິ້ນສຸດເພື່ອໃຫ້ນັກສິລະປິນ,ນັກປະພັນວັນນະຄະດີປະດິດແຕ່ງ. ກໍຄືກັນກັບຊາວຫວຽດນາມ ນັບລ້ານໆຄົນ, ຄວາມຮັກຕໍ່ທະເລ, ໝູ່ເກາະຍາມໃດກໍຝັງເລິກໃຈໃນດວງໃຈຂອງນັກສິລະປິນ, ນັກປະພັນວັນນະຄະດີຫວຽດນາມ ເວົ້າລວມ, ໂດຍສະເພາະແມ່ນບັນດານັກສິລະປິນ, ນັກປະພັນວັນນະຄະດີທີ່ຂຶ້ນກັບສະມາຄົມວັນນະຄະດີ ສິລະປະເຂດທົ່ງພຽງແມ່ນ້ຳຂອງຕອນພາກໃຕ້ຫວຽດນາມເວົ້າສະເພາະ.
ພາບປະກອບ:internet
|
ໃນຊຸມມື້ຕົ້ນປີ 2016, ນັກດົນຕີ ໂດ໋ເລີບ ຂອງແຂວງ ເຫົ້າຢາງ ຫາກໍສຳເລັດການເດີນທາງຈາກພາກເຫນືອລົງຮອດພາກໃຕ້ຫວຽດນາມ ດ້ວຍຈຸດປະສົງເຊື່ອມຕໍ່ຄວາມຮັກຕໍ່ທະເລ, ໝູ່ເກາະຂອງປະຊາຊົນຢູ່ທຸກເຂດແຄ້ວນໃນທົ່ວປະເທດ. ການເດີນທາງດ້ວຍລົດຈັກ ແລະ ໃຊ້ເວລາກວ່າ 1 ປີ ແລະ ຄາດວ່າ ສະສົມໄດ້ 20.000 ລາຍລັກອັກສອນທີ່ສະແດງໃຫ້ເຫັນຄວາມຮັກຕໍ່ທະເລ, ໝູ່ເກາະ. ພາຍຫລັງການເດີນທາງນັ້ນ, ນັກດົນຕີ ໂດ໋ເລີບ ໄດ້ມີປື້ມຄູ່ມື ຈົດເປັນລາຍລັກອັກສອນທີ່ສະແດງໃຫ້ເຫັນຄວາມຮັກຂອງປະຊາຊົນຢູ່ເຂດດິນຕໍ່ແຜ່ນທີ່ມີຕໍ່ທະເລໝູ່ເກາະຂອງບ້ານເກີດເມືອງນອນ.
“ການຕອບສະຫນອງຂອງປະຊາຊົນກໍຄືພວກນ້ອງນັກຮຽນໄດ້ເຮັດໃຫ້ຂ້າພະເຈົ້າມີຄວາມປິຕິຊົມຊື່ນ. ທຸກຄົນຂຽນກ່ຽວກັບປະເທດຊາດ, ປະຊາຊົນ, ຄວາມຮັກຕໍ່ບ້ານເກີດເມືອງນອນ, ຕໍ່ປະເທດຊາດຂອງຕົນແມ່ນຈະແຈ້ງທີ່ສຸດ. ຕົວຢ່າງຄື: ຄວາມຮັກຕໍ່ບ້ານເກີດເມືອງນອນຂອງທະຫານປ້ອມປ້ອງກັນຊາຍແດນ A ba chai ທາງກ້ຳຕາເວັນຕົກຂອງປະເທດຊາດທີ່ໄດ້ສະແດງອອກໃນ ວັນທີ 23/6/2015 ໂດຍມີຂໍ້ຄວາມວ່າ:, ພວກຂ້າພະເຈົ້າ ແມ່ນບັນດາພະນັກງານ, ນັບຮົບພວມປະຕິບັດຫນ້າທີ່ຢູ່ປ້ອມປ້ອງກັນຊາຍແດນ A ba chai ແຂວງ ດ້ຽນບຽນ ຂໍອວຍພອນໃຫ້ບັນດາພະນັກງານ, ນັກຮົບພວມປະຕິບັດຫນ້າທີ່ປົກປັກຮັກສາເຂດທະເລໝູ່ເກາະ ຍາມໃດກໍມີສຸຂະພາບເຂັ້ມແຂງ, ສ້າງຄວາມໄວ້ເນື້ອເຊື່ອໃຈໃຫ້ພັກ, ຕໍ່ປະຊາຊົນຢູ່ເຂດດິນຕໍ່ແຜ່ນ. ທົ່ວປະເທດຫວຽດນາມ ຍາມໃດກໍອວ່າຍຫນ້າຫາພວກອ້າຍ.”
ສະມາຄົມວັນນະຄະດີສິລະປະແຂວງ ກຽນຢາງ ເຄີຍຈັດຕັ້ງບັນດາການເສັງປະດິດແຕ່ງບົດເພງກ່ຽວກັບຫົວເລື່ອງ: “ນັກຮົບປ້ອງກັນຊາຍແດນ ແລະ ປ້ອງກັນເຂດທະເລໝູ່ເກາະ ແຂວງກຽນຢາງ”. ບັນດາການເສັງຄືແນວນັ້ນຍາມໃດກໍສົ່ງເຖິງມະຫາຊົນພາຍໃນແຂວງ ແລະ ໄດ້ຮັບການຕອບສະຫນອງຂອງບັນດານັກປະພັນ ວັນນະຄະດີ, ນັກສິລະປະຂອງແຂວງ. ບັນດາບົດປະພັນເຂົ້າຮ່ວມການເສັງລ້ວນແຕ່ແມ່ນຫົວເລື່ອງຍ້ອງຍໍສັນລະເສີນຮູບພາບນັກຮົບປ້ອງກັນຊາຍແດນ, ມີບົດປະພັນຈຳນວນຫນຶ່ງແມ່ນຍ້ອງຍໍບັນດາເຂດດິນ, ເຂດທະເລໝູ່ເກາະ ຢູ່ກຽນຢາງ ແລະ ເວົ້າເຖິງອາລົມຈິດຄວາມຮັກແພງຂອງປະຊາຊົນຢູ່ແນວຫລັງ, ຄວາມຮັກທີ່ຊື່ສັດຂອງຜູ້ສາວຢູ່ແນວຫລັງທີ່ມີຕໍ່ນັກຮົບຢູ່ເຂດຊາຍແດນ, ເຂດທະເລໝູ່ເກາະທີ່ຫ່າງໄກ. ນັກດົນຕີ ເຢືອງມີງດືກ, ຮອງປະທານປະຈຳສະມາຄົມວັນນະຄະດີສິລະປະແຂວງ ກຽນຢາງ ໃຫ້ຮູ້ວ່າ: ຈາກບັນດາການເສັງຄືດັ່ງກ່າວ, ມີບົດປະພັນຫລາຍບົດມີຄຸນຄ່າໄດ້ຮັບການເລືອກເຟັ້ນເພື່ອເຜີຍແຜ່, ແນະນຳຜ່ານວິທະຍຸ, ໂທລະພາບ, ນຳໃຊ້ໃນບັນດາລາຍການສະແດງສິລະປະ ແລະ ບັນດາພາຫະນະສື່ມວນຊົນອື່ນມາໃຫ້ມະຫາຊົນຢ່າງກວ້າງຂວາງ.
ນັກສິລະປິນ, ນັກປະພັນວັນນະຄະດີແຂວງຕຽນຢາງຢ້ຽມຢາມ ເຈື່ອງຊາ
ພາບ: tuyengiaotiengiang.com
|
“ການເສັງປະດິດແຕ່ງບົດເພງກ່ຽວກັບຫົວເລື່ອງເຂດຊາຍແດນ, ເຂດທະເລໝູ່ເກາະ ແລະ ປ້ອງກັນຊາຍແດນ ໄດ້ຮັບການຕອບສະຫນອງຈາກນັກສິລະປິນ, ນັກປະພັນຢູ່ 64 ແຂວງ, ນະຄອນໃນທົ່ວປະເທດເປັນຈຳນວນຫລວງຫລາຍ. ພວກຂ້າພະເຈົ້າສືບຕໍ່ຈັດຕັ້ງການພິມເປັນປື້ມ ແລະ ພິມຈຳຫນ່າຍເປັນ CD ດ້ວຍຈຸດປະສົງປະກອບສ່ວນປະຕິບັດຫນ້າທີ່ໂຄສະນາເຂດຊາຍແດນ,ເຂດທະເລໝູ່ເກາະ.”
ເພື່ອມີບັນດາບົດປະພັນມີຄຸນນະພາບແລະແທດເໝາະກັບຫົວເລື່ອງ, ສະມາຄົມວັນນະຄະດີສິລະປະແຂວງ ຈາວີງ, ເກີນເທີ ໄດ້ຈັດຕັ້ງການລົງຕົວຈິງເພື່ອໃຫ້ບັນດານັກສິລະປິນໃນແຂວງ ເຫັນປະຈັກຕາກ່ຽວກັບຊີວິດຢູ່ເຂດທະເລໝູ່ເກາະ. ນັກປະພັນວັນນະຄະດີ ຫງວຽນຢູງ, ຮອງປະທານສະມາຄົມວັນນະຄະດີສິລະປະແຂວງ ຈາວີງ ໃຫ້ຮູ້ວ່າ: ພາຍຫລັງການລົງຕົວຈິງ, ການປະດິດແຕ່ງກ່ຽວກັບເຂດທະເລໝູ່ເກາະກໍມີຄວາມຟົດຟື້ນ, ເຊື່ອມຕໍ່ຄວາມຮັກຕໍ່ປະເທດຊາດຂອງທຸກຄົນ. ສຳລັບນັກສິລະປິນແຕ່ລະຄົນຢູ່ເຂດທົ່ງພຽງ, ບັນດາກາລະໂອກາດໄດ້ພົບປະ, ມີຄວາມເຂົ້າໃຈຕື່ມອີກກ່ຽວກັບທະເລໝູ່ເກາະລ້ວນແຕ່ແມ່ນສິ່ງທີ່ລ້ຳຄ່າ, ປຸກລຸກຄວາມຮັກຕໍ່ປະເທດຊາດ, ຕໍ່ບ້ານເກີດເມືອງນອນຂອງປະຊາຊົນຫວຽດນາມແຕ່ລະຄົນ. ຄວາມຮັກນັ້ນແມ່ນສະແດງໃຫ້ເຫັນຜ່ານບັນດາບົດປະພັນ ດ້ວຍຄວາມຫວັງຢາກແບ່ງປັນ, ຢາກທະວີຄູນຢ່າງເລິກເຊິ່ງ, ກວ້າງຂວາງໃນທົ່ວວົງຄະນາຍາດ. ຫວ່າງແລ້ວນີ້ ທີ່ງານວາງສະແດງພາບແຕ້ມນະຄອນເກີນເທີ ແລະ ງານວາງສະແດງພາບຖ່າຍສິລະປະ ແຮກສ່ຽວ 3 ຫົວຫນ່ວຍຄື: ເຈົາດົກຂອງແຂວງ ອານຢາງ, ເກີນເທີ ແລະ ນະຄອນໂຮ່ຈິມີນ ມີບົດປະພັນຫລາຍບົດກ່ຽວກັບຫົວເລື່ອງທະເລ, ໝູ່ເກາະ. ນັກຈິດຕະກອນ ຫງວຽນກູຍຖ້ວນ, ຊື່ງແມ່ນຜູ້ແຕ້ມພາບ “ບັນດາດອກໄມ້ທະເລ” ແບ່ງປັນວ່າ:
“ນີ້ແມ່ນພາບແຕ້ມກ່ຽວກັບບັນດາທະຫານເຮືອຢູ່ເຂດທະເລທີ່ຫ່າງໄກແລະພວມຢູ່ເທິງບັນດາກຳປັ່ນກູ້ໄພກູ້ຊີບ. ຍາມໃດພວກອ້າຍກໍຕັ້ງຫນ້າໃນວຽກງານຝຶກອົບຮົມ, ພ້ອມແລ້ວເພື່ອກູ້ໄພກູ້ເອົາຊີວິດຜູ້ປະສົບເຄາະຮ້າຍ ແລະ ກຽມພ້ອມປົກປັກຮັກສາເຂດນ່ານຟ້າ ເຂດນ່ານທະເລທາງທິດຕາເວັນຕົກຂອງປະເທດຊາດ. ພວກອ້າຍແມ່ນບັນດາດອກໄມ້ທະເລ.”
ປາດຖະຫນາຢາກໄດ້ໄປຫລາຍແຫ່ງກວ່າ, ປະດິດແຕ່ງຫລາຍບົດກວ່າ, ມີຄຸນນະພາບ ແລະ ເລິກເຊິ່ງກວ່າ ເພື່ອເຊື່ອມຕໍ່ຄວາມຮັກຂອງນັກຮົບປ້ອງກັນທະເລໝູ່ເກາະກັບປະຊາຊົນຢູ່ເຂດດິນຕໍ່ແຜ່ນ ນັ້ນແມ່ນແນວຄິດ ແລະ ກຳລັງຫນູນລວມຂອງນັກສິລະປິນ, ນັກປະພັນວັນນະຄະດີເຂດທົ່ງພຽງ ເມື່ອເວົ້າເຖິງເຂດທະເລໝູ່ເກາະ. ຜ່ານແງ່ມູມສັງເກດຂອງນັກສິລະປິນ, ຄວາມຮັກຕໍ່ເຂດທະເລ, ໝູ່ເກາະໄດ້ຮັບການທະວີຄູນ ແລະແຜ່ລາມອອກສູ່ວົງກວ້າງ ປະກອບສ່ວນຍົກສູງສະຕິຄວາມຮັບຮູ້, ຄວາມຮັບຜິດຊອບຂອງພົນລະເມືອງຫວຽດນາມ ແຕ່ລະຄົນທີ່ມີຕໍ່ເຂດທະເລ, ໝູ່ເກາະ, ຊື່ງແມ່ນເຂດນ້ຳແດນດິນທີ່ສັກກະລະບູຊາຂອງປະເທດຊາດ.