(VOVWORLD) -ປະທານໂຮ່ຈີມິນ ບໍ່ພຽງແຕ່ແມ່ນນັກການເມືອງປີຊາສາມາດ, ນັກວັດທະນະທຳມີຊື່ສຽງຂອງໂລກເທົ່ານັ້ນ ຫາກຍັງແມ່ນນັກການທູດດີເລີດອີກດ້ວຍ. ແນວຄິດການຕ່າງປະເທດ ແລະ ແບບແຜນນັກການທູດຂອງເພິ່ນແມ່ນເຕົ້າໂຮມສິ່ງຍອດຢ້ຽມທີ່ເປັນມູນເຊື້ອຂອງຊາດ ແລະ ຂອງມວນມະນຸດ. ວິທີການປະພຶດດີເດັ່ນຂອງເພິ່ນໃນການເຄື່ອນໄຫວການຕ່າງປະເທດ ໄດ້ປະກອບສ່ວນບໍ່ແມ່ນຫນ້ອຍເຂົ້າໃນໄຊຊະນະຂອງການປະຕິວັດຫວຽດນາມ ກໍ່ຄືຂະບວນການຕໍ່ສູ້ເພື່ອພື້ນຖານສັນຕິພາບລວມຂອງມວນມະນຸດ.
 ທ່ານ ເລຫາຍບີ່ງ, ຮອງຫົວຫນ້າຄະນະຊີ້ນຳວຽກງານຖະແຫລງຂ່າວການຕ່າງປະເທດ, ຄະນະໂຄສະນາສຶກສາສູນກາງ ພັກກອມມູນິດຫວຽດນາມ (ພາບ: TTXVN) |
ຕາມທ່ານ ເລຫາຍບີ່ງ, ຮອງຫົວຫນ້າຄະນະຊີ້ນຳວຽກງານຖະແຫລງຂ່າວການຕ່າງປະເທດ, ຄະນະໂຄສະນາສຶກສາສູນກາງ ພັກກອມມູນິດຫວຽດນາມ ແລ້ວ, ແບບແຜນນັກການທູດໂຮ່ຈີມິນ ແມ່ນການສົມທົບໂດຍມີການຄັດເລືອກລະຫວ່າງ ລັດທິຮັກຊາດ, ວັດທະນະທຳຂອງຊາດ ແລະ ມູນເຊື້ອການທູດຂອງຫວຽດນາມ, ສ້າງເປັນສີສັນສະເພາະໃຫ້ແກ່ການທູດຫວຽດນາມ.
ຄຸນນະທາດຂອງວັດທະນະທຳອະນາຄົດ
ທ່ານ ເລຫາຍບີ່ງ ຢືນຢັນວ່າ: ປະທານໂຮ່ຈີມິນ ແມ່ນຜູ້ນຳບໍ່ພຽງແຕ່ໄດ້ຮັບຄວາມເຄົາລົບນັບຖື, ຄວາມຮັກແພງ ຈາກປະຊາຊົນຫວຽດນາມ ເທົ່ານັ້ນ ຫາກນັບທັງເພື່ອນມິດສາກົນໃນ 5 ທະວີບອີກດ້ວຍ. ໃນຖານະເປັນປະທານປະເທດ, ທ່ານປະທານ ໂຮ່ຈີມິນ ຍາມໃດກໍ່ດຶງດູດໃຈຜູ້ຢູ່ເຊິ່ງຫນ້າ, ບໍ່ວ່າຜູ້ນັ້ນແມ່ນໃຜ ຍ້ອນເພີ່ນມີຄຸນນະທາດຂອງວັດທະນະທຳອະນາຄົດ. ຄຸນນະທາດນັ້ນ ເຮັດໃຫ້ຜູ້ຢູ່ເຊິ່ງຫນ້າ, ຜູ້ມີໂອກາດພົບປະກັບເພິ່ນ ນັບທັງສັດຕູ ກໍ່ລ້ວນແຕ່ເຄົາລົບນັບຖື ເພິ່ນ ທີ່ສຸດ. ທ່ານ ເລຫາຍບີ່ງ ຍົກຕົວຢ່າງວ່າ:
“ປີ 1923 ທ່ານ Manđenxtam ນັກຂ່າວ ແລະ ນັກກະວີ ໂຊວຽດ ມີໂອກາດໄດ້ພົບປະກັບລຸງໂຮ່ ໃນຄາວນັ້ນ ເພິ່ນ ຍັງເປັນອ້າຍບ່າວ ຫງວຽນອາຍກວັກ ໄດ້ໃຫ້ຂໍ້ສັງເກດວ່າ: “ຈາກ ຫງວຽນອາຍກວັກ ໄດ້ແຜ່ຂະຫຍາຍວັດທະນະທຳຢ່າງຫນຶ່ງ ອາດຈະແມ່ນພື້ນຖານວັດທະນະທຳຂອງອະນາຄົດ.”
ເມື່ອສັງເກດໂດຍສັງເຂບ, ປະທານໂຮ່ຈີມິນ ມີແນວຄິດ, ວັດທະນະທຳມະນຸດ, ເມດຕາປານີ ສຳລັບທົ່ວໂລກ. ຍາມໃດ ເພິ່ນ ກໍ່ແມ່ນຜູ້ລຽບງ່າຍ, ການສຳຜັດການປະພຶດສຸພາບທີ່ສຸດ. ຈາກກິລິຍາທ່າທາງນັ້ນ ເປັນການສະແດງໃຫ້ເຫັນພູມປັນຍາແຕ່ເຕັມໄປດ້ວຍຄວາມໃກ້ຊິດສະຫນິດສະຫນົມ. ສະນັ້ນ ເພີ່ນຈຶ່ງໄດ້ຮັບຄວາມເຄົາລົບນັບຖືຂອງບໍ່ວ່າຜູ້ໃດເມື່ອມີໂອກາດພົບປະກັບເພີ່ນ.
ແບບແຜນການທັກທາຍເຕັມໄປດ້ວຍຄຸນຄ່າດ້ານວັດທະນະທຳ
ມາຮອດປະຈຸບັນ, ມີເອກະສານຫລາຍສະບັບ, ຜູ້ເປັນພະຍານຫລາຍຄົນ ແລະ ບົດບັນທຶກຄວາມຊົງຈຳຂອງບັນດານັກການເມືອງ ທັງຢູ່ພາຍໃນ ແລະ ສາກົນ ລ້ວນແຕ່ເວົ້າເຖິງ ປະທານໂຮ່ຈີມິນ ດ້ວຍແບບແຜນການທັກທາຍແມ່ນລຽບງ່າຍ ໃກ້ຊິດສະຫນິດສະຫນົມ. ຕາມທ່ານ ເລຫາຍບີ່ງ ແລ້ວ, ອາດເວົ້າໄດ້ວ່າ ຢູ່ໃນໂລກ ຍາກທີ່ມີຜູ້ນຳທ່ານໃດ ທີ່ມີແບບແຜນການທັກທາຍເຕັມໄປດ້ວຍຄຸນຄ່າວັດທະນະທຳຄືປະທານໂຮ່ຈີມິນ. ຈຸດຫລັກໃນສີລະປະການປະພຶດຂອງທ່ານ ປະທານໂຮ່ຈີມິນແມ່ນຢູ່ບ່ອນວ່າ:
“ທີຫນຶ່ງ ເພິ່ນ ຍາມໃດກໍ່ກຳນົດຄວນເຮັດຫຍັງ, ການພົບປະທັກທາຍທາງການທູດແນວໃດ ຍາມໃດກໍ່ຖືຜົນປະໂຫຍດນັ້ນໃຫ້ຕິດພັນກັບຜົນປະໂຫຍດຂອງປະຊາຊົນ. ທີສອງ ໃນການປະພຶດ ຍາມໃດກໍ່ ເພິ່ນສະແດງໃຫ້ເຫັນການປະພຶດແບບວັດທະນະທຳມະນຸດ ແລະ ມີວັດທະນະທຳ. ທີສາມ ເພິ່ນ ມີຄວາມຄ່ອງແຄ້ວໃນການຮັບຮູ້ ເປົ້າໝາຍ ເພື່ອຈາກນັ້ນມີວິທີການເໝາະສົມ”
ທ່ານ ເລຫາຍບີ່ງ ກໍ່ຄັດສະເຫນີຄຳເວົ້າຂອງນັກການທູດ, ນັກປະຫວັດສາດ ແລະ ນັກການເມືອງ ຫລາຍທ່ານ ທີ່ເວົ້າເຖິງແບບແຜນການປະພຶດທາງການທູດຂອງ ປະທານໂຮ່ຈີມິນ ນັ້ນແມ່ນ ການ ສົມທົບຢ່າງຄ່ອງແຄ້ວລະຫວ່າງ ວັດທະນະທຳຂອງຊາດ ກັບ ຮີດຄອງປະເພນີຂອງນາໆຊາດໃນໂລກເພື່ອສ້າງເປັນສີລະປະການປະພຶດທາງການທູດ. ແນວຄິດການຕ່າງປະເທດ ແລະ ແບບແຜນການທູດຂອງ ເພິ່ນ ແມ່ນການເຕົ້າໂຮມສິ່ງຍອດຢ້ຽມມູນເຊື້ອຂອງຊາດ ແລະ ຂອງມວນມະນຸດ.
ທ່ານ ເລຫາຍບີ່ງ ສະຫລຸບວ່າ: ວຽກງານການທູດຂອງປະທານໂຮ່ຈີມິນ ແມ່ນການທູດເພື່ອມະນຸດ ແມ່ນ ການເຕົ້າໂຮມໂດຍມີການຄັດເລືອກລະຫວ່າງ ລັດທິຮັກຊາດ, ວັດທະນະທຳຂອງຊາດ ແລະ ມູນເຊື້ອການທູດຂອງຫວຽດນາມ, ສ້າງເປັນສີສັນສະເພາະໃຫ້ແກ່ການທູດຫວຽດນາມ. ການທູດມະນຸດຕາມແບບແຜນຂອງປະທານໂຮ່ຈີມິນ ນັ້ນແມ່ນ ເຂົ້າໃຈຜູ້ອື່ນ, ແບ່ງປັນກັບຜູ້ອື່ນ ເພື່ອໃຫ້ເຂົາເຈົ້າມີຄວາມເຂົ້າໃຈຕົນກວ່າ. ແບບແຜນການທູດນີ້ ເຕັມໄປດ້ວຍສີສັນວັດທະນະທຳຫວຽດນາມ. ໂລກ ໄດ້ຍ້ອງຍໍສັນລະເສີນແບບແຜນການທູດຂອງປະທານໂຮ່ຈີມິນ ເພາະວ່າ ເພີ່ນ ແມ່ນສັນຍາລັກແຫ່ງຄວາມເປັນແບບຢ່າງກ່ຽວກັບຄຸນສົມບັດ ແລະ ແບບແຜນການທູດຂອງ ເພິ່ນ ແມ່ນແບບຢ່າງໃຫ້ແກ່ການນຳ ແລະ ນັກການເມືອງຢູ່ພາຍໃນ ແລະ ຕ່າງປະເທດຮ່ຳຮຽນຕາມ.