(vovworld) – ວັນມໍລະດົກວັດທະນະທຳຫວຽດນາມ ຫາກໍ່ດຳເນີນຢູ່ຮ່າໂນ້ຍ. ໃນນັ້ນມີເຫດການເປີດສະຫຼອງທາດຈຳ ຢູ່ບ້ານວັດທະນະທຳບັນດາເຜົ່າຫວຽດນາມ. ເປັນຄັ້ງທຳອິດທີ່ຊາວຮ່າໂນ້ຍ ໄດ້ເຫັນກິດຈະກຳທີ່ເປັນສັນຍາລັກຂອງຊາວເຜົ່າຈຳ. ພິເສດແມ່ນໄດ້ເຂົ້າຮ່ວມງານບຸນເປີດປະຕູທາດຈຳທີ່ສັກສິດຂອງ ຊາວຈຳຢູ່ໃນນະຄອນຮ່າໂນ້ຍ. ພິທີເປີດສະຫຼອງທາດຈຳ, ບໍ່ພຽງແຕ່ແມ່ນໂອກາດເພື່ອໂຄສະນາ, ແນະນຳມູນເຊື້ອວັດທະນະທຳອັນດີງາມຂອງເຜົ່າຈຳເທົ່ານັ້ນ, ຫາກຍັງແມ່ນໂອກາດເພື່ອພົບປະແລກປ່ຽນ, ເພີ່ມຄວາມສາມັກຄີໃນປະຊາຄົມບັນດາເຜົ່າຫວຽດນາມອີກດ້ວຍ.
ທາດຈຳຢູ່ຮ່າໂນ້ຍ
(ພາບອິນເຕີແນດ)
ໃນຊຸມປີມໍ່ໆມານີ້, ບ້ານວັດທະນະທຳບັນດາເຜົ່າຫວຽດນາມ ຢູ່ ດົ່ງໂມ - ເຊີນໄຕ, ຮ່າໂນ້ຍ ໄດ້ກາຍເປັນໜຶ່ງໃນບັນດາສະຖານທີ່ເຕົ້າໂຮມຂອງພໍ່ແມ່ປະຊາຊົນ ທີ່ມາຈາກທຸກທ້ອງຖີ່ນຂອງທົ່ວປະເທດ. ພິເສດແມ່ນປະຊາຊົນບັນດາເຜົ່າເມື່ອມີໂອກາດມາຢ້ຽມຢາມນະ ຄອນຫຼວງ. ເຂດໝູ່ບ້ານບັນດາເຜົ່າຢູ່ທີ່ນີ້ ໄດ້ວາດພາບໃຫ້ເຫັນສະພາບແວດລ້ອມ, ໂຄງປະກອບໝູ່ບ້ານຂອງບັນດາເຜົ່າຫວຽດນາມ, ດ້ວຍບັນດາເຮືອນທີ່ເປັນມູນເຊື້ອຂອງເຜົ່າຕ່າງໆຄື: ເຜົ່າຜູ້ໄທ, ໄຕ, ນຸ່ງ, ບານາ, ເອເດ… ກໍ່ຄືຊີວິດທາງດ້ານຈິດໃຈ, ວັດທະນະທຳທີ່ເປັນເອກະລັກສະເພາະຂອງປະຊາຊົນບັນດາເຜົ່າ. ນີ້ແມ່ນຄວາມມານນະພະຍາຍາມຂອງກະຊວງວັດທະນະທຳກິລາ ແລະ ທ່ອງທ່ຽວ, ຄະນະຄຸ້ມຄອງໝູ່ບ້ານວັດທະນະທຳບັນດາເຜົ່າຫວຽດນາມໃນການໂຄສະ ນາ, ແນະນຳວັດທະນະທຳພິເສດສະເພາະ ແລະ ຄວາມສາມັກຄີລະຫວ່າງ 54 ເຜົ່າຢູ່ຫວຽດນາມ. ພາຍຫຼັງ 4 ປີ ແຫ່ງການກໍ່ສ້າງ, ທາດຈຳ ໄດ້ຮັບການກໍ່ສ້າງສຳເລັດ ແລະ ເປີດສະຫຼອງ. ທາດຖືກກໍ່ສ້າງຕາມແບບສະຖາປັດຕະຍາກຳຂອງເຜົ່າຈຳ. ທ່ານ ສືວັນງອກ, ນັກຄົ້ນຄ້ວາວັດທະນະທຳເຜົ່າຈຳ, ຖືວ່າ:
“ທາດໄດ້ຮັບການກໍ່ສ້າງເທິງໂນນພູສູງຕາມແບບສະຖາປັດຕະຍະກຳຂອງ ເຜົ່າຈຳ, ສິ່ງດັ່ງກ່າວໄດ້ຕອບສະໜອງການເຫຼື້ອມໃສຂອງຊາວເຜົ່າຈຳ, ນັບທັງດ້ານທີ່ຕັ້ງກໍ່ສ້າງ ກໍ່ຄືໂຄງປະກອບ. ເພາະວ່າຊາວເຜົ່າຈຳ ເຄີຍກໍ່ສ້າງທາດເທິງໂນນພູ ແລະ ຕັ້ງຢູ່ໄກກັບໝູ່ບ້ານ, ໄກກັບໂລກມະນຸດ. ເພາະສະນັ້ນ, ສະພາບແວດລ້ອມຢູ່ທີ່ນີ້ຈຶ່ງຕອບສະໜອງມາດຖານໃນການເຫຼື້ອມໄສ, ຄວາມເຊື່ອຖືຂອງຊາວເຜົ່າຈຳ.”
ວັດທະນະທຳຂອງເຜົ່າຈຳ
(ພາບອິນເຕີແນດ)
ກິດຈະກຳກໍ່ສ້າງທາດຈຳ ໄດ້ຮັບການປະຕິບັດ ດ້ວຍການເຂົ້າຮ່ວມຂອງບັນດາສິລະປະກອນ, ນັກເຕັກນິກ, ຈິດຕະກອນ, ນັກແກະສະຫຼັກ, ນາຍຊ່າງທີ່ມີສີໄມ້ລາຍມືຊາວເຜົ່າຈຳແຂວງ ນິງທ້ວນ. ດັ່ງນັ້ນ, ທາດຈຳ ຢູ່ທີ່ນີ້ໄດ້ກາຍເປັນຜະລິດຕະພັນສິລະປະຢາງແທ້ຈິ່ງ.
ດ້ວຍພົນລະເມືອງປະມານ 160.000 ຄົນ, ດຳລົງຊີວິດຕົ້ນຕໍ່ຢູ່ທິດໃຕ້ຂອງພາກກາງ ແລະ ພາກໃຕ້, ປະຈຸບັນ, ປະຊາຄົມຊາວເຜົ່າຈຳ ຍັງຄົງຮັກສາວັດທະນະທຳທີ່ເປັນເອກະລັກສະເພາະຂອງຕົນໄວ້ໄດ້. ເຊິ່ງມັນໄດ້ສະແດງອອກຜ່ານສະຖາປັດຕະຍະກຳ, ບັນດາພິທີງານບຸນ, ຕະຫຼອດຮອດຮູບການສິລະປະ. ເລື່ອງກໍ່ສ້າງທາດຈຳໃນໝູ່ບ້ານວັດທະນະທຳບັນດາເຜົ່າຫວຽດນາມ ນັ້ນ ໄດ້ຢືນຢັນໃຫ້ເຫັນຄວາມເອົາໃຈໃສ່ຂອງລັດຫວຽດນາມ ໃນການອະນຸລັກຮັກສາ ແລະ ເສີມຂະຫຍາຍມໍລະດົກວັດທະນະທຳທີ່ເປັນມູນເຊື້ອຂອງປະຊາຄົມບັນ ດາເຜົ່າ. ທ່ານ ເລິມວັນຄາງ, ຮອງຫົວໜ້າຄະນະຄຸ້ມຄອງໝູ່ບ້ານວັດທະນະທຳບັນດາເຜົ່າຫວຽດນາມ, ຖືວ່າ:
“ກິດຈະກຳນີ້ບໍ່ພຽງແຕ່ແມ່ນສະຖານທີ່ວັດທະນະທຳທີ່ພົ້ນເດັ່ນ ຢູ່ ຮ່າໂນ້ຍເທົ່ານັ້ນ, ຫາກຍັງແມ່ນສະຖານທີ່ເຊິ່ງປະຊາຊົນເຜົ່າຈຳຝາກຝັງຈິດໃຈ, ການເຫຼື້ອມໄສຄວາມເຊື່ອຖືຂອງຕົນອີກດ້ວຍ”.
ວັດທະນະທຳຂອງເຜົ່າຈຳ
(ພາບອິນເຕີແນດ)
ທາດຈຳຢູ່ໝູ່ບ້ານວັດທະນະທຳບັນດາເຜົ່າຫວຽດນາມ, ບໍ່ພຽງແຕ່ເຮັດໃຫ້ຊາຍຄາລວມໃນມະຫາຄອບຄົວບັນດາເຜົ່າຫວຽດນາມ ພົ້ນເດັ່ນຂຶ້ນເທົ່ານັ້ນ, ຫາກຍັງແມ່ນສະຖານທີ່ທ່ອງທ່ຽວ, ແຫ່ງວາດພາບບັນດາພິທີງານບຸນຂອງເຜົ່າຈຳຄື: ງານບຸນເປີດປະຕູທາດ, ງານບຸນ ກາເຕ, ແມ່ນແຫ່ງຈັດຕັ້ງງານພົບປະແລກປ່ຽນ, ການສະແດງສິລະປະວັດທະນະທຳ, ງານວາງສະແດງ ແນະນຳກ່ຽວກັບເຄື່ອງດົນຕີ, ຊຸດອາພອນປະຈຳເຜົ່າ, ພ້ອມກັບການເຄື່ອນໄຫວວັດທະນະທຳ, ຮີດຄອງປະເພນີຂອງເຜົ່າຈຳ. ເລື່ອງເປີດສະຫຼອງທາດຈຳ ແລະ ເຊີດຊູວັດທະນະທຳເຜົ່າຈຳ ໃນມື້ມໍລະດົກວັດທະນະທຳຫວຽດນາມນັ້ນ, ກະຊວງວັດທະນະທຳ ກິລາ ແລະ ທ່ອງທ່ຽວຫວຽດນາມ ຢາກແນະນຳເຖິງເພື່ອນມິດສາກົນກ່ຽວກັບວັດທະນະທຳທີ່ມີຫຼາຍ ຮູບຫຼາຍແບບຂອງບັນດາເຜົ່າ ກໍ່ຄືວຽກງານອະນຸລັກຮັກສາສີສັນວັດທະນະທຳຂອງບັນດາເຜົ່າ ສ່ວນໜ້ອຍຢູ່ຫວຽດນາມອີກດ້ວຍ.