ທ່ານປະທານສະພາແຫ່ງຊາດ Samdech Heng Samrin (ພາບ: TTXVN)

ໃນລະຫວ່າງວັນທີ 12 – 14 ກັນຍາ, ຄະນະສະມາຊິກສະພາແຫ່ງຊາດແຫ່ງລາຊະອານາຈັກ ກຳປູເຈຍ ນຳໂດຍທ່ານປະທານສະພາແຫ່ງຊາດ Samdech Heng Samrin ນຳໜ້າ ໄດ້ມາຢ້ຽມຢາມ ຫວຽດນາມ ຢ່າງເປັນທາງການ, ຕາມຄຳເຊື້ອເຊີນຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ. ນີ້ແມ່ນເຫດການການຕ່າງປະເທດສຳຄັນລະຫວ່າງສະພາແຫ່ງຊາດ 2 ປະເທດໃນປີມິດຕະພາບ ຫວຽດນາມ - ກຳປູເຈຍ 2022, ສະແດງໃຫ້ເຫັນການຖືເປັນສຳຄັນການພົວພັນຂອງ ກຳປູເຈຍ ກັບ ຫວຽດນາມ, ພ້ອມກັນນັ້ນ ກໍ່ໄດ້ຢັ້ງຢືນແຜນນະໂຍບາຍສະເໝີຕົ້ນສະເໝີປາຍຂອງພັກ, ລັດ ຫວຽດນາມ ທີ່ຍາມໃດກໍ່ໃຫ້ບຸລິມະສິດສູງສຸດແກ່ການເພີ່ມທະວີການພົວພັນກັບ ກຳປູເຈຍ.

        ການຢ້ຽມຢາມ ຫວຽດນາມ ຂອງທ່ານປະທານສະພາແຫ່ງຊາດແຫ່ງລາຊະອານາຈັກ ກຳປູເຈຍ ແມ່ນການເຄື່ອນໄຫວແລກປ່ຽນຄະນະການນຳຂັ້ນສູງສະພາແຫ່ງຊາດຂອງ 2 ປະເທດຄັ້ງທຳອິດ ນັບແຕ່ເມື່ອໂລກລະບາດໂຄວິດ-19 ແຜ່ລະບາດ.

ຖືສາຍພົວພັນມິດຕະພາບທີ່ເປັນມູນເຊື້ອເປັນສຳຄັນ

        ການຢ້ຽມຢາມ ຫວຽດນາມ ຂອງທ່ານປະທານສະພາແຫ່ງຊາດ ກຳປູເຈຍ Samdech Heng Samrin ແມ່ນເຫດການທີ່ມີຄວາມໝາຍສຳຄັນຍິ່ງ ຖືກດຳເນີນໃນສະພາບທີ່ 2 ຝ່າຍພວມສົມທົບກັນຈັດການເຄື່ອນໄຫວຫຼາຍຢ່າງເພື່ອສະເຫຼີມສະຫຼອງປີມິດຕະພາບ ຫວຽດນາມ - ກຳປູເຈຍ 2022, ສະເຫຼີມສະຫຼອງ 55 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງ 2 ປະເທດ (24 ມິຖຸນາ 1967 – 24 ມິຖຸນາ 2022), ໂດຍສະເພາະແມ່ນພິທີສະເຫຼີມສະຫຼອງ 45 ປີແຫ່ງ “ການເດີນທາງໄປເຖິງການໂຄ່ນລົ້ມລະບອບດັບສູນເຊື້ອຊາດ ປົນປົດ”.

        2 ຝ່າຍໄດ້ຮັກສາ ແລະ ປະຕິບັດຂໍ້ຕົກລົງຮ່ວມມືລະຫວ່າງສະພາແຫ່ງຊາດ 2 ປະເທດເຊິ່ງໄດ້ລົງນາມໃນເດືອນ ພຶດສະພາ 2019 ເປັນຢ່າງດີ; ຜ່ານນັ້ນ, ສ້າງພື້ນຖານນິຕິກຳ ແລະ ສ້າງເງື່ອນໄຂທີ່ດີເພື່ອໃຫ້ບັນດາຄະນະກຳມາທິການວິຊາສະເພາະ, ກຸ່ມສະມາຊິກລັດຖະສະພາລະຫວ່າງ 2 ປະເທດແບ່ງປັນບົດຮຽນໃນຂົງເຂດສ້າງກົດໝາຍ, ຕິດຕາມກວດກາ, ຕັດສິນບັນດາບັນຫາສຳຄັນຂອງປະເທດຊາດ.

        ອົງການວິຊາສະເພາະຂອງ 2 ຝ່າຍດຳເນີນການຕິດຕາມກວດກາເປັນປະຈຳການປະຕິບັດບັນດາຂໍ້ຕົກລົງຮ່ວມມືທີ່ກ່ຽວຂ້ອງເຖິງເສັ້ນຊາຍແດນ, ຜືນແຜ່ນດິນ, ການປັກຫຼັກໝາຍຊາຍແດນທາງບົກ, ຂົງເຂດປ້ອງກັນຊາດ ແລະ ປ້ອງກັນຄວາມສະຫງົບ, ການສຶກສາ ແລະ ບຳລຸງສ້າງ, ການເຊື່ອມຕໍ່ດ້ານພື້ນຖານຄົມມະນາຄົມ…; ພ້ອມກັນນັ້ນ 2 ຝ່າຍກໍ່ເພີ່ມທະວີການສົມທົບກັນ, ກະຕຸກຊຸກຍູ້ ແລະ ຕິດຕາມບັນດາກະຊວງ, ຂະແໜງການ, ທ້ອງຖິ່ນ ແລະ ວິສາຫະກິດໃນການປະຕິບັດສັນຍາ, ຂໍ້ຕົກລົງທີ່ໄດ້ລົງນາມລະຫວ່າງ 2 ປະເທດຢ່າງເປັນປະຈຳ.

        ໃນດ້ານການຮ່ວມມືຫຼາຍຝ່າຍ, ທີ່ບັນດາເວທີປາໄສລັດຖະສະພາພາກພື້ນ ແລະ ໂລກ (IPU, AIPA, APF, APPF, ASEP…), ຄະນະສະມາຊິກສະພາແຫ່ງຊາດຂອງ 2 ປະເທດໄດ້ເພີ່ມທະວີການແລກປ່ຽນ, ທາບທາມຄວາມເຫັນ, ສົມທົບຫຼັກໝັ້ນກ່ຽວກັບບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.  ປະຈຸບັນ, ກຳມາທິການການຕ່າງປະເທດ, ກຳມາທິການປ້ອງກັນຊາດ ແລະ ປ້ອງກັນຄວາມສະຫງົບຂອງສະພາແຫ່ງຊາດ ຫວຽດນາມ ມີກົນໄກສົມທົບກັບກຳມາທິການທຽບເທົ່າຂອງສະພາແຫ່ງຊາດ ແລະ ສະພາສູງ ກຳປູເຈຍ ແລະ ສະພາແຫ່ງຊາດ ລາວ ຈັດກອງປະຊຸມວິຊາສະເພາະປະຈຳໄລຍະກ່ຽວກັບເຂດ 3 ຫຼ່ຽມພັດທະນາ (CLV). ທ່ານ ຫວູຫາຍຮ່າ, ຫົວໜ້າກຳມາທິການການຕ່າງປະເທດ ສະພາແຫ່ງຊາດ ຫວຽດນາມ, ໃຫ້ຮູ້ວ່າ:

        “ລະຫວ່າງສະພາແຫ່ງຊາດ ລາວ - ກຳປູເຈຍ - ຫວຽດນາມ ມີບັນດາກົນໄກຮ່ວມມືລະຫວ່າງກຳມາທິການການຕ່າງປະເທດ, ກຳມາທິການປ້ອງກັນຊາດປ້ອງກັນຄວາມສະຫງົບ, ກຳມາທິການເສດຖະກິດ, ກຳມາທິການການເງິນງົບປະມານ. ຕາມຂໍ້ລິເລີ່ມ ແລະ ຂໍ້ສະເໜີຂອງ ຫວຽດນາມ, ປະທານສະພາແຫ່ງຊາດ 3 ປະເທດ ເປັນເອກະພາບກັນຈະຍົກລະດັບກົນໄກການພົວພັນລະຫວ່າງ 3 ສະພາແຫ່ງຊາດໃຫ້ຂຶ້ນລະດັບປະທານສະພາແຫ່ງຊາດ, ບັນດາກົນໄກທີ່ມີຢູ່ແລ້ວລະຫ່າງບັນດາກຳມາທິການຄື: ກຳມາທິການການຕ່າງປະເທດ, ມາທິການປ້ອງກັນຊາດປ້ອງກັນຄວາມສະຫງົບ, ກຳມາທິການເສດຖະກິດ, ກຳມາທິການການເງິນງົບປະມານ ແມ່ນພາກສ່ວນປະກອບໃນກົນໄກໃໝ່ນີ້”.

ທ່ານຮອງປະທານກຳມາທິການການຕ່າງປະເທດ ຫວຽດນາມ ດິງກົງຊີ (ພາບ: quochoi.vn)

ການຢ້ຽມຢາມທີ່ມີຄວາມໝາຍແທດຈິງສຳລັບການພົວພັນ 2 ຝ່າຍ

        ຄາດວ່າ, ໃນໄລຍະຢູ່ຢ້ຽມຢາມ ຫວຽດນາມ ຂອງຄະນະສະມາຊິກສະພາແຫ່ງຊາດແຫ່ງລາຊະອານາຈັກ ກຳປູເຈຍ, 2 ຝ່າຍຈະແບ່ງປັນກ່ຽວກັບບັນດາການກຳນົດທິດໃຫຍ່ ແລະ ບັນດາມາດຕະການແກ້ໄຂໃນການຈັດຕັ້ງຜັນຂະຫຍາຍຂໍ້ຕົກລົງຂັ້ນສູງໃຫ້ບັນລຸປະສິດທິຜົນ, ກໍຄືຊຸກຍູ້ການພົວພັນ 2 ຝ່າຍໃນໄລຍະໃໝ່. ໃນການພົວພັນຮ່ວມມືລະຫວ່າງສະພາແຫ່ງຊາດ 2 ປະເທດ, ທ່ານຮອງປະທານກຳມາທິການການຕ່າງປະເທດ ຫວຽດນາມ ດິງກົງຊີ, ໃຫ້ຮູ້ວ່າ:

        “2 ຝ່າຍຈະສືບຕໍ່ແລກປ່ຽນ, ແບ່ງປັນກ່ຽວກັບບັນດາມາດຕະການແກ້ໄຂ, ການເຄື່ອນໄຫວແລກປ່ຽນຄະນະຜູ້ແທນຂັ້ນສູງ ແລະ ກຳມາທິການວິສາສະເພາະ, ລະຫວ່າງບັນດາສະມາຊິກລັດຖະສະພາຂອງ 2 ປະເທດ ເພື່ອຍົກລະດັບ, ເພີ່ມທະວີການເຄື່ອນໄຫວຂອງສະພາແຫ່ງຊາດ, ຄະນະກຳມາທິການວິຊາສະເພາະໃຫ້ເຂົ້າສູ່ລວງເລິກ, ພິເສດແມ່ນການແລກປ່ຽນບົດຮຽນໃນຂົງເຂດສ້າງກົດໝາຍ, ການເຄື່ອນໄຫວຕິດຕາມກວດກາ ຕ້ອງສືບຕໍ່ເພີ່ມທະວີກວ່າອີກໃນໄລຍະຈະມາເຖິງ”.

        ຄະນະສະມາຊິກສະພາແຫ່ງຊາດ ຫວຽດນາມ ແລະ ກຳປູເຈຍ ກໍ່ຈະແບ່ງປັນບົດຮຽນໃນການສ້າງ ແລະ ປະກາດນະໂຍບາຍກົດໝາຍ ເພື່ອສ້າງແລວນິຕິກຳຢ່າງທັນການ ໜູນຊ່ວຍລັດຖະບານໃນການຟື້ນຟູເສດຖະກິດ - ສັງຄົມພາຍຫຼັງໂລກລະບາດໂຄວິດ-19; ສືບຕໍ່ເສີມຂະຫຍາຍກົນໄກສົມທົບກັນຢູ່ບັນດາເວທີປາໄສຫຼາຍຝ່າຍ…

        ການຢ້ຽມຢາມ ຫວຽດນາມ ຂອງທ່ານປະທານສະພາແຫ່ງຊາດ ກຳປູເຈຍ Samdech Heng Samrin ໄດ້ສະແດງໃຫ້ເຫັນວ່າ ຍາມໃດ 2 ຝ່າຍກໍ່ຖືສາຍພົວພັນມິດຕະພາບທີ່ເປັນມູນເຊື້ອເປັນສຳຄັນ ແລະ ສະຫງວນບຸລິມະສິດສູງໃຫ້ແກ່ການເພີ່ມທະວີການພົວພັນ “ຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ” ລະຫວ່າງ ຫວຽດນາມ ແລະ ກຳປູເຈຍ.