ກອງປະຊຸມຄັ້ງປະຖົມມະລຶກຂອງ ສະພາແຫ່ງຊາດຊຸດທີ XV (ພາບ: TTXVN)

ກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV ມີບົດບາດສຳຄັນທີ່ສຸດ, ສ້າງພື້ນຖານໃຫ້ແກ່ການເຄື່ອນໄຫວຂອງ ສະພາແຫ່ງຊາດຊຸດທີ XV. ບັນດາສະມາຊິກເຂົ້າຮ່ວມກອງປະຊຸມ ໄດ້ພິຈາລະນາ, ຕັດສິນຫຼາຍເນື້ອໃນສຳຄັນຄື: ຕັດສິນໂຄງປະກອບການຈັດຕັ້ງ ແລະ ເລືອກຕັ້ງ, ໃຫ້ສັດຕະຍາບັນ ບຸກຄະລາກອນຂັ້ນສູງຂອງກົນຈັກລັດ, ພິຈາລະນາ, ຕັດສິນບັນດາແຜນການ 5 ປີ ຮັບປະກັນລັກສະນະສັງລວມ ແລະ ໃນການພັດທະນາເສດຖະກິດ - ສັງຄົມ ຂອງປະເທດຊາດ...

ບັນດາລັດຖະນະໂຍບາຍຕັດສິນການພັດທະນາຂອງປະເທດຊາດ

ກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV ໄດ້ບູລະນະບຸກຄະລາກອນການນຳຫຼັກແຫຼ່ງຂອງ ລັດ, ພ້ອມທັງບູລະນະບຸກຄະລາກອນຂັ້ນສູງ ເພື່ອປະຕິບັດສຳເລັດທຸກວຽກງານ ບຸກຄະລາກອນຂອງ ອາຍຸການໃໝ່. ນີ້ແມ່ນເນື້ອໃນຈຸດສຸມ ຂອງກອງປະຊຸມ, ມີຄວາມໝາຍສຳຄັນ, ຕັດສິນໂດຍກົງເຖິງຄຸນນະພາບ, ປະສິດທິຜົນໃນການເຄື່ອນໄຫວຂອງກົງຈັກລັດ ໃນທົ່ວອາຍຸການ.

ບັນດາສະມາຊິກສະພາແຫ່ງຊາດ ໄດ້ຮັບຮອງເອົາ, ເລືອກຕັ້ງ ແລະ ໃຫ້ສັດຕະຍາບັນ ຫຼາຍຕຳແໜ່ງ, ໃນນັ້ນມີ: ປະທານປະເທດ, ນາຍົກລັດຖະມົນຕີ, ປະທານສະພາແຫ່ງຊາດ...ເລື່ອງບູລະນະບັນດາຕຳແໜ່ງການນຳຂອງບັນດາອົງການແຫ່ງລັດໃຫ້ສົມບູນແບບ ໂດຍໄວ ໃນກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV ໄດ້ຕອບສະໜອງຄວາມຮຽກຮ້ອງຕ້ອງການໃນການຜັນຂະຫຍາຍປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ. ທ່ານ ຟານທ໊າຍບິ່ງ ສະມາຊິກ ຄະນະສະມາຊິກສະພາແຫ່ງຊາດແຂວງ ກ໋ວາງນາມ ໃຫ້ຮູ້ວ່າ:

 ຂ້າພະເຈົ້າຫວັງວ່າ ໃນອາຍຸການສະພາແຫ່ງຊາດຊຸດທີ XV ນີ້, ດ້ວຍບົດຮຽນ, ປະສົບການທີ່ມີຢູ່ແລ້ວ ແລະ ຄວາມສຸດຈິດສຸດໃຈ, ບັນດາຕຳແໜ່ງທີ່ໄດ້ຮັບການເລືອກຕັ້ງ ຈະຮ່ວມແຮງຮ່ວມໃຈເພື່ອປະຕິບັດສຳເລັດບັນດາພາລະກິດ ເຊິ່ງພັກ, ລັດ ແລະ ປະຊາຊົນ ໄດ້ໄວ້ວາງໃຈ ແລະ ມອບໝາຍ.

ແລະກໍ່ໃນກອງປະຊຸມຄັ້ງນີ້, ສະພາແຫ່ງຊາດ ໄດ້ຮັບຮອງເອົາມະຕິກ່ຽວກັບແຜນການພັດທະນາເສດຖະກິດ ສັງຄົມ ໄລຍະ 5 ປີ 2021 – 2025, ໃນນັ້ນ ໄດ້ກຳນົດດັດຊະນີການເຕີບໂຕໄລ່ສະເລ່ຍໃນໄລຍະ 5 ປີປະມານ 6,5 – 7 %, GDP ໄລ່ສະເລ່ຍຕໍ່ຫົວຄົນມາຮອດປີ 2025 ບັນລຸໄດ້ປະມານ 4.700 – 5000 USD. ສະພາແຫ່ງຊາດ ໄດ້ຕັດສິນເພີ່ມຕື່ມແຫຼ່ງກຳລັງໃຫ້ແກ່ວຽກງານລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ໃນໄລຍະ 5 ປີຈະມາເຖິງ ດ້ວຍການຮັບຮອງເອົາແຜນການລົງທຶນໂຄງການເປົ້າໝາຍແຫ່ງຊາດຫຼຸດຜ່ອນຄວາມທຸກຍາກແບບຍືນຍົງໃນໄລຍະ 2021 – 2025. ສິ່ງນີ້ຈະປະກອບສ່ວນເຂົ້າໃນການຫຼຸດຜ່ອນຄວາມທຸກຍາກຫຼາຍແງ່ມູນ, ກວມລວມ, ຍືນຍົງ, ຮັບປະກັນການໜູນຊ່ວຍສັງຄົມ.

ຮ່ວມເດີນທາງກັບ ລັດຖະບານ, ພ້ອມກັບປະຊາຊົນປ້ອງກັນຕ້ານໂລກລະບາດໂຄວິດ - 19

ເລື່ອງສະພາແຫ່ງຊາດ ຍົກອອກເນື້ອໃນກ່ຽວກັບການເພີ່ມທະວີວຽກງານປ້ອງກັນ, ຕ້ານໂລກລະບາດໂຄວິດ - 19 ເຂົ້າໃນມະຕິຂອງສະພາແຫ່ງຊາດຊຸດທີ XV ກໍ່ຫຼຸດລົງ 3 ມືເຮັດວຽກ ເມື່ອທຽບໃສ່ກັບໂຄງການ ທີ່ໄດ້ຮັບຮອງເອົາໃນໄລຍະຕົ້ນກອງປະຊຸມ ແມ່ນສິ່ງທີ່ບໍ່ເຄີຍມີມາກ່ອນ ໃນການເຄື່ອນໄຫວຂອງ ສະພາແຫ່ງຊາດ ຫວຽດນາມ. ບັນດາຄຳຕັດສິນນີ້ ແນໃສ່ສ້າງເງື່ອນໄຂສະດວກໃຫ້ແກ່ລັດຖະບານ ມີຄວາມເປັນເຈົ້າການກ່ວາ ໃນການປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19, ປົກປ້ອງສຸຂະພາບຂອງປະຊາຊົນ. ທ່ານ ເລຂານຸການໃຫຍ່ ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ ບຸກວັນເກື່ອງ ໃຫ້ຮູ້ວ່າ:

ສະພາແຫ່ງຊາດຕ້ອງເພີ່ມທະວີຄວາມເປັນເຈົ້າການ, ໄຫວພິບ, ຂ້ຽວຂາດ, ເຮັດວຽກ ນອກໂມງລັດຖະການ (ພາຍຫຼັງ 17 ໂມງ ແລະ 11 ໂມງ 30 ນາທີ່ທຸກວັນ), ເຮັດວຽກທັງວັນອາທິດ. ສະເພາະສຳລັບບັນດາອົງການຂອງ ສະພາແຫ່ງຊາດ, ເຮັດວຽກໝົດຄືນ ດ້ວຍທິດນຳທີ່ວ່າ ຫຼຸດລົງເວລາ ແຕ່ບໍ່ກໍ່ຜົນສະທ້ອນຕໍ່ເນື້ອໃນ, ຄຸນນະພາບຂອງກອງປະຊຸມ. ດັ່ງນັ້ນ, ກອງປະຊຸມຄັ້ງປະຖົມມະລຶກ ໄດ້ອັດລົງໄວກ່ວາປົກກະຕິ 3 ວັນ ເມື່ອທຽບໃສ່ກັບບັນດາໂຄງການໄດ້ຮັບການຮັບຮອງເອົາຢູ່ກອງປະຊຸມຈັດກຽມ, ຫຼຸດລົງ 8 ວັນເມື່ອທຽບໃສ່ກັບການຄາດຄະເນ.

ຕາມມະຕິຂອງສະພາແຫ່ງຊາດ, ລັດຖະບານໄດ້ເປັນເຈົ້າການ, ນຳໃຊ້ບັນດາມາດຕະການປ້ອງກັນຕ້ານໂລກລະບາດໂຄວິດ - 19 ຢ່າງມີໄຫວພິບ, ໃນນັ້ນໄດ້ປະກາດໃຊ້ບັນດາຂໍ້ກຳນົດທີ່ຈຳເປັນ ທີ່ຍັງບໍ່ທັນໄດ້ກຳນົດໃນກົດໝາຍ ເພື່ອແກ້ໄຂບັນດາບັນຫາເກີດຂຶ້ນໃໝ່ ຢ່າງທັນການ, ຕອບສະໜອງຕາມຄວາມຮຽກຮ້ອງຕ້ອງການຢ່າງຮີບດ່ວນຂອງ ວຽກງານ ປ້ອງກັນ, ສະກັດກັ້ນໂລກລະບາດໂຄວິດ - 19, ຄືນຳໃຊ້ກົນໄກພິເສດ ໃນການໃຫ້ອະນຸຍາດ, ຊື້ເຄື່ອງ, ຜະລິດຢຸກຢາ, ອຸປະກອນການແພດ, ທາດເຄມີ ແລະ ລົງທຶນພື້ນຖານວັດຖຸ. ນີ້ແມ່ນວິທີການແກ້ໄຂທີ່ບໍ່ເຄີຍມີມາກ່ອນ.

ບັນດາການປັບປຸງດັ່ງກ່າວສະແດງໃຫ້ເຫັນຄວາມໄຫວພິບ ແລະ ການຕັດສິນຢ່າງ ເດັດຂາດ ຂອງ ສະພາແຫ່ງຊາດ, ຕິດແທດກັບຄວາມຮຽກຮ້ອງຂອງຕົວຈິງ, ໄດ້ຮັບການສະໜັບສະໜູນຈາກປະຊາຊົນ. ທ່ານ ຫງວຽນວັນຕຽນ, ອະດີດຮອງຫົວໜ້າກຳມາທິການບັນດາບັນຫາສັງຄົມຂອງ ສະພາແຫ່ງຊາດຖືວ່າ:

 ຂ້າພະເຈົ້າຄິດວ່າ ນີ້ແມ່ນການຕັດສິນທີ່ສະຫຼາດສ່ອງໃສ, ສະແດງໃຫ້ເຫັນການຕັດສິນໃຈຢ່າງເດັດຂາດ, ການສະໜັບສະໜູນຂອງສະພາແຫ່ງຊາດ ຕໍ່ວຽກງານປ້ອງກັນ, ຕ້ານໂລກລະບາດໂຄວິດ - 19. ເຖິງວ່າໃນກອງປະຊຸມຄັ້ງນີ້, ບັນດາລະບຽບການລ້ວນແຕ່ຕ້ອງປະຕິບັດຕາມຂັ້ນຕອນຢ່າງແໜ້ນແຟ້ນ ແຕ່ເລື່ອງສະພາແຫ່ງຊາດໄດ້ສຳເລັດທຸກໆວຽກງານ ສະແດງໃຫ້ເຫັນວ່າ ສະພາແຫ່ງຊາດ ໄດ້ເຮັດວຽກນອກໂມງລັດຖະການຫຼາຍທີ່ສຸດ.

ກອງປະຊຸມຄັ້ງປະຖົມມະລຶກ ຂອງ ສະພາແຫ່ງຊາດ ຊຸດທີ XV ໄດ້ປະຕິບັດສຳເລັດບົດບາດຄວາມຮັບຜິດຊອບ ດ້ວຍບັນດາເນື້ອໃນສຳຄັນຂອງ ທົ່ວອາຍຸການ. ຫຼຸດລົງໂຄງການດຳເນີນງານຂອງກອງປະຊຸມ ແຕ່ບັນດາລັດຖະນະໂຍບາຍໄດ້ຖືກໝູ່ຄະນະສະພາແຫ່ງຊາດ ຮັບຮອງເອົາ ຢູ່ກອງປະຊຸມຄັ້ງນີ້ ໄດ້ສ້າງຂີດໝາຍອັນເລິກເຊິ່ງກ່ຽວກັບສະພາແຫ່ງຊາດທີ່ມີຄວາມສະໜິດຕິດແທດກັບ ປະຊາຊົນ, ເພື່ອປະຊາຊົນ.