ບັນດາກະຊວງ, ຂະແໜງການຂອງລັດຖະບານແອັສປາຍ ກໍໄດ້ຮັບເອົາການບໍລິຫານບັນດາອົງການສຳນັກງານຕ່າງໆໃນອຳນາດການປົກຄອງ Catalonia. ການກະທຳນີ້ ໄດ້ສະແດງໃຫ້ເຫັນຄວາມເດັດດ່ຽວກະທຳຂອງອຳນາດການປົກຄອງສູນກາງແອັສປາຍຕໍ່ໜ້າທ່າອຽງແຍກຕົວອອກຂອງ Catalonia , ໂດຍບໍ່ຫົວຊາຕໍ່ຄວາມເຄັງ່ຕຶງທີ່ອາດຈະເພີ່ມຂຶ້ນໃນຊຸມມື້ທີ່ຈະມາເຖິງ.

ຊາວແອັສປາຍນັບພັນຄົນໄດ້ເຕົ້າໂຮມກັນຢູ່ສະໜາມຫຼວງ Plaza Colon ເພື່ອສະໜັບສະໜູນຄວາມເປັນເອກະພາບຂອງປະເທດຊາດ

        ເລື່ອງລັດຖະສະພາ Catalonia ປ່ອນບັດເມື່ອຕອນບ່າຍວັນທີ 27 ຕຸລາເພື່ອກາຍເປັນປະເທດເອກະລາດພຽງລຳພັງຝ່າຍດຽວນັ້ນ, ເປັນທີ່ຈະແຈ້ງແລ້ວວ່າ ນີ້ແມ່ນການກະທຳທີ່ມີລັກສະນະເກາະຜິດຢ່າງແຂງແຮງຕໍ່ອຳນາດການປົກຄອງສູນກາງ ແອັສປາຍ. ເພາະສະນັ້ນ, ກ່າວຄຳເຫັນພາຍຫຼັງທີ່ຍົກອອກຂໍ້ຕົກລົງຍາດເອົາສິດຄວບຄຸມ Catalonia, ທ່ານນາຍົກລັດຖະມົນຕີ ແອັສປາຍ Mariano Rajoy ຢືນຢັນວ່າ ແອັສປາຍພວມຜ່ານມື້ໜຶ່ງທີ່ໂສກເສົ້າ. ທ່ານເຊື່ອວ່າ ການຮັບຟັງຄຳເຫັນຂອງປະຊາຊົນແມ່ນສິ່ງຈຳເປັນ ເພື່ອເຂົາເຈົ້າສາມາດຕັດສິນອະນາຄົດຂອງຕົນ.

       ຜົນກະທົບທີ່ບໍ່ດີຂະນະທີ່ Catalonia ຖະແຫຼງປະກາດເອກະລາດ

  ເລື່ອງ Catalonia ຖະແຫຼງປະກາດເອກະລາດ ບໍ່ແມ່ນເຈດຈຳນົງຂອງປະຊາຊົນສ່ວນຫຼາຍຢູ່ທີ່ນີ້. 2 ມື້ພາຍຫຼັງທີ່ບັນດາ ສ.ສ.ຊ ເຂດນີ້ ປ່ອນປັດຮັບຮອງເອົາ Catalonia ກາຍເປັນປະເທດເອກະລາດ, ກ່ວາ 1 ລ້ານຄົນໄດ້ເດີນຂະບວນເພື່ອສະໜັບສະໜູນຄວາມເປັນເອກະພາບຂອງປະເທດຊາດ. ສຳລັບບັນດາຜູ້ຄົນເຫຼົ່ານີ້, ສານມີພຽງຢ່າງດຽວວ່າ : Catalonia ແມ່ນແອັສປາຍ, ແອັສປາຍ ແມ່ນCatalonia ແລະ ການສ່ຽງໂລກສໍ້ໂກງກ່ຽວກັບເອກະລາດຂອງເຂດນີ້ຕ້ອງຢຸດຕິລົງ. ຢູ່ນະຄອນຫຼວງ Madrid ,ຊາວແອັສປາຍນັບພັນຄົນໄດ້ເຕົ້າໂຮມກັນຢູ່ສະໜາມຫຼວງ Plaza Colon ເພື່ອສະແດງໃຫ້ເຫັນ ສະໜັບສະໜູນຄວາມເປັນເອກະພາບຂອງປະເທດຊາດ ກໍຄືລັດຖະທຳມະນູນຂອງແອັສປາຍ.

     ໃນຂະນະນັ້ນ, ປະຊາຊົນນັບພັນຄົນສະໜັບສະໜູນຄວາມເປັນເອກະລາດກໍໄດ້ມີໜ້າຢູ່ສະໜາມຫຼວງ  Sant Jaume ຕໍ່ໜ້າສຳນັກງານອຳນາດການປົກຄອງທ້ອງຖິ່ນຢູ່ Barcelona, ຮຽກຮ້ອງໃຫ້ດຳເນີນບັ້ນຕໍ່ສູ້ຢ່າງບໍ່ຜ່ອນສັ້ນຜ່ອນຍາວກັບລັດຖະບານສູນກາງ.

     ໂດຍພິຈາລະນາທາງດ້ານເສດຖະກິດ, ເລື່ອງອົງການນິຕິບັນຍັດເຂດປົກຄອງດ້ວຍຕົນເອງ Catalonia ໄດ້ຖະແຫຼປະກາດເອກະລາດພຽງລຳພັງຝ່າຍດຽວ ໄດ້ກໍ່ຜົນສະທ້ອນທີ່ບໍ່ດີຕໍ່ເສດຖະກິດຂອງເຂດນີ້. ພາຍຫຼັງການລົງປະຊາມະຕິທ່ວງເອົາເອກະລາດນັ້ນ, ມີວິສາຫະກິດເກືອບ 17.00 ແຫ່ງໄດ້ຕົກລົງຍ້າຍສຳນັກງານອອກຈາກເຂດ Catalonia . ບໍລິສັດຕີລາຄາສິນເຊື່ອການເງິນ Fitch ແມ່ນເອົາດັດຊະນີສິນເຊື່ອການເງິນຂອງCatalonia ຢູ່ໃຕ້ການຄວບຄຸມພິເສດ. Fitch ຊີ້ແຈ້ງວ່າ ມີພື້ນຖານຢ່າງໜັກແໜ້ນເພື່ອຢັ້ງຢືນການກະທຳຖະແຫຼງປະກາດເອກະລາດຂອງ Catalonia  ຊຶ່ງຈະກໍ່ໃຫ້ເກີດໂສກນາດຕະກຳທາງດ້ານເສດຖະກິດໃຫ້ແກ່ປະຊາຊົນຢູ່ເຂດນີ້. ສ່ວນທ່ານປະທານອົງການວົງການເຈົ້າຂອງຂອງແອັສປາຍ Juan Rosell ໄດ້ຍອມຮັບ ທ່າອຽງທີ່ນັບມື້ນັບຊົ່ວຮ້າຍໄປ ແລະ ແນ່ນອນຈະກໍ່ຜົນຮ້າຍຢ່ອນຫຼັງທີ່ຮ້າຍແຮງຕໍ່ພື້ນຖານເສດຖະກິດ ແລະ ສັງຄົມ Catalonia.

     ທາງດ້ານສາກົນ, ມາຮອດປະຈຸບັນ, ຍັງບໍ່ທັນມີປະເທດໃດໃນໂລກ ຍອມຮັບເຂດ Catalonia ເອກະລາດ.

     ກະກຽມດຳເນີນການເລືອກຕັ້ງ.

   ການເລືອກຕັ້ງໄດ້ຮັບຖືວ່າ ແມ່ນວິທີການທີ່ດີທີ່ສຸດເພື່ອແກ້ໄຂສະພາບການຢູ່ Cataloniaໃນປະຈຸບັນ. ທ່ານລັດຖະມົນຕີການຕ່າງປະເທດແອັສປາຍ Alfonso Dastis ເຊື່ອໝັ້ນວ່າ ການເລືອກຕັ້ງທ້ອງຖິ່ນຢູ່ Catalonia ຈະສິ້ນສຸດລົງດ້ວຍເລື່ອງເຂດດິນແດນແຫ່ງນີ້ ຍັງຄົງແມ່ນສ່ວນໜຶ່ງຂອງແອັສປາຍຢູ່. ພາຍຫຼັງການເລືອກຕັ້ງ, Catalonia ຈະກັບຄືນສູ່ສັງຄົມຄືເມື່ອກ່ອນນີ້, ມີຄວາມເປີດອົກເປີດໃຈ ແລະ ເປັນເອກະພາບ. ນອກຈາກນັ້ນ, ລັດຖະບານແອັສປາຍ ຢືນຢັນວ່າ Madrid ຊົມເຊີຍອະດີດຜູ້ວ່າການເຂດ Puigdemont ເຂົ້າຮ່ວມການເລືອກຕັ້ງກ່ອນກຳນົດຢູ່ Catalonia ໃນເດືອນທັນວາທີ່ຈະມາເຖິງ. ໂຄສົກລັດຖະບານແອັສປາຍ Inigo Mendez de Vigo ຖືວ່າ ທ່ານ Puigdemont ຄວນກະກຽມໃຫ້ແກ່ການເລືອກຕັ້ງທີ່ຈະມາເຖິງ ຖ້າຫາກຢາກສືບຕໍ່ເດີນຕາມແນວທາງການເມືອງ. ເພື່ອເປັນການຕອບໂຕ້ຄືນ, ພັກ ຂອງ PDeCAT ຂອງອະດີດຜູ້ວ່າການເຂດ Puigdemont ຖະແຫຼງຈະເຂົ້າຮ່ວມການຫາສຽງເລືອກຕັ້ງ. ແຕ່ໝາກຜົນຂອງການຢັ່ງຫາງສຽງທີ່ປະກາດເມື່ອວັນທີ 29 ຕຸລາ ໄດ້ສະແດງໃຫ້ເຫັນວ່າ ບັນດາພັກສະໜັບສະໜູນຄວາມເປັນເອກະລາດຢູ່ Catalonia ຈະເຮັດໃຫ້ສູນເສຍທ່າໄດ້ປຽບກວມອັດຕາສ່ວນຫຼາຍຢູ່ ອົງການນິຕິບັນຍັດຂອງເຂດນີ້ ຖ້າຫາກການເລືອກຕັ້ງຖືກດຳເນີນໄປ. ຕາມ ໝາກຜົນຂອງການຢັ່ງຫາງສຽງແລ້ວ, ບັນດາພັກສະໜັບສະໜູນຄວາມເປັນເອກະລາດ ຖືກຖືວ່າ ແມ່ນຍາດເອົາ 42,5% ຈຳນວນບັດໃນຂະນະທີ່ ບັນດາພັກຄັດຄ້ານເອກະລາດຈະຍາດໄດ້ຈຳນວນບັດຫຼາຍກ່ວາ 43%.

     ວິກິດການການເມືອງທີ່ໃຫຍ່ກ່ວາໝູ່ຢູ່ແອັສປາຍ ໃນຫຼາຍທົດສະວັດທີ່ຜ່ານມາ ພວມຢູ່ໃນໄລຍະເຄັ່ງຕຶງທີ່ສຸດ. ເຖິງວ່າ ວິທີການເລືອກຕັ້ງໄດ້ຮັບການເລືອກເຟັ້ນເພື່ອຊ່ວຍ ແອັສປາຍ ຟື້ນຟູສິດຄຸ້ມຄອງ ແລະ ພື້ນຖານການປົກຄອງດ້ວຍກົດໝາຍຢູ່ Catalonia ກໍຕາມ, ແຕ່ເປັນທີ່ຈະແຈ້ງແລ້ວວ່າ ວິກິດການນີ້ໄດ້ສົ່ງຜົນສະທ້ອນທີ່ບໍ່ດີເຖິງພາບພົດຂອງເຂດ Catalonia ເວົ້າສະເພາະ ແລະ  ຄວາມເປັນເອກະພາບຂອງ ແອັສປາຍ ເວົ້າລວມ.