ໃນຕະຫຼອດຊຸມປີແຫ່ງການຕໍ່ສູ້ຕ້ານຈັກກະພັດອາເມລິກາກູ້ຊາດຂອງຊາດຫວຽດນາມນັ້ນ, ມີຫຼາຍບົດເພງປະຕິວັດໄດ້ຮັບການປະພັນ. ໃນນັ້ນ, ຕ້ອງເຕື້ອງເຖິງບົດເພງ “ ລຸງໂຮ່ໃນມື້ມະຫາໄຊ” ຂອງນັກດົນຕີ ຝ້າມຕວຽນ. ນັກດົນຕີຝ້າມຕວຽນ ໄດ້ປະພັນບົດເພງນີ້ເມື່ອວັນທີ 28/4/1975, ກ່ອນທີ່ພາກໃຕ້ໄດ້ຮັບການປົດປ່ອຍພຽງ 2 ວັນ. ບົດເພງນີ້ດ້ວຍທຳນອງທີ່ເອກອ້າງທະນົງໃຈ, ເຕັມໄປດ້ວຍອາລົມຈິດຄວາມຮັກແພງທີ່ສັກກະຫຼະບູຊາທີ່ສະຫງວຽນໃຫ້ແກ່ປະທານໂຮ່ຈິມິນ ພ້ອມທັງມີລັກສະນະຄາດຄະເນສຳລັບຂອງທັງຊາດຫວຽດນາມ.
ນັກດົນຕີ ຝ້າມຕວຽນ |
ບົດເພງ“ ລຸງໂຮ່ໃນມື້ມະຫາໄຊ” ແມ່ນບົດເພງທີ່ປະຊາຊົນໃນທົ່ວປະເທດຫວຽດນາມຮູ້ຈັກເຖິງ ຂະນະທີ່ຖືກອອກອາກາດພ້ອມກັບຂ່າວປົດປ່ອຍນະຄອນໄຊງ່ອນເມື່ອຕອນບ່າຍວັນທີ 30/4/1975 ຜ່ານຄື້ນຂອງວິທະຍຸກະຈາຍສຽງຫວຽດນາມ. ນັກສິລະປີນປະຊາຊົນ ຈູຖີກີງ ຊຶ່ງແມ່ນຜູ້ໄດ້ນຳສຽງເພງ, ວາດຟ້ອນໄປຮັບໃຊ້ກອງທັບປົດປ່ອຍໃນຕະຫຼອດເສັ້ນທາງຈາກເໜືອລົງຮອດໃຕ້ໃນຄາວນັ້ນ ໄດ້ແບ່ງປັນວ່າ : ບົດເພງ“ ລຸງໂຮ່ໃນມື້ມະຫາໄຊ” ປຽບເໝືອນນ້ຳໃຈ, ແມ່ນຄວາມຄາດຫວັງທີ່ມີມາແຕ່ດົນນານຂອງນາງ. ນັກສິລະປີນປະຊາຊົນ ຈູຖີກີງ ໃຫ້ຮູ້ວ່າ :
“ ສຳລັບທຳນອງເພງ : “ ລຸງໂຮ່ໃນມື້ມະຫາໄຊ”, ທຸກໆຄົນຈາກຊາວຫວຽດນາມຫຼືເພື່ອນມິດສາກົນ ໃຜໆກໍຂັບຮ້ອງ, ໃຜໆກໍຕົບມື ແລະໃຜໆກໍສາມາດຈັບມືກັນຟ້ອນລຳຕໍ່ໜ້າໄຊຊະນະ. ແລະ ບໍ່ມີຍາມໃດທີ່ພວກເຮົາຄິດວ່າ ປະທານໂຮ່ຈິມິນຂອງພວກເຮົາໄດ້ລ່ວງລັບໄປ, ເວລາໃດຮູບພາບຂອງລຸງໂຮ່ກໍຢູ່ຄຽງຂ້າງພວກເຮົາ ເພື່ອຮັບຕ້ອນໄຊຊະນະ ແລະ ລະດົມກຳລັງໃຈໃຫ້ພວກເຮົາກ້າວຂຶ້ນ ”
ຕອນຄ່ຳວັນທີ 28/4, ເມື່ອໄດ້ຟັງວິທະຍຸກະຈາຍສຽງຫວຽດນາມອອກຂ່າວ ສະໜາມບິນ ເຕີນເຊີນເຍິດ ຖືກຖິ້ມລະເບີດ, ນັກດົນຕີ ຝ້າມຕວຽນ ຄິດໄດ້ເລີຍເຖິງວັນມະຫາໄຊຂອງທັງຊາດຫວຽດນາມ. ທ່ານແບ່ງປັນວ່າ : ຄາວນັ້ນ ເມື່ອຄິດເຖິງຄຳເວົ້າຂອງປະທານໂຮ່ຈິມິນທີ່ວ່າ : “ເພື່ອເອກະລາດ, ເພື່ອອິດສະຫຼະພາບ, ຕ້ອງຕີໃຫ້ອາເມລິກາຖອຍໄປ, ຕີໃຫ້ພວກຫຸ່ນໄຊງ່ອນພັງທະລາຍລົງ, ນັກຮົບ, ພໍ່ແມ່ພີ່ນ້ອງຮ່ວມຊາດຈົ່ງກ້າວຂຶ້ນ, 2 ພາກເໜືອ-ໃຕ້ຖືກໂຮມເຂົ້າກັນ, ບໍ່ມີລະດູບານໃໝ່ປີໃດຈະມ່ວນຊື່ນກວ່າ ” , ນັກດົນຕີ ຝ້າມຕວຽນ ກໍຄິດເລີຍວ່າ ເວລານີ້ ທົ່ວທັງປະເທດຈະເບີກບານມ່ວນຊື່ນ ແລະ ຄິດເຖິງປະທານໂຮ່ຈິມິນ, ດັ່ງນັ້ນທ່ານໄດ້ປະພັນເພງ “ ລຸງໂຮ່ໃນມື້ມະຫາໄຊ” ພາຍໃນເວລາພຽງ 2 ຊົ່ວໂມງຄືແຕ່ເວລາ 21ໂມງ 30 ນາທີ ຫາ 23 ໂມງ 30 ນາທີ. ນັກດົນຕີ ຝ້າມຕວຽນ ເວົ້າວ່າ :
“ ຕອນທຽ່ງວັນທີ 30/4, ການນຳວິທະຍຸກະຈາຍສຽງຫວຽດນາມໄດ້ໂທລະສັບຫາຂ້າພະເຈົ້າເພື່ອແຈ້ງໃຫ້ຮູ້ຂ່າວໄຊຊະນະ ແລະ ເຊີນຂ້າພະເຈົ້າໄປສຳນັກງານ ວິທະຍຸກະຈາຍສຽງຫວຽດນາມຢູ່ຖະໜົນ ກວານສື ເພື່ອແລກປ່ຽນວຽກງານຈະໃຫ້ອອກອາກາດລາຍການດົນຕີຄືແນວໃດ. ຂ້າພະເຈົ້າໄດ້ແນະນຳເພງ “ ລຸງໂຮ່ໃນມື້ມະຫາໄຊ” . ແລະ ໄດ້ຮັບຄວາມເຫັນດີຈາກການນຳວິທະຍຸກະຈາຍສຽງຫວຽດນາມໃຫ້ອອກອາກາດບົດເພງນີ້ພ້ອມກັບຂ່າວໄຊຊະນະ ”
ບົດເພງ “ ລຸງໂຮ່ໃນມື້ມະຫາໄຊ” ໄດ້ຖືກອັດສຽງໃນຕອນບ່າຍວັນທີ 30/4/1975, ພາຍຫຼັງທີ່ ວິທະຍຸກະຈາຍສຽງຫວຽດນາມປະກາດ ໄຊຊະນະຂອງ ການຕໍ່ສູ້ຕ້ານຈັກກະພັດອາເມລິກາກູ້ຊາດ. ບົດເພງ “ ລຸງໂຮ່ໃນມື້ມະຫາໄຊ” ໄດ້ດັງກ້ອງກັງວານຂຶ້ນດ້ວຍຄວາມເອກອ້າງທະນົງໃຈຂອງທົ່ວທັງຊາດ. ບົດເພງນີ້ ໄດ້ຮັບຄວາມນິຍົມຊົມຊອບຈາກປະຊາຊົນທຸກຊັ້ນວັນນະ. ນັກຂ່າວ ເຈີນມາຍແຫ້ງ ອະດີດຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ເວົ້າວ່າ :
“ ບົດເພງນີ້ຂອງ ນັກດົນຕີ ຝ້າມຕວຽນ ໄດ້ຖືກອອກອາກາດພ້ອມກັບບົດສະຖານະການກ່ຽວກັບໄຊຊະນະວັນທີ 30/4 ຂອງຂ້າພະເຈົ້າໃນຕອນບ່າຍຂອງວັນດຽວກັນ. ພ້ອມກັບບົດຂຽນນີ້ຂອງຂ້າພະເຈົ້າທີ່ລົງພິມໃນໜັງສືພິມເຍີນເຢີນສະບັບອອກວັນທີ 1/5/1975 ນັ້ນ ກໍແມ່ນບົດດົນຕີຂອງ ນັກດົນຕີ ຝ້າມຕວຽນ. ເມື່ອບົດສະຖານະການຖືກອອກອາກາດທາງວິທະຍຸກະຈາຍສຽງຫວຽດນາມ , ຂ້າພະເຈົ້າໄດ້ຫຼັ່ງນ້ຳຕາໃນທ່າມກາງຂະບວນຄົນຟົດຟື້ນມ່ວນຊື່ນເມື່ອຕອນທຽງວັນທີ 1/5/1975, ຊຶ່ງແມ່ນວັນກຳມະກອນສາກົນທຳອິດເມື່ອໄຊງ່ອນໄດ້ຮັບການປົດປ່ອຍ” .
ນັກດົນຕີ ຝ້າມຕວຽນ ໄດ້ແບ່ງປັນວ່າ : ບັນດາຄຳປະໂຫຍກ, ທຳນອງຂອງບົດເພງ “ ລຸງໂຮ່ໃນມື້ມະຫາໄຊ” ຄືໄດ້ມີມາແລ້ວໃນສະໝອງຂອງທ່ານ. ທ່ານຂຽນບົດເພງນີ້ ໂດຍບໍ່ຕ້ອງໃຊ້ຄວາມຄິດຫຍັງເລີຍ. ນັກດົນຕີ ຝ້າມຕວຽນ ເວົ້າຕໍ່ໄປວ່າ :
“ ເມື່ອຟັງບົດເພງນີ້, ຮູ້ສຶກວ່າ ບົດເພງນີ້ໄດ້ມີມາແລ້ວ, ຖ້າວ່າເຮົາບໍ່ປະພັນ ກໍຈະມີຜູ້ອື່ນປະພັນ. ມີນັກຂ່າວຫຼາຍຄົນໄດ້ຖາມຂ້າພະເຈົ້າ ແລະ ຂ້າພະເຈົ້າໄດ້ຕອບວ່າ ນີ້ແມ່ນນ້ຳໃຈຂອງຂ້າພະເຈົ້າ. ນ້ຳໃຈຂອງຂ້າພະເຈົ້າແມ່ນອາລົມຈິດຄວາມຮັກແພງຂອງປະຊາຊົນໃນຄາວນັ້ນ, ໃນສົງຄາມທີ່ຫຼາຍຟ້າຫຼາຍປີຈຶ່ງໄດ້ມີວັນນີ້. ແລະ ເມື່ອມື້ມະຫາໄຊໄດ້ມາຮອດ, ຊາວຫວຽດນາມຕ່າງກໍຕື້ນຕັນໃຈທັງປວງ. ຂ້າພະເຈົ້າຄິດວ່າ : ພະລັງຊີວິດຂອງບົດເພງນີ້ ແມ່ນເລີ່ມມາຈາກນ້ຳໃຈຂອງຕົນ ແລະ ຄວາມຮັກແພງຂອງທຸກໆຄົນ”.
ປີນີ້ ນັກດົນຕີ ຝ້າມຕວຽນມີອາຍຸກວ່າ 80 ປີ, ທ່ານໄດ້ປະພັນເພງຫຼາຍບົດ, ແຕ່ສຳລັບບົດເພງ “ ລຸງໂຮ່ໃນມື້ມະຫາໄຊ” ຍາມໃດກໍຍັງຄົງມີຈຸດຢືນຕ່າງຫາກໃນພື້ນຖານດົນຕີຫວຽດນາມ. ພ້ອມກັບການເວລາ, ທຳນອງຂອງບົດເພງ “ ລຸງໂຮ່ໃນມື້ມະຫາໄຊ” ຍັງຄົງໃໝ່ອຽ່ມ ແລະ ໄດ້ກາຍເປັນສັນຍາລັກທີ່ຍືນຍົງຄົງຕົວໃນດວງໃຈຂອງຊາວຫວຽດນາມແຕ່ລະຄົນ.