(ພິທີສະເຫຼີມສະຫຼອງ 69 ປີ ແຫ່ງວັນສ້າງຕັ້ງ
ວິທະຍຸກະຈາຍສຽງຫວຽດນາມ)
(vovworld) - ໃນໂອກາດສະເຫຼີມສະຫຼອງ 69 ປີ ແຫ່ງວັນສ້າງຕັ້ງວິທະຍຸກະຈາຍສຽງຫວຽດນາມ (7/9/1945-7/9/2014) ຜ່ານມາ, ເປັນຄັ້ງທຳອິດທີ່ນາມມະຍົດປາກກາ ວິທະຍຸກະຈາຍສຽງຫວຽດນາມ (VOV) ຖືກມອບໃຫ້ຜູ້ທີ່ດີເດັ່ນ 10 ຄົນ, ໃນນັ້ນມີອະດີດການນຳຂອງ VOV, 5 ຄົນ ແລະ 5 ຄົນ ແລະ ນັກຂ່າວທີ່ດີເດັ່ນຂອງ VOV ໃນ ປະຈຸບັນ 5 ຄົນນັ້ນແມ່ນນັກຂ່າວ: ເຈິ່ນດັງຄວາ, ອວງງອກເຢົ້າ, ເຈິ່ນເຍິດມິງ, ໂງທ້ຽວຟອງ, ຟ້າມຈຸງຕ໋ວຽນ. ການຍ້ອງຍໍນີ້ໄດ້ຮັບການຮັບຮູ້ຈາກເພື່ອນຮ່ວມອາຊີບ ແລະ ມະຫາຊົນຜ່ານການປະກອບສ່ວນຂອງເຂົາເຈົ້າ, ດ້ວຍບັນດາບົດປະ ພັນໃນພາພາຫະນະສື່ມວນຊົນຫຼາຍຮູບການຂອງ VOV..
ກ່ອນນີ້ປະມານ 15 ປີ, ຂ້າພະເຈົ້າໄດ້ເວົ້າກັບນັກຂ່າວ ຈູຍາກ, ປະທານສະມາຄົມນັກຂ່າວ VOV, ເວລານັ້ນແມ່ນຮອງຫົວໜ້າພະແນກ ວັດທະນະທຳສັງຄົມວ່າ: “VOV ມີນັກຂ່າວໜຸ່ມຂຽນດີ 3 ຄົນລ້ວນແຕ່ຂຶ້ນກັບພະແນກວັດທະນະທຳ - ສັງຄົມໝົດ“, ນັ້ນແມ່ນນັກຂ່າວ ເຈິ່ນເຍິດມິງ, ໂງທ້ຽວຟອງ ແລະ ຟ້າມຈູງຕ໋ວຽນ ເຂົາເຈົ້າລ້ວນແຕ່ສາມາດຂຽນບົດ ແລະ ອ່ານໂດຍກົງທາງວິທະຍຸໄດ້ ແລະ ຮັບຄວາມນິຍົມຈາກຜູ້ຟັງເປັນຈຳນວນຫຼວງຫຼາຍ. ຜູ້ໃດກໍ່ມີທ່າແຮງສະເພາະ ແລະ ວິທີຂຽນກໍ່ແຕກຕ່າງກັນ. ໃນຕະຫຼອດໄລຍະເຮັດວຽກຢູ່ VOV, ນັກຂ່າວທັງສາມໄດ້ນຳເອົາ ບັນດາຂ່າວ, ບົດກ່ຽວກັບຊີວິດສັງຄົມເຖິງຜູ້ຟັງ, ຜູ້ອ່ານ ແລະ ຜູ້ຊົມຂອງ VOV ຜ່ານລາຍການທີ່ເຂົາເຈົ້າຮັບຜິດຊອບຕາມສີສັນສະເພາະຂອງຕົນ.
ເຈິ່ນເຍິດມິງ, ດ້ວຍບັນດາບົດບັນທຶກສ່ອງແສງເຖິງຊີວິດທຸກດ້ານໃນລາຍການ: “ເວທີປາໄສບັນດາບັນຫາສັງຄົມ“.
(ນັກຂ່າວ ເຈິ່ນເຍິດມິງ)
“ໃນບັນດາບົດຂຽນຂອງຕົນ: ຍາມໃດຂ້າພະເຈົ້າກໍ່ເອົາໃຈໃສ່ຂຸດຄົ້ນແຕ່ລະປັດໃຈ ວັດທະນະທຳ ທີ່ພົ້ນເດັ່ນຢ່າງລະອຽດ, ມີຊີວິດຊີວາ ເພື່ອໃຫ້ບົດຂຽນຂອງຕົນເລິກເຊິ່ງກວ່າ“.
(ນັກຂ່າວ ໂງທ້ຽວຟອງ)
ສ່ວຍ ໂງທ້ຽວຟອງ, ດ້ວຍບັນດາບົດຮຽນລົງເລິກໃນຂົງເຂດ “ສຶກສາບໍລຸງສ້າງ“
“ເມື່ອຂຽນບົດກ່ຽວກັບບັນຫາໃດໜຶ່ງຂ້າພະເຈົ້າກໍ່ຊອກຮູ້ຢ່າງລະອຽດ ແລະ ເຖິງຖອງ, ຫາກບໍ່ເຮັດແບບເມີນເສີຍ. ຂ້າພະເຈົ້າຄິດວ່າເປັນນັກຂ່າວແມ່ນຕ້ອງສັງເກດບັນຫາໃນຫຼາຍແງ່ມຸມທີ່ແຕກຕ່າງກັນ, ຫາກບໍ່ພຽງແຕ່ສ່ອງແສງບັນດາສິ່ງທີ່ເຂົາເຈົ້າໄດ້ເວົ້າໃຫ້ຕົນຟັງ“.
(ນັກຂ່າວ ຟ້າມຈຸງຕ໋ວຽນ)
ຟ້າມຈຸງຕ໋ວຽນ ດ້ວຍບັນດາບົດສາລະຄະດີກ່ຽວກັບສະຖານະການໃນທົ່ວປະເທດ:
“ສຳລັບຂ້າພະເຈົ້າ, ອາຊີບເປັນນັກຂ່າວແມ່ນຈັບອົກຈັບໃຈຫຼາຍ, ເພາະວ່າຂ້າພະເຈົ້າຢາກເລົ່າເລື່ອງຕ່າງໆໃນຊີວິດທີ່ຕົນເອງໄດ້ເຫັນປະຈັກຕາ ດ້ວຍວິທີຂຽນຄືແນວໃດເຮັດໃຫ້ຜູ້ຟັງ. ຜູ້ອ່ານ ແລະ ຜູ້ຊົມຮູ້ສຶກສະອອນໃຈທີ່ສຸດ. ນັ້ນກໍ່ແມ່ນແນວຄິດຂອງຂ້າພະເຈົ້າເມື່ອໄປຊອກຮູ້ ແລະ ຂຽນກ່ຽວກັບບັນຫາໃດໜຶ່ງ“.
ສາມຄົນ, ສາມແບບຂຽນ, ສາມສີສັນທີ່ແຕກຕ່າງກັນ, ແຕ່ເຂົາເຈົ້າລ້ວນແຕ່ມີຊື່ສຽງໃນວົງການນັກຂ່າວ, ກໍ່ຄືຜູ້ຟັງ VOV ເປັນຈຳນວນຫຼວງຫຼາຍ.
ພ້ອມກັບການພັດທະນາຂອງ VOV ຕາມທິດເປັນອົງການສື່ມວນຊົນທີ່ປະກອບດ້ວຍຫຼາຍຮູບການ, ປາກກາ VOV ທັງສາມຄົນນີ້ກໍ່ນັບມື້ນັບເຕີບໃຫຍ່ ແລະ ພວມຮັບໜ້າທີ່ວຽກງານທີ່ແຕກຕ່າງກັນ: ປະຈຸບັນ, ເຈິ່ນເຍິດມິງແມ່ນຮອງຜູ້ອຳນວຍການລະບົບວັດທະນະທຳ - ຊີວິດ - ວິທະຍາສາດສຶກສາ, ໂງທ້ຽວຟອງແມ່ນຮອງຜູ້ອຳນວຍການ VOV ປະຈຳເຂດທົ່ງພຽງແມ່ນຳ້ຂອງ, ຟ້າມຈູງຕ໋ວຽນ ແມ່ນຮອງຜູ້ອຳນວຍການຊ່ອງໂທລະພາບສະພາແຫ່ງຊາດຫວຽດນາມຂອງ VOV. ນັກຂ່າວທັງສາມຄົນນີ້ມີຈຸດທີ່ຄ້າຍຄືກັນນັ້ນແມ່ນຍາມໃດກໍ່ມີຫົວຄິດປະດິດສ້າງ, ນຳມາເຊິ່ງຜູ້ຟັງ, ຜູ້ອ່ານ ແລະ ຜູ້ຊົມບັນດາຜະລິດຕະພັນສື່ມວນຊົນທີ່ມີພະລັງແຜ່ຂະຫຍາຍຢ່າງກວ້າງຂວາງໃນທົ່ວສັງຄົມ. ກ່ຽວກັບຄວາມໝາຍຂອງນາມມະຍົດປາກກາ VOV, ນັກຂ່າວ ຈູຍາກ, ປະທານສະມາຄົມນັກຂ່າວ VOV, ໃຫ້ຮູ້ວ່າ:
“ນັບແຕ່ໄດ້ຮັບການສ້າງຕັ້ງຂຶ້ນມາຮອດປະຈຸບັນ, VOV ໄດ້ມີນັກຂ່າວ, ບັນນາທິການຫຼາຍລຸ້ນຄົນ ແລະ ເຂົາເຈົ້າໄດ້ ປະກອບສ່ວນໃຫ້ແກ່ພື້ນຖານສື່ມວນຊົນຫວຽດນາມເວົ້າລວມ. ເພື່ອຍ້ອງຍໍບັນດານັກຂ່າວ VOV ລຸ້ນຕ່າງໆ. ສະມາຄົມນັກຂ່າວໄດ້ສະເໜີມອບລາງວັນປະຈຳປີໃຫ້ບັນດານັກຂ່າວທີ່ດີເດັ່ນ, ຈາກແນວຄວາມຄິດຄືດັ່ງກ່າວ, ສະມາຄົມນັກຂ່າວ VOV ໄດ້ມອບນາມມະຍົດນັກຂ່າວກະຈາຍສຽງທີ່ດີເດັ່ນ, ແລະນາມມະຍົດນີ້ໄດ້ຫັນເປັນນາມມະຍົດນັກຂ່າວທີ່ດີເດ່ັນຂອງ VOV ເພື່ອເຊີດຊູບັນດາຜູ້ທີ່ເຮັດວຽກງານສື່ມວນຊົນໃນທຸກຂົງເຂດຂອງ VOV“.
ຜ່ານ 69 ປີແຫ່ງການສ້າງຕັ້ງ ແລະ ເຕີບໃຫຍ່, VOV ໄດ້ ແລະ ພວມຢືນຢັນທີ່ຕັ້ງຂອງຕົນແມ່ນນຳເອົາສຽງຂອງພັກ, ລັດເຖິງປະຊາຊົນທຸກຄົນ ກໍ່ຄືແນະນຳຮູບພາບຂອງປະເທດຫວຽດນາມສັນຕິພາບ, ຊາວຫວຽດນາມມີຄວາມສະໜິດສະໜົມເຖິງເພື່ອນມິດໃນທົ່ວໂລກ. ຕໍ່ໜ້າຄວາມຮຽກຮ້ອງຕ້ອງການສື່ຂ່າວສັງຄົມທີ່ນັບມື້ນັບສູງນັ້ນ, ບັນດານັກຂ່າວ, ບັນດາປາກກາ VOV ພ້ອມກັບໝູ່ຄະນະນັກເຕັກນິກ, ໂຄສົກ, ນັກສິລະປິນເອງໄດ້ປະກອບສ່ວນສ້າງ ແລະ ຮັກສາອິດທິພົນຊື່ສຽງໃຫ້ແກ່ VOV.