ປະຈຸບັນ, ຫວຽດນາມມີ 17ມໍລະດົກໂລກຊຶ່ງໄດ້ຮັບການຮັບຮອງຈາກອົງການ UNESCO, ໃນນັ້ນ, ມີ 2 ມໍລະດົກທຳມະຊາດ, 5 ມໍລະດົກວັດທະນະທຳ, 1 ມໍລະດົກປະສົມ ແລະ ບັນດາມໍລະດົກວັດທະນະທຳບໍ່ມີຮູບຮ່າງ, ມໍລະດົກເອກະສານ. ສິ່ງນີ້ບໍ່ພຽງແຕ່ໄດ້ສະແດງໃຫ້ເຫັນປະເທດຫວຽດນາມທີ່ສວຍສົດງົດງາມ, ມີທິວທັດທຳມະຊາດທີ່ອຸດົມສົມບູນກ່ຽວກັບສີສັນວັດທະນະທຳຂອງຊາດເທົ່ານັ້ນ, ຫາກຍັງແມ່ນສະຖານທີ່ທ່ອງທ່ຽວດຶງດູດແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດມາທ່ອງທ່ຽວເປັນຈຳນວນຫຼວງຫຼາຍອີກດ້ວຍ.
ອ່າວຫ້າລອງ |
17 ປະຊະນີຍະສະຖານ ແລະ ປະເພດສິລະປະຂອງຫວຽດນາມໄດ້ຮັບການຮັບຮອງຈາກອົງການ UNESCO ວ່າແມ່ນມໍລະດົກວັດທະນະທຳມີຮູບຮ່າງ ແລະ ມໍລະດົກວັດທະນະທຳບໍ່ມີຮູບຮ່າງຂອງມວນມະນຸດ ແມ່ນຖືກຕັ້ງຢູ່ລຽບຕາມລວງຍາວຂອງປະເທດຊາດ. 8 ມໍລະດົກວັດທະນະທຳມີຮູບຮ່າງຄື : ກຸ່ມປູຊະນີຍະສະຖານກຸ່ງເກົ່າເຫ້ວ ໄດ້ຮັບການຮັບຮອງຈາກອົງການ UNESCO ແມ່ນມໍລະດົກວັດທະນະທຳໂລກເມື່ອປີ 1993. ອ່າວຫ້າລອງໄດ້ຮັບການຮັບຮອງ 2 ເທື່ອ. ເທື່ອທີ 1 ແມ່ນມໍລະດົກວັດທະນະທຳໂລກເມື່ອປີ 1994. ເທື່ອທີ 2 ແມ່ນມໍລະດົກທໍລະນີໂລກເມື່ອປີ 2000. ຄຸ້ມເມືອງເກົ່າໂຫ້ຍອານໄດ້ຮັບການຮັບຮອງຈາກອົງການ UNESCO ແມ່ນມໍລະດົກວັດທະນະທຳໂລກເມື່ອປີ 1999. ເຂດປູຊະນີຍະສະຖານ ມີ້ເຊີນ ໄດ້ຮັບການຮັບຮອງຈາກອົງການ UNESCO ແມ່ນມໍລະດົກວັດທະນະທຳໂລກເມື່ອປີ 1999. ເຂດປ່າສະຫງວນ ຟອງຍາແກບາງໄດ້ຮັບການຮັບຮອງແມ່ນ ມໍລະດົກທຳມະຊາດໂລກເມື່ອປີ 2003. ເຂດປູຊະນີຍະສະຖານພະລາດຊະວັງທັງລອງ ໄດ້ຮັບການຮັບຮອງແມ່ນ ມໍລະດົກວັດທະນະທຳໂລກເມື່ອປີ 2010 . ສະເພາະກຸ່ມທັດສະນີຍະພາບ ຈາງອານ ໄດ້ຮັບການຮັບຮອງແມ່ນ ມໍລະດົກທຳມະຊາດໂລກ ແລະ ມໍລະດົກວັດທະນະທຳໂລກເມື່ອປີ 2014. ທ່ານນາງດັ້ງທິບິກລຽນ ລັດຖະມົນຕີຊ່ວຍວ່າການກະຊວງວັດທະນະທຳ ກິລາ ແລະ ທ່ອງທ່ຽວຫວຽດນາມໃຫ້ຮູ້ວ່າ :
“ ບັນດາຜູ້ຊ່ຽວຊານໄດ້ຕີລາຄາດ້ວຍ 25 ບົດໜັງສືພິມທີ່ລົງພິມໃນບັນດາວາລະສານທີ່ມີຊື່ສຽງໃນໂລກ ໂດຍຢືນຢັນຄຸນຄ່າທາງດ້ານວັດທະນະທຳຂອງຫວຽດນາມ. ພ້ອມກັບຄຸນຄ່າທາງດ້ານວັດທະນະທຳ, ບັນດາຜູ້ຊ່ຽວຊານໄດ້ຕີລາຄາ ກຸ່ມທັດສະນີຍະພາບ ຈາງອານ ແມ່ນໜຶ່ງໃນບັນດາກຸ່ມທັດສະນີຍະພາບທີ່ລື່ຊື່ໃນໂລກປະຈຸບັນ ທັງມີຄຸນຄ່າທາງດ້ານວັດທະນະທຳ, ທັງມີຄຸນຄ່າທຳມະຊາດ. 2 ອົງການໃຫ້ຄຳປຶກສາຂອງ UNESCO ກໍໄດ້ຕີລາຄາສູງທີີ່ສຸດ ແລະ ຖືວ່າ ກຸ່ມທັດສະນີຍະພາບ ຈາງອານ ແມ່ນໜຶ່ງໃນບັນດາທັດສະນີຍະພາບທີ່ສວຍງາມກວ່າໝູ່ຢູ່ອາຊີຕາເວັນອອກສ່ຽງໃຕ້ ”
ເຂດປ່າສະຫງວນ ຟອງຍາແກບາງ |
ສ່ວນ 9 ມໍລະດົກວັດທະນະທຳບໍ່ມີຮູບຮ່າງຢູ່ຫວຽດນາມ ແມ່ນມີຫຼາຍຮູບຫຼາຍສີທີ່ສຸດ. ດົນຕີໃນພະລາດຊະວັງເຫ້ວ ໄດ້ຮັບການຮັບຮອງແມ່ນ ມໍລະດົກວັດທະນະທຳໂລກບໍ່ມີຮູບຮ່າງທຳອິດຂອງຫວຽດນາມເມື່ອປີ 2003. ນີ້ແມ່ນປະເພດດົນຕີທີ່ມີລັກສະນະດີເລີດຂອງບັນດາສະໄໝລາດຊະວົງລາຊທິປະໄຕໃນສັງຄົມຫວຽດນາມຕະຫຼອດກວ່າ 10 ສະຕະວັດ. ວັດທະນະທຳຄ້ອງໄຕງວຽນ ໄດ້ຮັບການຮັບຮອງແມ່ນ ມໍລະດົກວັດທະນະທຳໂລກບໍ່ມີຮູບຮ່າງເມື່ອປີ 2005. ຂັບກວານເຫາະບັກນິງ ແມ່ນ ໄດ້ຮັບການຕີລາຄາສູງຈາກອົງການ UNESCO ກ່ຽວກັບຄຸນຄ່າວັດທະນະທຳ, ພິເສດແມ່ນປະເພນີສັງຄົມ, ສິລະປະການສະແດງ, ການປະພຶດວັດທະນະທຳ, ການນຸ່ງຖື… ແລະ ກໍໃນປີ 2009 ຂັບກາຈູກໍ ໄດ້ຮັບການຮັບຮອງແມ່ນ ມໍລະດົກວັດທະນະທຳໂລກບໍ່ມີຮູບຮ່າງ ແລະ ສືບທອດກັນມາຂອງມວນມະນຸດຄວນໄດ້ຮັບການຮັກສາດ່ວນ. ປີ 2011, ງານບຸນຢ້ອງຢູ່ຟູ່ດົງ ແລະ ວິຫານຊອ໋ກ, ຂັບຊວານຂອງແຂວງຟູ້ເຖາະ ໄດ້ຮັບການຮັບຮອງແມ່ນ ມໍລະດົກວັດທະນະທຳໂລກບໍ່ມີຮູບຮ່າງ ຄວນໄດ້ຮັບການຮັກສາດ່ວນ. ການເຫຼື້ອມໃສບູຊາເຈົ້າຊີວິດຮຸ່ງໄດ້ຮັບການຮັບຮອງແມ່ນ ມໍລະດົກວັດທະນະທຳໂລກບໍ່ມີຮູບຮ່າງເມື່ອປີ 2012. ສິລະປະສະແດງເດີນກາຕາຍຕືເຂດພາກໃຕ້ໄດ້ຮັບການຮັບຮອງແມ່ນ ມໍລະດົກວັດທະນະທຳໂລກບໍ່ມີຮູບຮ່າງເມື່ອປີ 2013 ແລະ ຮອດທ້າຍປີ 2014, ອົງການ UNESCO ໄດ້ເຊີດຊູສິລະປະຂັບ ຫວີຢ້ຳ ເງະຕິ້ງ ໄດ້ຮັບການຮັບຮອງແມ່ນ ມໍລະດົກວັດທະນະທຳບໍ່ມີຮູບຮ່າງ ເປັນຕົວແທນຂອງມວນມະນຸດ. ທ່ານສາດສະດາຈານ , ດຣ ຫງວຽນຈີ້ເບັນ ໃຫ້ຮູ້ວ່າ :
“ ຄຸນຄ່າແມ່ນພະລັງຊີວິດຂອງມໍລະດົກ, ມັນປະກົດຢູ່ທຸກແຫ່ງ, ທຸກເວລາ, ໃນສະພາວະຕ່າງໆ, ຈາກສຽງຂັບກອມລູກຕະຫຼອດຮອດການຫາປາບົນລຳແມ່ນ້ຳ. ສິ່ງທີ່ເປັນເອກະລັກສະເພາະ ແມ່ນຂັບ ຫວີຢ້ຳ ຕິດພັນກັບພາສາສຳນຽງເງະຕິ້ງ. ນີ້ກໍແມ່ນຈຸດເປັນເອກະລັກສະເພາະເພື່ອເຮັດໃຫ້ ຂັບ ຫວີຢ້ຳ ຍືນຍົງຄົງຕົວໃນວົງຄະນະຍາດ ແຕ່ພັດກໍແມ່ນຈຸດອ່ອນ, ຍາກທີ່ຈະເຜີຍແຜ່ປະເພດສິລະປະນີ້ໃນວົງກວ້າງ. ສຳລັບບັນດາມາດຕະຖານທີ່ອົງການ UNESCO ເຊີດຊູ ແລະ ຮັບຮອງແມ່ນມໍລະດົກວັດທະນະທຳບໍ່ມີຮູບຮ່າງ ເປັນຕົວແທນຂອງມວນມະນຸດນັ້ນ, ຂັບ ຫວີຢ້ຳ ກໍມີບັນດາຄຸນຄ່າສາມາດຕອບສະໜອງຕາມມາດຕະຖານເຫຼົ່ານັ້ນ”
ນອກຈາກນັ້ນ, ຢູ່ຫວຽດນາມຍັງມີ 3 ມໍລະດົກເອກະສານ. ແມ່ພິມສະໄໝລາດຊະວົງ ຫງວຽນ ແມ່ນ ມໍລະດົກເອກະສານໂລກທຳອິດຢູ່ຫວຽດນາມ ໄດ້ຮັບການຮັບຮອງຈາກອົງການ UNESCO ເມື່ອປີ 2009. ດ້ວຍບັນດາຄຸນຄ່າວັດທະນະທຳ ແລະ ປະຫວັດສາດພິເສດ, ໃນປີ 2010, ແຜ່ນສີລາ 82 ແຜ່ນຊຶ່ງໄດ້ຄວັດຊື່ບັນດາຜູ້ເສັງໄດ້ລະດັບປະລິນຍາເອກໃນສະໄໝລາດຊະວົງ ເລ - ໝາກ (1442-1779) ຢູ່ວັນມ້ຽວກ໋ວກຕືຢ້າມ-ມະຫາວິທະຍາໄລແຫ່ງທຳອິດຂອງຫວຽດນາມ ໄດ້ຮັບການຮັບຮອງຈາກອົງການ UNESCO ແມ່ນ ມໍລະດົກເອກະສານໂລກ. ວັດວິ້ງງຽມ ຊຶ່ງແມ່ນສູນກາງສາສະໜາພູດໃຫຍ່ທີ່ສຸດໃນສະໄໝລາດຊະວົງເຈີນ ເປັນບ່ອນມີບັນດາເອກະສານພາສາຫວຽດເດີມ ໄດ້ຮັບການຮັບຮອງຈາກອົງການ UNESCO ແມ່ນ ມໍລະດົກເອກະສານໂລກເມື່ອປີ 2012