(vovworld)-
ຫວຽດນາມ ມີຫຼາຍນະໂຍບາຍເຊີດຊູຖັນແຖວນັກສິລະປິນ, ໃນນັ້ນມີບັນດານັກສິລະປະການພື້ນເມືອງ. ໃນໄລຍະຈະມາເຖິງ, ເລື່ອງພິຈາລະນານາມມະຍົດ “ນັກສິລະປະການປະຊາຊົນ“ ແລະ “ນັກສິລະປະການດີເດັ່ນ“ ໃນຂົງເຂດມໍລະດົກວັດທະນະທຳບໍ່ມີຮູບຮ່າງຈະໄດ້ຮັບການຍູ້ແຮງ, ແລະ ຈະສືບຕໍ່ ຮັບຮູ້ບັນດາການປະກອບສ່ວນອັນໃຫ່ຍຫຼວງຂອງຖັນແຖວນັກສິລະປະການໃນການອະນຸລັກຮັກສາບັນດາຄຸນຄ່າວັດທະນະທຳພື້ນເມືອງຢູ່ຫວຽດນາມ. ຕໍ່ໄປແມ່ນບົດຂອງນັກຂ່າວເຟືອງຖຸ໋ຍ ດ້ວຍຫົວຂໍ້: ນາມມະຍົກເຊີດຊູບັນດາການປະກອບສ່ວນຂອງນັກສິລະປະການ.
(ພາບ: cinet.gov.vn)
ພາຍຫຼັງໄດ້ຮັບນາມມະຍົດນັກສິລະປິນດີເດັ່ນເມື່ອປີ 2012, ພ້ອມກັບນັກສິລະປະການຂັບກາຈູ່ອື່ນກ່ວາ 10 ຄົນ, ນັກສິລະປິນເລທິແບກເວີນ ໄດ້ຮັບນາມມະຍົດນັກສິລະປະການພື້ນເມືອງ ຈາກສະມາຄົມສິລະປະວັນນະຄະດີພື້ນເມືອງຫວຽດນາມ ຍ້ອນມີການປະກອບສ່ວນຫຼາຍຢ່າງເຂົ້າໃນການອະນຸລັກຮັກສາ ແລະ ເສີມຂະຫຍາຍຄຸນຄ່າສິລະປະຂັບກາຈູ່ໃນກ່ວາ 30 ປີຜ່ານມາ. ສຳລັບນັກສິລະປະການພື້ນເມືອງ ເລທິແບກເວີນ ແລ້ວ, ນີ້ແມ່ນຄວາມເປັນກຽດທີ່ໃຫ່ຍຫຼວງສຸດໃນຊິວິດເຮັດສິລະປະຂອງຕົນ:
“ຂ້າພະເຈົ້າເຫັນວ່າ, ການມອບນາມະນຍົດ, ຮັບຮອງທັງໝົດລ້ວນແຕ່ດີທີ່ສຸດ, ມີຄຸນປະໂຫຍດທີ່ສຸດ. ສຳລັບກາຈູ່ ຕ້ອງເສຍເວລາຫຼາຍເພື່ອຮ່ຳຮຽນ, ເວັ້ນເສຍແຕ່ຜູ້ທີ່ມີຄວາມເກັ່ງກ້າສາມາດທີ່ສຸດ ແຕ່ສຳລັບກາຈູ່ ຜູ້ທີ່ມີຄວາມເກັ່ງກ້າສາມາດແມ່ນຫາຍາກທີ່ສຸດ“.
(ພາບ: vnmusic.com.vn)
ໃນໄລຍະຈະມາເຖິງ, ນັກສິລະປະການພື້ນເມືອງ ເລທິແບກເວີນ ອາດຈະໄດ້ຮັບນາມມະຍົດ ນັກສິລະປະການດີເດັ່ນ ຫຼື ນັກສິລະປະການປະຊາຊົນ ຕາມນະໂຍບາຍພິຈາລະນາມອບນາມມະຍົດ “ນັກສິລະປະການດີເດັ່ນ“ “ນັກສິລະປະການປະຊາຊົນ“ ຫວ່າງແລ້ວນີ້ຂອງລັດຖະບານ. ໃນເວລານັ້ນ, ເພິ່ນຈະມີ 3 ນາມມະ ຍົດພ້ອມກັນຄື: ນັກສິລະປິນດີເດັ່ນ, ນັກສິລະປະການພື້ນເມືອງ, ນັກສິລະປະການປະຊາຊົນ ຫຼື ນັກສິລະປະການດີເດັ່ນ.
ກ່ອນທີ່ມີນະໂຍບາຍພິຈາລະນາມອບນາມມະຍົດ “ນັກສິລະປະການດີເດັ່ນ“ “ນັກສິລະປະການປະຊາຊົນ“ ຂອງລັດຖະບານ, ສະມາຄົມສິລະປະວັນນະຄະດີພື້ນເມືອງຫວຽດນາມ ແມ່ນຫົວໜ່າຍນຳໜ້າໃນການເຊີດຊູບັນດາ ນັກສິລະປະການພື້ນເມືອງ ຊື່ງໄດ້ມອບນາມມະນຍົດ ນັກສິລະປະການພື້ນເມືອງໃຫ້ແກ່ 300 ຄົນດ້ວຍບັນມາດຖານຄື: ກຳແໜ້ນມໍລະດົກພື້ນເມືອງ, ຮັບໃຊ້ປະຊາຄົມດ້ວຍການແນະນຳແລະ ສອນມໍລະດົກໃຫ້ແກ່ນັກຮຽນ. ສາດສະດາຈານໂຕງອກແທງ, ປະທານສະມາຄົມສິລະປະວັນນະຄະດີພື້ນເມືອງຫວຽດນາມ ໃຫ້ຮູ້ວ່າ: ສະມາຄົມສິລະປະວັນນະຄະດີພື້ນເມືອງຫວຽດນາມ ມີສາຂາຢູ່ບັນດາແຂວງ, ນະຄອນທີ່ມີມໍລະດົກ, ສະນັ້ນ, ສະມາຊິກສະມາຄົມຢູ່ນັ້ນກໍ່ຮູ້ແຈ້ງວ່າ, ຜູ້ໃດສົມກັບນາມະຍົດນັກສິລະປະການພື້ນເມືອງ. ແລ້ວສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວ, ອຳນາດການປົກຄອງທ້ອງຖິ່ນຈັດການປະຊຸມຢູ່ບ່ອນນັກສິລະປະການດຳລົງຊີວິດເພື່ອຮັບເອົາຄຳເຫັນ,ເຮັດສຳເນົາເອກະສານຮັບຮອງໃຫ້ແກ່ນັກສິລະປະການ:
“ນັກສິລະປະການແມ່ນຜູ້ມີຄວາມເກັ່ງກ້າສາມາດຂອງປະເທດຊາດ, ແມ່ນປັນຍາຊົນຂອງຍຸກສະໄໝ. ພວກເຮົາເຄີຍເວົ້າວ່າ: ຜູ້ມີຄວາມເກັ່ງກ້າສາມາດທັງແມ່ນຄວາມຫວັງ, ທັງແມ່ນພະລັງຊີວິດຂອງຊາດ. ດັ່ງນັ້ນພວກເຮົາຕ້ອງເຊີດຊູແລະເຮັດສຳເນົາຮັບຮອງນາມມະຍົດນັກສິລະປະການໃຫ້ແກ່ເຂົາເຈົ້າ“.
ໃນການມອບນາມມະຍົດ “ນັກສິລະປະການດີເດັ່ນ“ “ນັກສິລະປະການປະຊາຊົນ“, ສິ່ງທີ່ສຳຄັນທີ່ສຸດຍັງຄົງແມ່ນການຮັບຮູ້ຂອງປະຊາຄົມ ແລະ ການຕີລາຄາຂອງບັນ ດາຜູ້ຊ່ຽວຊານໃນແຕ່ລະຂົງເຂດແຕກຕ່າງກັນ. ສຳລັບບັນດານັກສິລະປະການ ແລ້ວ, ຄວາມສຸກໃຫ່ຍທີ່ສຸດແມ່ນໄດ້ເຄື່ອນໄຫວ, ນຳເອົາຄວາມຮູ້, ປະສົບການ ຂອງຕົນຮັບໃຊ້ໃຫ້ແກ່ປະຊາຄົມ. ຄຽງຄູ່ກັບການເຊີດຊູ ແລະ ບຸລິມະສິດທີ່ເໝາະ ສົມສຳລັບບັນດານັກສິລະປະການແລ້ວ, ບັນດານັກສິລະປະການຍັງຕ້ອງການໄດ້ຮັບການໜູນຊ່ວຍຫຼາຍກ່ວາອີກໃນວິວັດການອະນຸລັກຮັກສາ,ສິດສອນບັນດາຄຸນຄ່າວັດທະນະທຳບໍ່ມີຮູບຮ່າງໃຫ້ແກ່ລຸ້ນຫຼັງ. ນັກຄົ້ນຄ້ວາວັດທະນະທຳບຸ່ຍຈ້ອງຮ່ຽນ ໃຫ້ຮູ້ວ່າ:
“ບັນດາຄຸນຄ່າວັດທະນະທຳນັ້ນບໍ່ເຄີຍໄດ້ຮັບເຜີຍແຜ່, ພຽງແຕ່ຖືກຮັດແຄບໃນບໍລິເວນສະພາບແວດລ້ອມໃດໜຶ່ງຢ່າງແນ່ນອນເທົ່ານັ້ນ ແລະ ມີໄພຈະຖືກສູນເສຍໄປ ໃນສັງຄົມຍຸກປະຈຸບັນ. ຍ້ອນເຫດນັ້ນ, ບັນດາປະເທດພັດທະນາ, ເຂົາເຈົ້າມີນະໂຍບາຍຮັກສາທັງຄູອາຈານ ແລະ ຜູ້ຮຽນ. ໝາຍຄວາມວ່າ: ບັນດານັກສິລະປະການທີ່ມີອາຍຸສູງ ແລະ ນັກສິລະປະການໜຸ່ມສາມາດອຸ່ນອຽນໃຈເພື່ອດຳລົງຊີວິດ ແລະ ປົກປັກຮັກສາມໍລະດົກນັ້ນໃຫ້ແກ່ປະເທດຊາດຊາດ“.
ຕາມນະໂຍບາຍໃໝ່ຂອງລັດຖະບານ, ບັນດານາມມະຍົດ “ນັກສິລະປະການດີເດັ່ນ“ “ນັກສິລະປະການປະຊາຊົນ“ ຈະຖືກມອບໃຫ້ບັນດານັກສິລະປະການທີ່ຂຶ້ນກັບຮູບແບບຄື: ສຽງເວົ້າ, ຕົວໜັງສື, ວັນນະຄະດີພື້ນເມືອງ; ສິລະປະສະແດງພື້ນເມືອງ; ປະເພນີສັງຄົມ ແລະ ການເຫຼື້ອມໃສ; ງານບຸນທີ່ເປັນມູນເຊື້ອ; ພູມປັນຍາພື້ນເມືອງ….ບັນດານັກສິລະປະການດີເດັ່ນ, ນັກສິລະປະການປະຊາຊົນຈະໄດ້ຮັບກາໝາຍ, ໜັງສືຢັ້ງຢືນຂອງປະທານປະເທດ ແລະ ເງິນຕິດພ້ອມນາມມະຍົດ “ນັກສິລະປະການດີເດັ່ນ“ ຫຼື “ນັກສິລະປະການປະຊາຊົນ“ ຕາມຂໍ້ກຳນົດຂອງກົດໝາຍກ່ຽວກັບການແຂ່ງຂັນຍ້ອງຍໍ. ບັນດານັກສິລະປະການດີເດັ່ນ, ນັກສິລະປະການປະຊາຊົນມີລາຍຮັບຕ່ຳ, ປະສົບກັບຄວາມຫຍຸ້ງຍາກຈະໄດ້ຊົມໃຊ້ເງິນອຸດໜູນປະຈຳເດືອນຕາມຂໍ້ກຳນົດຂອງລັດຖະບານ. ນີ້ແມ່ນການເຊີດຊູການປະກອບສ່ວນບໍ່ແມ່ນໜ້ອຍຂອງບັນດານັກສິລະປະການໃນພາລະກິດອະນຸລັກຮັກສາວັດທະນະທຳພື້ນເມືອງ./.