(ເຂົ້າຮ່ວມກອງປະຊຸມສົນທະນາມີທ່ານນາຍົກລັດຖະມົນຕີ ຟ້າມມິນຈິງ ພ້ອມກັບການນຳບັນດາກະຊວງ, ຂະແໜງການທີ່ກ່ຽວຂ້ອງ)

ທີ່ກອງປະຊຸມສົມທະນາກັບກຳມະກອນຜູ້ອອກແຮງງານໃນວັນທີ 12 ພຶດສະພາ, ຢູ່ແຂວງ ບັກຢາງ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ຢືນຢັນເປົ້າໝາຍເປັນຢ່າງດີເຊິ່ງພັກ, ລັດ ຫວຽດນາມ ວາງອອກແມ່ນ ເບິ່ງແຍງດູແລຊີວິດທາງດ້ານຈິດໃຈ, ວັດຖຸຂອງປະຊາຊົນ, ເຮັດໃຫ້ປະຊາຊົນມີຊີວິດທີ່ອີ່ມໜຳສຳລານ, ສົມບູນພູນສຸກ. ຫວຽດນາມ ກໍ່ຮັບຮູ້ສິດທິມະນຸດລຸລ່ວງຈາກລັດຖະທຳມະນູນປີ 1946 ມາຮອດປະຈຸບັນ, ກຳນົດມະນຸດເປັນໃຈກາງ, ແມ່ນເຈົ້າຂອງ, ແມ່ນເປົ້າໝາຍ ແລະ ເປັນກຳລັງໜູນພັດທະນາ, ໃນນັ້ນມີຊົນຊັ້ນກຳມະກອນ.

        ທີ່ລາຍການພົບປະ, ສົນທະນາມີການເຂົ້າຮ່ວມຂອງກຳມະກອນ 4.500 ຄົນຢູ່ ສະຖານທີ່ຖ່າຍຖອດຫຼັກຢູ່ ບັກຢາງ ແລະ 63 ສະຖານທີ່ເຊື່ອມຕໍ່ຢູ່ 62 ແຂວງ, ນະຄອນ ແລະ ສະຫະພັນໃຫຍ່ແຮງງານ ຫວຽດນາມ. ສ່ວນຝ່າຍລັດຖະບານ, ເຂົ້າຮ່ວມກອງປະຊຸມສົນທະນາມີທ່ານນາຍົກລັດຖະມົນຕີ ຟ້າມມິນຈິງ ພ້ອມກັບການນຳບັນດາກະຊວງ, ຂະແໜງການທີ່ກ່ຽວຂ້ອງ. ທີ່ກອງປະຊຸມສົນທະນານີ້ ໄດ້ແກ້ໄຂຂໍ້ຄົງຄ້າງຫຼາຍຢ່າງຂອງກຳມະກອນຜູ້ອອກແຮງງານ, ຢືນຢັນຄວາມເອົາໃຈໃສ່ຂອງພັກ, ລັດ, ລັດຖະບານ, ນາຍົກລັດຖະມົນຕີ, ຜູ້ນຳໃຊ້ຜູ້ອອກແຮງງານ ແລະ ປະຊາຄົມສັງຄົມສຳລັບກຳມະກອນຜູ້ອອກແຮງງານ.

ຜູ້ອອກແຮງງານ 3,4 ລ້ານຄົນໄດ້ຮັບການໜູນຊ່ວຍດ້ານເຮືອນຢູ່ພາຍຫຼັງໂລກລະບາດ

        ການແກ້ໄຂກ່ຽວກັບນະໂຍບາຍໜູນຊ່ວຍ, ອຸດໜູນໃຫ້ແກ່ລູກຫຼານກຳມະກອນທີ່ເຮັດວຽກຢູ່ເຂດອຸດສາຫະກຳ, ເຂດຜະລິດເພື່ອສົ່ງອອກ ແລະ ໜູນຊ່ວຍນະໂຍບາຍໃຫ້ແກ່ຜູ້ອອກແຮງງານກ່ຽວກັບເງິນເຊົາເຮືອນພັກແມ່ນບັນຫາທີ່ພວມມີຄວາມສົນໃຈ ພາຍຫຼັງພົນສະທ້ອນຈາກໂລກລະບາດໂຄວິດ-19. ຕາມການແບ່ງປັນຂອງທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ດ່າວງອັກຢຸງ ກອງປະຊຸມສົນທະນາແລ້ວ, ໃນໄລຍະ 2 ປີຜ່ານມາ, ຫວຽດນາມ ມີຄວາມເດັດດຽວໃນການຊີ້ນຳ, ໄດ້ປະກາດໃຊ້ຫຼາຍນະໂຍບາຍທີ່ກ່ຽວຂ້ອງ, ໜູນຊ່ວຍຜູ້ອອກແຮງງານ, ໃນນັ້ນມີຫຼາຍນະໂຍບາຍທີ່ “ບໍ່ເຄີຍມີມາກ່ອນ”. ທ່ານ ດ່າວງອັກຢຸງ ກ່າວວ່າ:

        “ພິເສດຄື ມະຕິເລກທີ 68 ກ່ຽວກັບນະໂຍບາຍໜູນຊ່ວຍຜູ້ອອກຮງງານໃນການປ້ອງກັນ, ຕ້ານໂລກລະບາດໂຄວິດ-19, ມະຕິເລກທີ 116 ກ່ຽວກັບການໜູນຊ່ວຍຜູ້ອອກແຮງງານຈາກກອງທຶນປະກັນການວ່າງງານ, ສະຫຼຸບແລ້ວ ມີ 55 ລ້ານເທື່ອຄົນໄດ້ຊົມໃຊ້, ດ້ວຍຈຳນວນເງິນ 81.000 ຕື້ດົ່ງໜູນຊ່ວຍຜູ້ອອກແຮງງານ. ເລື່ອງໜູນຊ່ວຍລູກຫຼານກຳມະກອນຜູ້ອອກແຮງງານຖືກຜົນສະທ້ອນຈາກໂລກລະບາດໂຄິດ-19 ແມ່ນເນື້ອໃນເຊິ່ງໄດ້ຮັບຄວາມສົນໃຈໃນການສ້າງນະໂຍບາຍ. ເດັກກຳພ້າໃນເວລາເກີດໂລກລະບາດລ້ວນແຕ່ປະກາດໃຊ້ນະໂຍບາຍສະເພາະ; ເດັກນ້ອຍມີແມ່ເປັນ F1, F0 ທີ່ເກີດລູກໃນໄລຍະນັ້ນ ກໍ່ໄດ້ຮັບການໜູນຊ່ວຍ. ສະເພາະກ່ຽວກັບນະໂຍບາຍໜູນຊ່ວຍເຮືອນຢູ່ ເພື່ອປະຕິບັດມະຕິຂອງສະພາແຫ່ງຊາດ ກໍຄືໂຄງການຟື້ນຟູ, ພັດທະນາເສດຖະກິດ, ສັງຄົມພາຍຫຼັງໂລກລະບາດ, ປະຈຸບັນ ບັນດາແຂວງ, ນະຄອນ ໄດ້ສ້າງບັນຊີລາຍຊື່. ຄາດວ່າ ຈຳນວນຜູ້ໄດ້ຮັບການໜູນຊ່ວຍຕາມການລວບລວມແມ່ນ 3,4 ລ້ານເທື່ອຄົນ”.

        ກ່ຽວຂ້ອງເຖິງເຮືອນຢູ່ສັງຄົມໃຫ້ແກ່ກຳມະກອນ, ຕາມຜູ້ຕາງໜ້າກະຊວງກໍ່ສ້າງ ຫວຽດນາມ ແລ້ວ, ຫວຽດນາມ ໄດ້ລົງທຶນກໍ່ສ້າງເຮືອນຢູ່ສັງຄົມ 7,3 ລ້ານຕາແມັດແລ້ວ, ໃນນັ້ນເຮືອນຢູ່ໃຫ້ກຳມະກອນມີຂອບຂະໜາດປະມານ 2,5 ລ້ານຕາແມັດ, ຕອບສະໜອງໄດ້ປະມານ 40% ຄວາມຕ້ອງການຂອງກຳມະກອນໃນທົ່ວປະເທດ. ໃນໄລຍະຈະມາເຖິງ, ລັດຖະບານຈະສ້າງລະບອບລະບຽບ ແລະ ບັນດາກົນໄກນະໂຍບາຍຊຸກຍູ້ການລົງທຶນພັດທະນາເຮືອນຢູ່ໃຫ້ກຳມະກອນໃຫ້ສົມບູນແບບ, ສະຫງວນທີ່ດິນເພື່ອລົງທຶນພັດທະນາເຮືອນຢູ່ໃຫ້ແກ່ກຳມະກອນ.

ຍົກສູງສະຫວັດດີການສັງຄົມໃຫ້ແກ່ກຳມະກອນ

        ກ່ຽວກັບສະຫວັດດີການສັງຄົມ, ທີ່ກອງປະຊຸມສົນທະນາ, ທ່ານລັດຖະມົນຕີ ດ່າວງອັກຢຸງ ໃຫ້ຮູ້ວ່າ ໃນກົດໝາຍວ່າດ້ວຍປະກັນສັງຄົມ ສະບັບປັບປຸງ, ທາງກະຊວງໄດ້ສ້າງສຳເນົາເອກະສານລະບຽບການດ້ວຍ 11 ໝວດນະໂຍບາຍປະກັນໄພສົມບູນແບບ, ສະເພາະເລື່ອງດັດປັບຫຼຸດອາຍຸພັກກິນເບ້ຍບຳນານຢ່າງຮຽບຮ້ອຍແລ້ວ ແລະ ຈະຍື່ນສະເໜີຕໍ່ສະພາແຫ່ງຊາດໃນປີ 2023.

        “ພວກເຮົາຈະຫຼຸດເວລາປະກອບປະກັນສັງຄົມ. ກ່ອນນີ້, ພວກເຮົາກຳນົດ 20 ປີ. ຮ່າງມະຕິໄດ້ຫຼຸດລົງເຫຼືອພຽງ 15 ປີ ແລະ ກ້າວໄປເຖິງແມ່ນຫຼຸດລົງເຫຼືອພຽງ 10 ປີ, ດ້ວຍຈິດໃຈ “ປະກອບຄ່າປະກັນໄພຫຼາຍຈະໄດ້ຮັບຫຼາຍ, ເສຍຄ່າປະກັນໄພຊັ້ນຈະຮັບເວລາສັ້ນກວ່າ” ຍ້ອນຫຼັກການປະກັນໄພບົນຈິດໃຈສະເໝີພາບ, ແບ່ງປັນ. ພ້ອມກັນນັ້ນ, ຮ່າງມະຕິໄດ້ເພີ່ມການຮ່ວມສຳພັນລະຫວ່າງບັນດາກຸ່ມປະກັນໄພສັງຄົມ, ຮັບປະກັນສິດຜົນປະໂຫຍດໃຫ້ແກ່ຜູ້ອອກແຮງງານ”.

        ຕໍ່ໜ້າຄວາມມຸ່ງມາດປາດຖະໜາຂອງຜູ້ອອກແຮງງານ ທີ່ຢາກມີສີມືແຮງງານເປັນຢ່າງດີກວ່າ ເພື່ອໃຫ້ມີລາຍຮັບສູງກວ່າ, ຮັບປະກັນຊີວິດການເປັນຢູ່ເປັນປົກກະຕິ, ປະກອບສ່ວນໃຫ້ແກ່ວິສາຫະກິດ ແລະ ປະເທດຊາດໄດ້ຫຼາຍກວ່າ, ທ່ານນາຍົກລັດຖະມົນຕີ ຟ້າມມິນຈິງ, ໃຫ້ຮູ້ວ່າ:

        “ນີ້ແມ່ນຄຳຮຽກຮ້ອງອັນຊອບທຳຂອງຜູ້ອອກແຮງງານ ແລະ ກຳມະກອນ. ລັດຖະບານໄດ້ມີແຜນນະໂຍບາຍແລ້ວ. ໃນໄລຍະຜ່ານມາ ໃນໂຄງການຕົ້ນປີ ເມື່ອຈັດສັນເງິນລົງທຶນໄລຍະກາງ, ລັດຖະບານ ແລະ ນາຍົກລັດຖະມົນຕີໄດ້ປຶກສາຫາລືກັບບັນດາກະຊວງ, ຂະແໜງການທີ່ກ່ຽວຂ້ອງ ສະຫງວນຈຳນວນເງິນ 2.000 ຕື້ດົ່ງໃຫ້ແກ່ວຽກງານບຳລຸງສ້າງວິຊາຊີບ ເພື່ອຍົກສູງຄຸນນະພາບບຳລຸງສ້າງອາຊີບໃຫ້ແກ່ກຳມະກອນ. ຖ້າຫາກຍັງມີຄວາມສາມາດບົ່ມຊ້ອນຈະສືບຕໍ່ປະຕິບັດ. ສະນັ້ນ, ໜ້າທີ່ຄວາມຮັບຜິດຊອບຂອງບັນດາເຈົ້າຂອງທີ່ກ່ຽວຂ້ອງຄື ກຳມະກອນຕ້ອງມານະພະຍາຍາມ, ຄຸ້ມຄອງລັດຕ້ອງມີນະໂຍບາຍ, ກົນໄກ, ຈັດຕັ້ງການປະຕິບັດໃຫ້ເປັນຢ່າງດີ່ທີ່ສຸດ”.

        ກຳມະກອນຜູ້ອອກແຮງງານແມ່ນໜຶ່ງໃນບັນດາເຈົ້າຂອງເພື່ອປະຕິບັດເປົ້າໝາຍພັດທະນາ, ສ້າງພື້ນຖານອຸດສາຫະກຳທັນສະໄໝ. ສະນັ້ນ, ເລື່ອງເອົາໃຈໃສ່, ເບິ່ງແຍງດູແລໃຫ້ແກ່ກຳມະກອນ, ຜູ້ອອກແຮງງານ, ຮັບປະກັນສິດ ແລະ ຜົນປະໂຫຍດຢ່າງສູງສຸດໃຫ້ແກ່ຜູ້ອອກຮງງານ ຈະປະກອບສ່ວນເຂົ້າໃນກິດຈະການສ້າງສາປະເທດຊາດ, ພ້ອມກັນນັ້ນກໍ່ແມ່ນການຮັບປະກັນການໜູນຊ່ວຍສັງຄົມ.